२ पत्रुस 2:1-3

उहिले इस्राएली मानिसहरूका माझमा झूटा अगमवक्ताहरू निस्‍के, त्‍यसरी नै तिमीहरूको माझमा पनि झूटा गुरुहरू आउनेछन्। तिनीहरूले बिगार्ने झूटो शिक्षा दिनेछन् अनि आफूलाई उद्धार दिनुहुने प्रभुलाई पनि त्‍याग्‍नेछन्। यसकारण तिमीहरूले आफैंमाथि अचानक नाश ल्‍याउनेछन्। धेरैले तिनीहरूको घिनलाग्‍दो बाटो पैल्‍याउनेछन् अनि तिनीहरूको कामले गर्दा मानिसहरूले सत्‍यको बाटोको पनि विरोध गर्नेछन्। लोभ-लालचमा परेर ती झूटा शिक्षकहरूले कुरा बनाएर नै तिमीहरूबाट फाइदा लिनेछन्। पहिले नै तिनीहरूको न्‍याय भइसकेको छ र तिनीहरूको नाश हुने नै छ।