बाट लोकप्रिय बाइबल पदहरू {{chapter}}

शेयर गर्नुहोस्

म नै याहवेह हुँ, म नै इस्राएलका परमेश्‍वर हुँ; मैले नै तँलाई तेरो नाम काढेर बोलाएको छु भनेर तैँले थाहा पाउनलाई म तँलाई अँध्यारो ठाउँमा भएको भण्डार र गुप्‍त स्थानमा जम्मा गरेका धन दिनेछु।

म तेरो अगि-अगि जानेछु, र पर्वतहरूलाई समतल पारिदिनेछु; म काँसाका मूलढोकाहरू भत्काइदिनेछु; अनि फलामका बारहरू म काटिदिनेछु।

म नै याहवेह हुँ, र मबाहेक अरू कुनै परमेश्‍वर छैन; मबाहेक अरू कोही परमेश्‍वर छैन। तैँले मलाई स्वीकार नगरेको भए तापनि म तँलाई बलियो पार्नेछु, ताकि सूर्योदयदेखि सूर्यास्तसम्म मानिसहरूले जानून् कि मबाहेक अरू कोही छैन। म नै याहवेह हुँ, र मबाहेक अरू कोही छैन।

म ज्योति र अन्धकार सृष्‍टि गर्दछु; म सुख-शान्ति ल्याउँछु, र विपत्ति सृष्‍टि गर्छु; यी सबै कुराहरू गर्ने म याहवेह नै हुँ।

“मकहाँ फर्क र बाँच, हे पृथ्वीका पल्‍लो छेउका मानिसहरू हो; किनकि परमेश्‍वर म नै हुँ, र अरू कोही पनि छैन।

“याहवेह आफ्नो अभिषिक्त जन कोरेसलाई यसो भन्‍नुहुन्छ, मैले त्यसको दाहिने हात थामेको छु, त्यसको सामु जातिहरूलाई पराजित गर्न; अनि राजाहरूको हतियार खोस्‍न, मूलढोकाहरू बन्द नहोस् भनेर त्यसको सामु ढोकाहरू खोलिदिन

मैले आफ्नै शपथ खाएको छु; मेरो मुखले सम्पूर्ण इमानदारीमा रद्द नहुने हरेक कुरा उच्‍चारण गरेको छु; मेरो सामु हरेक घुँडा टेकिनेछ, र हरेक जिब्रोले शपथ खानेछ।

मेरो सेवक याकोब, र मैले चुनेको इस्राएलको खातिर तैँले मलाई स्वीकार नगरे तापनि मैले तँलाई नाम काढेर बोलाएको छु; र तँलाई सम्मानको उपाधी प्रदान गरेको छु।