बाट लोकप्रिय बाइबल पदहरू {{chapter}}

शेयर गर्नुहोस्

Abalama n den pia piiyia n binayia yaa yogunu, o Diedo den doagidi o kani ki yedi o: «N tie U Tienu U Paaciamu Daano. Ŋan yaa cuoni n nintuali leni li papienli.

Bi kan go yini a Abalama moala, dinla liiga a yeli baa yaa tie Abalahama , kelima n baa teni ŋan tua i nibuoli boncianla baa.

N baa kuani o ŋantaado mini leni fini siiga leni a puoliŋuani siiga, nifiima kuli nni. Li baa yaa tie yaa ŋantaado n kan gbeni. Laa ŋantaado yaa niinni, n baa yaa tie a Tienu leni a puoliŋuani yaa Tienu.

«Diidi min niani a yaala: A baa tua i nibuoli boncianla baa.

«Mini ka yedi a te, a pua Sala baa maa a po bonjaga. A baa yini o Isaaka, n baa danli leni o. Lani n tie yaa ñoanianu n kan gbeni, ki baa yaa ye leni o puoliŋuani.

N baa pa fini leni a puoliŋuani kuli, ŋan ye yaa diema nni moala ki tie caano, Kanana diema kuli yeni ke man yaa tie bi yaa diema yaa yogunu kuli po. N baa yaa tie bi Tienu.»

Abalahama den gbaani ki pugi, ki laa ki yedi o pali nni: «Yaa joa n pia bina kobiga go baa fidi ki maa? Sala wani n nan pia bina piiyia yeni, o go baa fidi ki maa?»

U Tienu go den yedi Abalahama: «Ŋan da go yini a pua Sarayi .

Yi baa kua ku koanciagu ke li baa yaa tie o ŋantaado maalima mini leni yinba siiga.

Ama n baa danli leni Isaaka yo, Sala n baa maa a po yua yaa binli n kpendi u naa yogunu po.»

Yi siiga nni bonjaga kuli yaa pundi dananii, yin kuani o ku koanciagu nani yi nifiima n baa yaa tie maama. Lan tie ban mali yaa yonbi yi siiga, bi yin daa yaaba bi nilanba kani ke baa tie yi puoliŋuani. Ba o yonbo, ban mali yua a diegu nni leni ŋan daa yua leni a ligi kuli baa kua ku koanciagu. Lani, n baa yaa tie n ŋantaado maalima yi gbanandi nni, hali yaa yogunu n kan gbeni.