बाट लोकप्रिय बाइबल पदहरू {{chapter}}

शेयर गर्नुहोस्

Da naottag ḵad atte alluta, isuda da tagu we andongoḻ si Ugud Apudyus, pinagatupandae namati ḵan ampoḻḵapoḻḵas da somsomoḵda, anusanda inggana'ḵ angwada'tta adu we ambaḻu we banage mas-oman Apudyus we isun ni muḻae adu ambubungana.”

Da naottag atte laslasi, isuda da tagu we dongngonda Ugud Apudyus. Yaḵon gapu'tta binimbinsawda'tta ḵinabaḵnang ya laylayad si annae biyag, adidapun tungaguwon ugude dingngoḻda ḵad adipun maobos da ḵoḵoḵḵonda.

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

Ḵanana'tta disipulu, “Naippun ḵamman os ay pammatiyu?” Naḵimtanda woḵ nataagda. Ḵananda, “Atopay! Ngai nin ay anna? Taḵon ay bibbid ya da tupiyaḵ bilinona dida ya tumuttuwada ḵan siya!”

Da naottag atte daḻan, mipanida'tta tagu we dongngonda Ugud Apudyus. Pun umoy aḵ Satan ya ḵinaanna da Ugud Apudyus atta somsomoḵda ta adidapun amati ḵan matagu.

Isuna sadi ye impaniḵ te da losane mitataḻu baḵon nu da daampun maigammu sinsadi, mipaigammu si umali ye aḻgaw.

Inigammun ḵad ni bubai ye adipun mitaḻu ḵingwana, ummadani ye amilpilpil woḵ nanalluḵu'tte sinagung Jesus. Pun imbagana gapun ni nandoḵana ya sa naḵaanan ni saḵitna. Ḵanan Jesus ḵan siya, “Abengḵu, gapu'tte pammatim ḵan saḵon, bummaḻuḵa. Inḵan lumin-awa somsomoḵnu.”

Pun binangonda'ḵ Jesus woḵ ḵananda, “Anaḵay! Apu, annae milisob taḵu!” Tummaḵdog aḵ Jesus woḵ binilinna ampigsae bibbid ya da tupiyaḵ. Pun gumminoḵda woḵ ippun um-umsiyong.