१ पत्रुस 1:22-25

अब तिमीहरूले सत्‍यलाई मानेर आफ्‍नो मन चोखो पारेका छौ अनि दाजुभाइलाई साँचो माया गर्ने भएका छौ। एक-अर्काप्रतिको तिमीहरूको चोखो माया हृदयदेखि नै होस्। परमेश्‍वरको जीवित र सदा रहने वचनद्वारा तिमीहरूको नयाँजन्‍म भएको छ। तिमीहरू नाश हुने पिताबाटका सन्‍तान होइनौ, तर नाश नहुने पिताका सन्‍तान हौ। धर्मशास्‍त्रले भन्‍छ, “सबै मानिसहरू घाँसजस्‍तै छन् अनि तिनीहरूको इज्‍जत पनि जङ्गली फूलजस्‍तै छ। घाँस ओइलिजान्‍छ, फूल झरिजान्‍छ, तर प्रभुको वचन सधैँभरि रहिरहन्‍छ।” यो प्रभुको वचन नै तिमीहरूलाई सुनाएको सुसमाचार हो।