बाट लोकप्रिय बाइबल पदहरू {{chapter}}

शेयर गर्नुहोस्

“Pasekomo uri ama quli Baṉara kasi inio meta me qovou, vailikomo vokasi inio meta me qelou, tubitubitomo inio vota o mela veukou ko veutu.

Ako kiadamu seke paseto amu vokasi ta ke kovou, ni seke vailizatani ta ke kelou, ni seke tubitubitani ta oma veukou ko veutu.

Nio vo Jisu ta mata eri ma kiolake se, “Kala vo o viqani komia aṉako bazubazu ni o luluekani ta kala nianiiola maba jari, vo o orumukani voko pade miduku sama lado topi.

“Meta uri erekomo se edolomu kasi, omadeuvo me meqa zariani jari tu seta ke erekou ko uri mekasi, ako ko ikio vo Mosese ko Bazu ni se poropita madu ko nianiiekato ko omele ama kio ni kalo ko kasekako sole.

Melai koa veutu saevo kasi ko amaqimako ta riro ama, ni koa keve sai ko olako ta tapata tu lulueko ni pui kubo madu nio kepa kai barolou koa saevo.”

“Amaqeomo riro ama veutu kale kude, koko odiemelo ama saevo kale, ako heli ko veutu ta repaso ama ni koa keve sai ko olako ta malumu ama, ni matu kubo maba madu ta ke lulueka ko.

Meta ruqea mela melai meta meqai zaria katimo ko uri ama quli meko meqora poso. Mevo aukale ala Mama ta o melai paloasa me, sole me rovea tuvevo pueko ta vota o katimou ko matu uri ama quli seke pasekani vokasi!

Nio vo Jisu ta obeta olake bazubazuto ni eri kiolake sekasi, “Meta pui me ditizimou edolomu, nio vo Baṉara ta pui o titizimelou me, ako vo Baṉara ta o titizimelou me koa omadeuma keve kale meme ditizimani jari kake edolomu. Ni koa omadeuma podepodeti kale ko me memai titizikako kale edolomu inio mata vo Baṉara ta o titizimelou me. Meta me matu titizimou edolomu inio vo Baṉara ta o matu titizimelou me. Melai meta baise ama titizato me erekou edolomu kasi nio vo Baṉara ta baisea titizimelo o elou me.

Melai kala vo o viqani komia aṉako bazubazu ni pui o luluekani ta kala sarube ala maba jari, vo o orumukani voko pade karokoni topi.

Noi sole inio ṉota ṉoqa zaria kazieko ṉovo lolo ko vuruvuru voko vilu kale ama, melai ṉota pui ṉo lainika koa kobukobu ṉo ṉaviko vilu kale ama? Ṉota pui eri kio ṉovo lolo kasi, ‘Zariela tu aṉata ada ṉa kazieko ṉoko vilu kale ama vuruvuru,’ kiṉovou, melai ṉo ṉaviko vilu kale ta ikoana matuma kobukobu!

Nio vo Jisu ta obeta olake bazubazuto ni eri kiolake sekasi, “Meta tama balauvomo se lipalipa kama poropita madu seke kuevani mekasi. Seko kupekupe ama kalo ta sipi ko inobe jari, melai seko omele ama kerukeru ta niumaniuma kama piru siele jari. Meta memai nianiiovou se seke erekako quli kale. Ako animeta pui meba kajorikou ko lebu esoro kada topi sole. Ni so jari se ruqe ama maba madu ta pui kepa puratikou uri ama iruruputo.

Ko puṉazo koilo ko evako ore ta ko ereka uri ama epa, ni ko saitanoqe ama ore ta ko ereka ruqe ama epa.

Ni ko puṉazo koilo ama ore ta pui kopa erekou ruqe ama epa, ni ko saitanoqe ama ore ta pui kopa erekou uri ama epa.

Ni kiadama ore ko pui ko uria epamatako ta ko roizaiva ni ko risaiva uza kale. Omadeuvo so jari nio vo Baṉara ta o koqotaemou kiadamu se pui uri ke erekani.