उत्‍पत्ति 12:6-9

कनान देशमा शकेमको पवित्र सहर मोरेमा भएको पवित्र रूख भएको ठाउँसम्‍म आइनपुगुञ्‍जेल अब्रामले बिसाएनन्। (त्‍यस बेला कनानीहरू त्‍यस देशमा बसोबास गरिरहेकै थिए।) परमप्रभु अब्रामका अघि देखा पर्नुभयो र उनलाई भन्‍नुभयो, “यही देश म तेरा छोरा-नातिलाई दिँदछु।” तब अब्रामले आफूलाई दर्शन दिनुहुने परमप्रभुको लागि त्‍यहाँ एउटा वेदी बनाए। त्‍यसपछि उनी दक्षिणपट्टिका पहाडी ठाउँमा सरे, जुनचाहिँ बेथेल सहरको पूर्वमा पर्थ्‍यो। त्‍यहाँ उनले पश्‍चिमपट्टि बेथेल र पूर्वपट्टि ऐ सहरका माझमा आफ्‍नो पाल टाँगे। त्‍यहाँ उनले एउटा वेदी पनि बनाए र परमप्रभुलाई आराधना गरे। त्‍यसपछि अब्राम बसाइँ सर्दै कनानका दक्षिण भागतिर गए।