भजनसंग्रह 15
15
परमेश्वरले के चाहनुहुन्छ?
1हे परमप्रभु, तपाईंको मन्दिरमा को पस्न पाउँछ?
तपाईंको पवित्र डाँडा सियोनमा कसले पुज्न पाउँछ?
2त्यस व्यक्ति, जसले सबै कुरामा परमेश्वरका आज्ञा मान्छ,
जसले सधैँ ठीक काम गर्छ,
जसका वचन साँचा र इमानदार हुन्छ
3र जसले अर्काको निन्दा गर्दैन।
उसले आफ्ना साथीको खराबी गर्दैन,
आफ्ना छिमेकीहरूका बारेमा झूट कुरा फैलाउँदैन।
4परमेश्वरले त्यागेकाहरूलाई उसले घृणा गर्छ,
तर परमप्रभुका आज्ञा मान्नेहरूलाई आदर गर्छ।
उसले आफ्नो प्रतिज्ञा सधैँ पूरा गर्छ,
त्यसो गर्न आफूलाई जति नै हानि भए पनि त्यो उसले पूरा गरी छोड्छ।
5उसले ऋण दिँदा ब्याज लिंदैन,
घुस लिएर निर्दोष मानिसको विरुद्धमा गवाही दिँदैन।
त्यसो गर्ने मानिसले सधैँ सुरक्षा पाउनेछ।
अहिले सेलेक्ट गरिएको:
भजनसंग्रह 15: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.