भजनसंग्रह 60
60
छुटकाराको लागि प्रार्थना
1हे परमेश्वर! तपाईंले हामीलाई इन्कार गर्नुभएको छ
र हाम्रो हार गराउनुभएको छ।
हामीसँग रिसाउनुभएको छ,
तर अब हामीतिर फर्कनुहोस्।
2तपाईंले धरतीलाई थर्काउनुभएको छ
र त्यसलाई फारिदिनुभएको छ।
त्यसका धाँदाहरू पुरिदिनुहोस् किनकि त्यो हल्लिंदै छ।
3तपाईंले आफ्ना प्रजालाई ठूलो कष्ट दिनुभएको छ,
मातेका मानिसजस्तै हामी खुट्टा लड्बडाएर हिँड्दछौं।
4तिनीहरू दोषी नठहरिऊन् भनेर आफ्नो भय मान्नेहरूलाई
तपाईंले चेतावनी दिनुभएको छ।
5आफ्नो सामर्थ्यले हामीलाई बचाउनुहोस्, हाम्रा प्रार्थनाको उत्तर दिनुहोस्
र तपाईंले प्रेम गर्नुभएका मानिसहरूले उद्धार पाऊन्!
6आफ्नो बासस्थानबाट परमेश्वर भन्नुहुन्छ,
“विजय गरेर म शकेमलाई भाग गर्नेछु
र सुक्कोतको बेसी मेरा प्रजाका बीच बाँडिदिनेछु।
7गिलाद र मनश्शे मेरा हुन्,
एफ्राइम मेरो टाउकोको मुकुट हो
र यहूदा मेरो राजदण्ड हो।
8तर मोआबलाई म मेरो हात चुठ्ने भाँडो बनाएर चलाउनेछु
र सदोमलाई म जुत्ताले हान्नेछु
र त्यो मेरो हो भन्ने सङ्केत त्यसरी दिनेछु।
के पलिश्तीहरूले ममाथि विजय गरेर उच्च स्वरले चिच्च्याउँला भन्ठानेका थिए?”
9हे परमेश्वर! कसले मलाई पर्खालले घेरेको सहरमा पुर्याउला?
कसले मलाई एदोममा पुर्याउला?
10के साँच्चै तपाईंले हामीलाई इन्कार गर्नुभयो?
के तपाईं हाम्रा सेनाहरूसँग हिँडी निक्लनुहुन्न?
11शत्रुहरूका विरुद्धमा हाम्रो सहायता गर्नुहोस्,
मानिसको सहायता व्यर्थ छ।
12परमेश्वर हाम्रा साथमा हुनुभएकोले हामी जित्नेछौं,
उहाँले हाम्रा शत्रुहरूको हार गराउनुहुनेछ।
अहिले सेलेक्ट गरिएको:
भजनसंग्रह 60: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.