मर्कूस 8:27-30

त्‍यसपछि येशू चेलाहरूसँग कैसरिया फिलिप्‍पी सहरका वरिपरि भएका गाउँहरूतिर जानुभयो। बाटोमा उहाँले चेलाहरूलाई सोध्‍नुभयो, “मानिसहरूले मलाई को हो भन्‍छन्?” तिनीहरूले भने, “कोही तपाईंलाई बप्‍तिस्‍मा दिने यूहन्‍ना हुन् भन्‍छन् कोही एलिया भन्‍छन् अनि कतिले चाहिँ कुनै एउटा अगमवक्ता होलान् भन्‍छन्।” येशूले सोध्‍नुभयो, “अनि तिमीहरूचाहिँ मलाई को हो भनी भन्‍छौ त?” पत्रुसले जवाफ दिए, “तपाईं मुक्ति दिनुहुने राजा ख्रीष्‍ट नै हुनुहुन्‍छ।” अनि येशूले तिनीहरूलाई “यो कुरा कसैलाई पनि नभन्‍नू,” भनेर कडा आज्ञा दिनुभयो।