Roma KAG MGA PAUNANG BISAYA TUNGOR SA SUYAT NI APOSTOL PABLO PARA SA
KAG MGA PAUNANG BISAYA TUNGOR SA SUYAT NI APOSTOL PABLO PARA SA
MGA TAGA-ROMA
Kaling suyat ay ingsuyat ni Apostol Pablo, mga 27 tuig pagkatapos sa kamatayon ni Hesus. (Kali ay ingbibilang nak 57 A.D.) Gingsuyat nida kali sa mga nagtutu-o kang Kristo sa syudad it Roma sa Italya, nak karamuan ay buko mga lahi it Hudyo. Katong ingsuyat ni Palo kali, waya pa sida nakakapagto sa Roma.
Si Pablo ay ingtatawag rang Saulo sa bisayang Hebreo. Aber sida ay usang lahi it Hudyo, nagrako sida sa Tarso kada nagbibisaya sida it Griyego ag naghihimo it mga tolda halin sa anit it hadop. Abang tutom si Pablo sa relihiyon it mga Hudyo ag ida gingpapahirapan kag mga nagsusunor kang Hesus. Pero usang adlaw habang sida ay asa rayan papagto sa syudad it Damasco pramas pahirapan kag mga nagtutu-o kag Gino-o ay nagpakita sa ida. Sa nak raan ay nabag-o kag ida kabuhi, ag tuna kato sida ay nagserbisyo sa Ginoong Hesu-Kristo habang sida ay buhi. (Bin. 7:58; 8:1-3; 9:1-19 ag Plp. 5:3-6.)
Kaling suyat ay tungor sa tamang panudlo it Maadong Balita, kag plano it Dios sa kaluwasan ag kung pauno kag tawo ay gingtaw-an it pagka-matarong parayan sa pagtu-o kang Kristo.
Riling suyat ay ingpahadag ni Pablo nak katong mga ingtubos it Dios ay nagkakausa pramas wayaey it ni-o mang harang sa lahi it mga Hudyo ag buko Hudyo.
KAG SUYOR IT ROMA
Kag Pagpangamusta 1:1
Kag mga Paunang Bisaya Tungor sa Maadong Balita 1:2-17
Kag Tanang Tawo ay Makasal-anan sa Pagmuyat it Dios 1:18—3:20
Kung Pauno Ginghimo it Dios nak Matarong kag Tawo 3:21—4:25
Kag Bag-ong Kabuhi Parayan sa Pagtu-o kang Kristo 5:1—8:39
Kag Plano it Dios Para sa mga Lahi it Hudyo 9:1—11:36
Kag Bag-ong Pagpangabuhi it mga Nagsusunor kang Kristo 12:1—15:13
Kag Ministeryo ni Apostol Pablo sa mga Buko Hudyo 15:14-33
Kag mga Huling Pagpangamusta 16:1-27
Kag Suyat ni Apostol Pablo para sa
MGA TAGA-ROMA
अहिले सेलेक्ट गरिएको:
Roma KAG MGA PAUNANG BISAYA TUNGOR SA SUYAT NI APOSTOL PABLO PARA SA: bnoNTgnex
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© Wycliffe Bible Translators, Inc. All rights reserved.