१ शमूएल 17:34-37

दाऊदले भने, “राजन्! म मेरा बुबाका भेडाको रखवाली गर्छु। जुन बेला सिंह वा भालुले थुमा बोकिलैजान्‍छ, म त्‍यसलाई खेदेर आक्रमण गरी थुमा बचाएर ल्‍याउँछु र त्‍यो सिंह वा भालुले मलाई झम्‍टेर आयो भने म त्‍यसको घिच्रो समातेर त्‍यसलाई कुटेरै मार्छु। मैले सिंह र भालुहरू मारेको छु र यो बेखतने पलिश्‍तीलाई पनि त्‍यसरी मार्नेछु। त्‍यसले जीवित परमेश्‍वरको सेनालाई तुच्‍छ ठानेको छ। परमप्रभुले मलाई सिंह र भालूहरूबाट बचाउनुभएको छ, उहाँले नै मलाई यस पलिश्‍तीबाट पनि बचाउनुहुनेछ।” शाऊलले उत्तर दिए, “लौ, हुन्‍छ तँ जा, परमप्रभु तँसित होऊन्।”