बाट लोकप्रिय बाइबल पदहरू {{chapter}}

शेयर गर्नुहोस्

के तिमीहरू जान्दैनौ, कि तिमीहरूका शरीर पवित्र आत्माको मन्दिर हो, उहाँ तिमीहरूभित्र वास गर्नुहुन्छ र उहाँलाई तिमीहरूले परमेश्‍वरबाट प्राप्‍त गरेका छौ? तिमीहरू आफ्नै होइनौ; तिमीहरू त मोल तिरेर किनिएका हौ। यसकारण आफ्ना शरीरद्वारा परमेश्‍वरको आदर गर।

के तिमीहरूलाई थाहा छैन दुष्‍ट काम गर्नेहरू परमेश्‍वरको राज्यको उत्तराधिकारी हुनेछैनन्? धोखामा नपर: यौन अनैतिक व्यक्‍तिहरू, न मूर्तिपूजकहरू, न व्यभिचारीहरू, न पुरूष स्त्री समलिङ्गीहरू, न चोरहरू, न लोभीहरू, न मतवालाहरू, न निन्दा गर्नेहरू, न ता लुटाहाहरू परमेश्‍वरको राज्यको हकदार हुनेछन्।

तिमीहरू यौन अनैतिकताबाट अलग बस। अरू सबै पापहरू मानिसले आफ्नो शरीर बाहिर गर्छ, तर जसले यौन सम्बन्धमा पाप गर्छ, त्यसले आफ्नै शरीरको विरुद्धमा पाप गर्दछ।

“मेरो लागि सबै कुरा उचित छन्” तिमी भन्दछौ—तर सबै कुरा लाभदायक छैनन्। “मेरो लागि सबै कुरा उचित छन्”—तर म कुनै कुराको पनि सेवक हुनेछैनँ।

परमेश्‍वरले आफ्नो शक्‍तिद्वारा प्रभु येशूलाई मृत्युबाट पुनर्जीवित पार्नुभयो, र उहाँले आफ्नो शक्‍तिद्वारा हामीलाई पनि जीवित पार्नुहुनेछ।