बाट लोकप्रिय बाइबल पदहरू {{chapter}}

शेयर गर्नुहोस्

पत्रुस र अन्य प्रेरितहरूले जवाफ दिए: “हामीले मानिसहरूको भन्दा परमेश्‍वरको आज्ञाको पालन गर्नैपर्छ!

येशू नै ख्रीष्‍ट हुनुहुन्छ भन्‍ने सुसमाचार घर-घरमा र मन्दिरका आँगनहरूमा दिनदिनै घोषणा गर्न र शिक्षा दिन तिनीहरूले छोडेनन्।

त्यसपछि पत्रुसले भने, “हननिया, कसरी शैतानले तिम्रो हृदय भरिदियो र तिमीले पवित्र आत्मासँग झूट बोल्यौ र जग्गा बिक्रीबाट पाएको रकममध्येको केही भाग कसरी राख्न सक्यौ? बिक्री गर्नुभन्दा पहिले के यो तिम्रो आफ्नै थिएन र? बिक्री गरिसकेपछि त्यसबाट प्राप्‍त रकम पनि तिम्रै अधीनमा थिएन र? यस्तो काम गर्ने विचार तिम्रो मनमा कसरी उत्पन्‍न भयो? तिमीले मानिसहरूसँग होइन, तर परमेश्‍वरसँग झूट बोल्यौ।” यो कुरो सुन्‍ने बित्तिकै, हननिया भुइँमा पछारियो र मर्‍यो। यस घटना सुन्‍ने सबैजनाको मनमा ठूलो डर पस्यो।

त्यसैकारण अहिलेको सन्दर्भमा पनि म तपाईंहरूलाई सल्‍लाह दिन्छु: यी मानिसहरूलाई त्यसै हुन दिनुहोस्! यिनीहरूलाई छोडिदिनुहोस्; किनकि यिनीहरूका उद्देश्य र क्रियाकलाप मानवीय हुन् भने, ती असफल हुनेछन्। तर यदि यो परमेश्‍वरबाट भएको हो भने, तपाईंहरू यी मानिसहरूलाई आफ्ना कार्यबाट रोक्न सामर्थ्य हुनुहुनेछैन; त्यस बेलामा तपाईंहरू आफैलाई नै परमेश्‍वरको विरुद्ध लडिरहेको पाउनुहुनेछ।”