यहोशू 1
1
यहोशूलाई कनान विजय गर्न परमप्रभुको आज्ञा
1-2परमप्रभुको सेवक मोशाको मृत्यु भएपछि उनका सहायक नूनका छोरा यहोशूलाई परमप्रभुले यसो भन्नुभयो, “मेरो सेवक मोशा मर्यो। तँ र सारा इस्राएल अब तयार होओ र यर्दन तरेर मैले तिनीहरूलाई दिन लागेको देशमा जाओ। 3#व्यवस्था 11:24,25मैले मोशालाई भनेझैँ तिमीहरूका पैतालाले कुल्चिने पूरा देश मैले तँलाई र मेरा सबै मानिसहरूलाई दिएको छु। 4तिमीहरूका देशका सिमाना दक्षिणमा भएका मरुभूमिदेखि उत्तरमा लेबनानका पर्वतहरूसम्म, पूर्वमा महानदी यूफ्रेटिसदेखि हित्तीहरूका देश लिएर पश्चिममा भूमध्य सागरसम्म पुग्नेछ। 5#व्यवस्था 31:6,8; हिब्रू 13:5यहोशू, तेरो जीवनकालमा कसैले पनि तँलाई हराउन सक्नेछैन। मोशासित झैँ म तँसित रहनेछु। म सधैँ तँसित रहनेछु, म तँलाई कहिल्यै त्याग्नेछैनँ। 6#व्यवस्था 31:6,7,23भरोसा राख् र साहस गर् किनभने यी मानिसहरूले मैले तिनका पुर्खाहरूलाई प्रतिज्ञा गरेको देश अधीन गर्दा तैँले तिनीहरूका अगुवाइ गर्नेछस्। 7केवल भरोसा राख् र साहस गर् अनि मेरा सेवक मोशाले दिएका नियमहरू सबै पालन गर्ने निश्चय गर्। त्यसको कुनै भाग नछोड्नू र तँ जहाँ जान्छस्, त्यहाँ सफल हुनेछस्। 8व्यवस्थाको पुस्तक सधैँ पढ्ने गर्। रात-दिन त्यसमा ध्यान गर् र त्यहाँ लेखिएका हरकुरा पालन गर्। तब तिमीहरूको फलिफाप हुनेछ र तिमीहरू सफल हुनेछौ। 9याद राख् कि मैले तँलाई भरोसा र साहस गर्ने आज्ञा दिएको छु। नडरा अनि हताश नहो किनभने म परमप्रभु तेरा परमेश्वर तँ जहाँ गए तापनि तँसित छु।”
यहोशूले मानिसहरूलाई आज्ञा दिन्छन्
10-11तब यहोशूले अगुवाहरूलाई छाउनीमा गई मानिसहरूलाई यसो भन्ने आज्ञा दिए, “केही खाने कुरा जोहो गर किनभने अब तीन दिनमा यर्दन पार गरी तिमीहरूले परमप्रभु तिम्रा परमेश्वरले दिन लाग्नुभएको देश अधीन गर्नेछौ।”
12 #
गन्ती 32:28-32; व्यवस्था 3:18-20; यहोशू 22:1-6 रूबेन र गादका कुल र मनश्शेका आधा कुललाई यहोशूले भने, 13“परमप्रभु तिम्रा परमेश्वरले यर्दनको पूर्वपट्टिको देश तिमीहरूलाई दिनुहुनेछ र त्यहाँ तिमीहरूले आफ्ना घर बनाउनेछौ भनी परमप्रभुको सेवक मोशाले भनेका कुरा याद गर। 14तिम्रा स्वास्नी, बालबच्चा र गाई-वस्तुहरू यहीँ बस्नेछन् तर लडाइँ गर्न तयार भएका सैनिकहरू आफ्ना इस्राएली बन्धुहरूका मद्दतको निम्ति जानेछन्। 15परमप्रभु तिम्रा परमेश्वरले दिनुभएको यर्दनको पश्चिमपट्टिको देश कब्जा नगरेसम्म तिनीहरू अघि-अघि जानेछन्। उहाँले इस्राएलका सारा कुललाई सुरक्षित पार्नुभएपछि मात्र तिमीहरू फर्केर परमप्रभुका सेवक मोशाले तिमीहरूलाई यर्दनका पूर्वमा दिएका आफ्नो देशमा बसोबास गर्न सक्नेछौ।”
16तिनीहरूले यहोशूलाई उत्तर दिए, “तपाईंले भन्नुभएका सबै कुरा हामी गर्नेछौं र जहाँ पठाउनुभए तापनि जानेछौं। 17हामीले सधैँ मोशाको कुरा मानेझैँ तपाईंको कुरा पनि मान्नेछौं र परमप्रभु तपाईंका परमेश्वर मोशासँग झैँ तपाईंसित पनि रहून्! 18कसैले तपाईंको अधिकारबारे शङ्का गरे वा आज्ञापालन नगरे, त्यो मारिनेछ। तपाईं भरोसा र साहस गर्नुहोस्!”
अहिले सेलेक्ट गरिएको:
यहोशू 1: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.