बाट लोकप्रिय बाइबल पदहरू {{chapter}}

शेयर गर्नुहोस्

यसपछि सातौँ स्‍वर्गदूतले आफ्‍ना तुरही फुके अनि स्‍वर्गमा ठूला-ठूला सोरले यसो भने, “पृथ्‍वीमाथि राज्य गर्ने अधिकार अबदेखि हाम्रा प्रभु र उहाँका ख्रीष्‍टकै हो र उहाँले सदासर्वदा राज्य गर्नुहुनेछ।”

जाति-जातिहरू रिसाएका छन्, अब त तपाईंको रिसाउने बेला भयो र मरेकाहरूको न्‍याय गर्ने बेला आएको छ। तपाईंका सेवकहरू अर्थात् तपाईंका अगमवक्ताहरूलाई, पवित्रजनहरूलाई र तपाईंको नाउँ मान्‍ने साना-ठूला सबैलाई इनाम दिने र पृथ्‍वी बिगार्नेहरूलाई नाश पार्ने बेला भएको छ।”

अनि भाङ्ग्राको लुगा लाएका मेरा दुई साक्षीलाई एक हजार दुई सय साठी दिनसम्‍म परमेश्‍वरको वचन घोषणा गर्न पठाउनेछु।”

साढे तीन दिन बितिसकेपछि परमेश्‍वरबाट जीवन दिने सास ती दुईमा पस्‍यो र उनीहरू आफ्‍ना खुट्टामा उभिए। त्‍यो देखेर मानिसहरू एकदमै डराए।

परमेश्‍वरको वचन उनीहरूले सुनाउञ्‍जेल पानी नपरोस् भनेर आकाश बन्‍द गर्ने उनीहरूको हक र पानीका मूलहरूलाई रगत बनाउन अनि पृथ्‍वीमा उनीहरूले चाहेअनुसार किसिम-किसिमको माहामारी ल्‍याउने अधिकार पनि उनीहरूलाई छ।

ती दुई साक्षीहरू दुई भद्राक्षका रूख र पृथ्‍वीका प्रभुको सामुन्‍ने खडा रहने दुई सामदान हुन्। कसैले उनीहरूलाई नाश गर्न खोजे उनीहरूका मुखबाट आगो निस्‍की ती शत्रुलाई नाश गर्नेछ। त्‍यसरी उनीहरूलाई हानि गर्न खोज्‍ने सबै मारिनेछन्।