बाट लोकप्रिय बाइबल पदहरू {{chapter}}

शेयर गर्नुहोस्

Nin'wisiyela kurula, nin'winyika kurula kwanga. Anin'winyikisi xileswi misava minyikisaka xiswone. A timbilu tenu tingatxhuki tiganaganeka, tingatxhuki titxhava.

Yesu aku ku yene: Hi mine ndlela, ni xihlayelamfuri, ni vutomi; akuna mhunu lweyi angataka ku Tatana, loko kunge ha mine.

A timbilu tenu tingaganaganeki; pfumelani ku Xikwembu Nkulukumba; n'wipfumela ni le ku mine.

Kambe Mutxhaveleli, wunga Moya wa Kuxwenga, lowu Tatana atakawurumela hi vito dranga, wutan'widondrisa hinkwaswu, ni kun'widrimuxa hinkwaswu leswi ni n'wibyeliki swone.

Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.

Kutani mine nitakombela Tatana, yene atan'winyika Mupfuni mun'wana, lweyi atakava na n'wine hi la kungahelikiki, wunga Moya wa xihlayelamfuri, lowu a misava mihlulekaka kuwuyamukela, hikusa amiwuvoni, amiwutivi; kambe n'wine n'wawutiva, hikuva wutrhama na n'wine, kutani wutava ndreni kwenu.

Kutani nambi n'wingakombela yini na yini hi vito dranga, nitaswiyentxa, akuva Tatana atwalisiwa ku N'wana. Loko n'wikombela xa ntxhumu, hi vito dranga, nitaxiyentxa.

Loko n'winirandra, n'witabekisa milawu yanga.

A vutrhamu i byinyingi andlwini ya Tatana wanga; loko afa swinge tanu, ana nin'wibyelile; kutani niya n'wibekisela mbangu.

Ni loko nitava ni fambile, nin'wibekiselile mbangu, nitabuya; nitan'witekela ku mine, akuva lomu ninga kone, na n'wine n'witava kone.

Tomasi aku ku yene: Hosi, lomu uyaka kone ahikutivi; xana a ndlela hingayitivisa kuyini?