बाट लोकप्रिय बाइबल पदहरू {{chapter}}

शेयर गर्नुहोस्

Athana ehi t'at honhat tä lhehina. Olham oihla amej wet otkäpfwayhiyeja ame m'ak tä ischehen. Tsi am lhäy'e ales ow'enhihola imälhewek honhatesna, wet oyämla matche olhämette owoyeje ajcha Abraham.

Oyämla wujpey ales, hätehlat iwoye katetsel tä ihi pule, wet ow'enhihola imälhewek honhatesna. Häte wichi tä w'enhache lhamej tä ihiche nilhokej honhates isiyeja okäpfwayaj tä tälhe ales. Tsi ajcha Abraham tach'ahu n'oye wet iwoye nilhokej m'ak tä one'tek iwoye, häp olhämtes lhäy'e ochufwenyajay.

Tä mälhyejtso, Isaac lhäy'e lhip tä lhaitontehlä honhattso. Wet tä nichätho lhip tä yen lew'eta, lakawos yenlhi elh chowej. Wet tä nem iche n'oka'tshayaj, häp tä tamenej tä Isaac yen lheya Laj Wuka häp chowejtso. Tsi yok: –Athana Lhawuk iti n'amhihen honhat tä laj lewuka, häpkhilek y'aw'en m'ayek.

Wet Lhawuk lhain'ältej p'ante Isaac wet tahuyej tä yok: –Yej hoye Egipto, ehila honhat chik ofwel amho.

Tä mälhyejtso, Isaac yenlhi altar tä ihi honhattso wet t'änch'oye häp Lhawuk wet n'okwiyej. Wet iwo lew'etahi honhattso wet lakawos yenlhi chowej tä t'ukwe inät.