बाट लोकप्रिय बाइबल पदहरू {{chapter}}

शेयर गर्नुहोस्

Saa chi nuu ndíkitaꞌan uvi ndo, án uni ndo tixin kivi yeꞌe, ta ikán íyo i xiꞌin ndo ―káchi Jesús.

’Yakan káꞌan i xiꞌin ndo, tá iin yuꞌu íyo uvi ndo ñuu ivi yóꞌó, ta ndúku ndo ndá ka ñaꞌa nuu Ndioxi, ra íyo nuu ndivi, ta xaa súvi ra ya ndúku ndo nuu ra, taxi ra ya ndaꞌa ndo.

Saa ka̱na Jesús iin ya taa loꞌo, ta ki̱ꞌin ra ya ka̱ndichi ra maꞌñu nda, saa ndi̱kaꞌan ra xiꞌin nda, káchi ra saa: ―Ya ndixa káꞌan i xiꞌin ndo, tá tu köo ndíko ini ndo nduu ndo tá íyo ini na vali, ta küchiñu ndo kiꞌvi ndo koo ndo nuu xáꞌnda chiñu Ndioxi.

Naꞌa na chee ni nuu xáꞌnda chiñu Ndioxi ku na ndása ni̱nu̱ xiꞌin mií, na íyo ini tá kuꞌva íyo ini na vali, na ikán ku na chee ni ka.

Ta ndiꞌi na ndíkiꞌin vaꞌa na vali xaꞌa yeꞌe, xaꞌa ya kándixa na yeꞌe, ta yeꞌe ku i ndíkiꞌin na ―káchi Jesús.

’Chi Ndioxi ta̱xi ra ichí ndaꞌa ndo tá kúu ndiꞌi ñaꞌa ya kátun ndo ñuu ivi yóꞌó, ta ndíkunuꞌni ya nuu ndivi, tá kúu ndiꞌi ñaꞌa ya ndáxin ndo ñuu ivi yóꞌó, ta saa ndáxin tu ya nuu ndivi va.

Saa ndi̱kaꞌan ka ra xiꞌin na, káchi ra saa: ―Tá i̱kan ra rey ikán saa ikan Iva i Ndioxi ra íyo nuu ndivi xiꞌin ndo, tá tu köo ndinuꞌu ini ndo xáa kaꞌnu ini ndo xaꞌa ya íkan na taꞌan ndo xiꞌin ndo ―káchi Jesús xiꞌin na.

Saa ndi̱kaꞌan tuku Jesús, káchi ra saa: ―Ndá ka naꞌa táa sii naꞌa, na sikan ndíkundikun sata i ya ikan na ya väꞌa, ¡ta ndee ni ndoꞌo na íkan saa! Án vaꞌa ka yachi ndítikaa na yu̱ú yoso molinu sukun na ta kiꞌin ñaꞌa na sikana na nda kaꞌa nduta ñûꞌu nuu kunu ni, ndíkuu.

’¿Ta unkua ndíkani ini ndóꞌo̱? Tá íyo iin taa kúu mií ra iin ciento levo sana ra. Tá ná ndañuꞌu iin sana ra, ta saa sindoo ra kumi xiko xaꞌun kumi ti ikán, ta kuꞌun ra nduku ra kiti nda̱ñuꞌu.