Popular Bible Verses from Luka 3

शेयर गर्नुहोस्

Key kı mılet pêro vaftiz biyenê, İsa ki ama vaftiz bi. Key kı İsay düay kerdenê, xafılde asmên bi ya. Rowo Bımbarek, thonê gorgoçin de ama İsay ser. Bado asmên ra vengo nanên ama: “Tı Lacê mınay. To ra hez kenan, to ra rajiyan.”

Yahyay nia vat: “Ez sıma bı awk'a vaftiz kenan. Owo kı mı ra qudretıno, o êno. Ez kaman kı? Ez nêşkinan layanê çarıxanê iy bilı akeri. O sıma bı Rowo Bımbarek'a u bı adır'a vaftiz keno.

Tobı bıkerê, weşiya xo de bımuskınê sıma senên vuriyê ya. Nay qe mevacerê, ‘Ma xora ezbeta İbrahimi rayım, çay tobı bıkım?’ Heq şikino ni kemeran ra bilı saba İbrahimi doman vırazero.

Sıma pêro mandê darê kı bêrê bırrnayenı. Torcin kokê daran dero. Kamcin darı kı meywê rındi nêdana, ay bırrnenê, ercenê adır.”

Senên kı kıtabê Pêxember Yeşayay vano: “Vengo kı yaban yaji de veng dano, Vano: ‘Raya kı Wayir bıvêro ra, ay hazır kerê; Rayê kı o bıvêro ra, i rayan duz kerê. Wadi pêro ênê pırr kerdenı, Koyi, tepıki pêro ênê alçax kerdenı. Rayê çewti pêro ênê rast kerdenı, Rayê kı çalıkınê u kortıkınê, i ki ênê duz kerdenı. Mılet pêro vêneno, Heq inan senên xelesneno ra.’ ”