बाट लोकप्रिय बाइबल पदहरू {{chapter}}

शेयर गर्नुहोस्

मलाई यो सुसमाचार सुनाउन लाज लाग्‍दैन कारण विश्‍वास गर्ने जति पहिले यहूदी अनि अन्यजातिका मानिसलाई यो सुसमाचार परमेश्‍वरको मुक्ति दिने शक्ति हो।

सुसमाचारले मानिसलाई परमेश्‍वरले आफ्‍नो सामु कसरी ठीक ठहराउनुहुन्‍छ भन्‍ने देखाउँछ अनि परमेश्‍वरसँग ठीक ठहरिने कुरा विश्‍वासबाटै सुरु हुन्‍छ र विश्‍वासबाटै पूरा पनि हुन्‍छ। यस्‍तै धर्मशास्‍त्रले पनि भन्‍छ, “जो विश्‍वासद्वारा परमेश्‍वरसँग ठीक ठहरिन्‍छ, त्‍यही मानिसले नै जीवन पाउँछ,।”

संसारको सुरुदेखि नै उहाँले बनाउनुभएको कुराबाट मानिसहरूले परमेश्‍वरलाई जान्‍न सक्‍तछन्। परमेश्‍वरको सधैँ रहने शक्ति र ईश्‍वरीय स्‍वभावजस्‍ता नदेखिने गुणहरू पनि तिनीहरूले राम्ररी बुझ्‍न सक्‍छन्। त्‍यसो हुँदा तिनीहरूलाई कुनै बहाना गर्ने ठाउँ नै छैन।

तिनीहरूले परमेश्‍वरलाई चिनेर पनि परमेश्‍वरलाई गर्नुपर्ने आदर गरेनन्, नता तिनीहरूले उहाँलाई धन्‍यवाद नै दिए, उल्‍टो तिनीहरू आफ्‍नै विचारमा काम नलाग्‍ने भए र तिनीहरूका खोक्रा हृदयचाहिँ अन्‍धकारले भरियो।

तिनीहरूले परमेश्‍वरको सत्‍यलाई झूटसँग साटे। सृष्‍टि गर्नुहुने र सधैँ आदर पाइरहनुपर्ने परमेश्‍वरलाई होइन तर उहाँले बनाउनुभएको चीजलाई तिनीहरूले पूजा र सेवा गरे।

स्‍वर्गबाट परमेश्‍वरको रिस मानिसहरूका पाप र दुष्‍ट कामको विरोधमा देखापरेको छ। तिनीहरूले आफ्‍ना दुष्‍ट युक्तिले सत्‍यलाई छेक्‍तछन्।

यसैकारण परमेश्‍वरले तिनीहरूलाई उनीहरूकै घिनलाग्‍दो इच्‍छाअनुसारको काम गर्न छोडिदिनुभयो। तिनीहरूका आइमाईहरूले आफ्‍ना लोग्‍नेसँगको सहवास छोडेर आइमाईसँगै सहवास गरे। तिनीहरूका लोग्‍नेहरूले पनि आफ्‍ना आइमाईहरूसँग सही काम गरेनन् तर एक-अर्काको निम्‍ति जलेर लोग्‍ने मानिसले लोग्‍ने मानिससँगै घिनलाग्‍दो काम गरे। तिनीहरूका आफ्‍ना शरीरले गरेका दुष्‍ट कामका लागि उचित दण्ड पाए। तिनीहरूले परमेश्‍वरलाई दिनुपर्ने मान्यता दिन पनि छाडे। यसो हुँदा उहाँले तिनीहरूलाई खराबी गरून् भनेर तिनीहरूकै कुविचारमा छोडिदिनुभयो।

आफैंलाई बुद्धिमानी भनी ठानेर तिनीहरू मूर्ख भए। तिनीहरूले परमेश्‍वरलाई आदर गर्नुपर्नेमा नाश हुने मानिस, पशु, चरा-चुरुङ्गी र घस्रिने जन्‍तुहरूका मूर्तिलाई पूजा गरे।