१ कोरिन्थी 10:7-12

र तिनीहरू कतिले मूर्तिपूजा गरेझैँ तिमीहरूले गर्नुहुँदैन। धर्मशास्‍त्रमा लेखिएको छ, “मानिसहरू भोजमा खानपिन गर्न बसे र मोज-मज्‍जा गर्न लागे,” तिनीहरूमा कति जनाले गरेजस्‍तै हामी व्‍यभिचारमा नलागौं। व्‍यभिचार गरेकाले नै तिनीहरू एकै दिनमा तेईस हजार मरे। तिनीहरूमध्ये कतिले गरेजस्‍तो प्रभु परमेश्‍वरको जाँच हामी नगरौं। प्रभुको जाँच गरेकोले नै तिनीहरूलाई सर्पले सखाप पार्‍यो। तिनीहरूझैँ हामी गनगनाउनुहुँदैन। तिनीहरूलाई मृत्‍युको दूतले सखाप पारेको थियो। तिनीहरूमा भएका यी सबै कुरा नमुनाका लागि भए र हामीलाई होशियार गराउन लेखिए। हामीहरू अब संसारको अन्‍त हुने बेलामा आइपुगेका छौं। राम्ररी उभिएको छु भन्‍नेले होश पुर्‍याओस्, नत्र ऊ लड्‍नेछ।