प्रेरित 6:5-7

प्रेरितहरूको विचार सबैलाई मन पर्‍यो। त्‍यसैले तिनीहरूले विश्‍वास र पवित्र आत्‍माले भरपूर भएका स्‍तिफनसलाई चुने र साथसाथै फिलिप, प्रखरस, निकनोर, तीमोन, पर्मिनास अनि एन्‍टिओखिया सहरका यहूदी धर्म लिएका निकोलाउसलाई पनि चुने। तिनीहरूले ती चुनिएका सात जनालाई प्रेरितहरूको सामने लगे र प्रेरितहरूले प्रार्थना गरेर आफ्‍ना हात तिनीहरूमाथि राखे। यसरी परमेश्‍वरको शिक्षा फैलिंदै गयो। प्रभु येशूका चेलाहरूको सङ्‍ख्‍या यरूशलेममा झन्-झन् बढ्दै गयो र धेरै पूजाहारीहरूले पनि प्रभु येशूमा विश्‍वास गरे।