ငဝ်ႈ 6:1-4

မိူဝ်ႈ​ဢၼ်​မဵဝ်း​ၵူၼ်းယႂ်ႇ​ၽႄ​ၼမ်​ၵိုၼ်း​ၸွတ်ႇတူဝ်ႈ​ၵမ်ႇၽႃႇ​ၵႂႃႇ​သေယဝ်ႉ၊ၶဝ်​ၵိူတ်ႇလဵင်ႉ​လုၵ်ႈယိင်း​လႂ်​ဢေႃႈ။- မိူဝ်ႈ​ၼၼ်ႉ​လုၵ်ႈၸၢႆး​ၽြႃးပဵၼ်ၸဝ်ႈ​ၸိူဝ်း​ၼၼ်ႉ​ႁၼ်​လုၵ်ႈယိင်း​ၵူၼ်း​ၸိူဝ်း​ၼၼ်ႉ​ႁၢင်ႈလီ​လႄႈ၊ဢွၼ်ၵၼ်​ဢဝ်​ပဵၼ်​မေး​ၵႃႈ​ၼင်ႇ​ဢၼ်​ၶဝ်​ထုၵ်ႇၸႂ်​ၼၼ်ႉ​ဢေႃႈ။- ပိူဝ်ႈ​ၼႆ​လႄႈ​ ထႃႇဝရႃႉ​ၽြႃး၊ လၢတ်ႈ​ဝႃႈ၊ “ၵဝ်​တၵ်း​ဢမ်ႇ​ႁႂ်ႈ​ဝိၺိၺ်ႇ​ၵဝ်​ယူႇ​ၼႂ်း​ၵူၼ်း​သေႇ​သေႇ။ လွင်ႈ​မၼ်း​ၸမ်ႉ၊ၵူၼ်းပဵၼ်​ၼိူဝ်ႉၼင်​ဢေႃႈ။ ႁႂ်ႈ​ဢသၢၵ်ႈ​ၶဝ်​မီး​ပၢၵ်ႇ​ပၢႆ​သၢဝ်း​ပီ​သေ၊” ဝႃႈ​ၼင်ႇ​ၼႆ​ဢေႃႈ။- မိူဝ်ႈ​ၸူဝ်ႈပၢၼ်​ယၢမ်း​ၼၼ်ႉ၊မီး​ၵူၼ်း​ဢၼ်​တူဝ်​ယႂ်ႇ​ႁႅင်း​လူင်​ဢၼ်​ပဵၼ်​လုၵ်ႈလၢၼ်​ၸိူဝ်ႉၶိူဝ်း​ၵူၼ်းယိင်း​ၸိူဝ်း​ဢၼ်​ႁူမ်ႈ​ပွင်းၵၼ်​တင်း​လုၵ်ႈၸၢႆး​ၽြႃးပဵၼ်ၸဝ်ႈ​ၸိူဝ်း​ၼၼ်ႉ​ဢေႃႈ။ ၶဝ်​ၼၼ်ႉ​ပဵၼ်​ၵူၼ်း​ႁႅင်း​လူင်၊ၵူၼ်း​ဢၼ်​ၸိုဝ်ႈသဵင်​ဢွၵ်ႇ​ႁူင်ႁၢင်း​ၸွတ်ႇ​ၵႂႃႇ​ၸဵမ်​မိူဝ်ႈၵွၼ်ႇ​မိူဝ်ႈမိုၼ်ႉ​ၼၼ်ႉ​ဢေႃႈ။