बाट लोकप्रिय बाइबल पदहरू {{chapter}}

शेयर गर्नुहोस्

परमप्रभुको विरुद्धमा विद्रोह नगर। त्‍यहाँ बस्‍ने मानिसहरूसित नडराओ। हामी सजिलै तिनीहरूलाई जित्‍नेछौं। परमप्रभु हामीसित हुनुहुन्‍छ, तिनीहरूलाई रक्षा गर्ने देवताहरूलाई उहाँले जित्‍नुभएको छ। यसकारण भय नमान।”

‘म परमप्रभु, सजिलै रिसाउँदिनँ। म ठूलो प्रेम र विश्‍वासयोग्‍यता देखाउँछु र पाप र विद्रोह क्षमा गर्दछु। तापनि आमा-बुबाका पापका निम्‍ति म तिमीहरूका छोरा-नातिहरूलाई तेस्रो वा चौथो पुस्‍तासम्‍म दण्‍ड दिन छोड्दिन।’

परमप्रभु हामीसित खुसी हुनुहुन्‍छ भने उहाँले हामीलाई त्‍यस देशमा पुर्‍याउनुहुनेछ र त्‍यो धनी र मलिलो देश हामीलाई दिनुहुनेछ।

तर मेरो सेवक कालेबको मन बेग्‍लै छ र त्‍यो मेरो भक्त रहेको छ। त्‍यसकारण म त्‍यसलाई त्‍यसले जाँचबुझ गरी आएको सो देशमा पुर्‍याउनेछु र त्‍यसका सन्‍तानले

अब तिनीहरूलाई यो जवाफ दे, ‘म यो शपथ खाँदछु कि म जीवित छु भन्‍ने स्‍वयम् साक्षी राखी म भन्‍दछु, त्‍यसरी नै म तिमीहरूले मागेअनुसार गर्नेछु।

परमप्रभुले मोशालाई भन्‍नुभयो, “कहिलेसम्‍म यी मानिसहरूले मलाई अस्‍वीकार गर्ने हुन्? मैले तिनीहरूका बीचमा यति धेरै उदेकका कामहरू गरिसकें, तापनि अझै कतिञ्‍जेल तिनीहरू ममाथि भरोसा नगर्ने हुन्।

तिनीहरूले मोशा र हारूनका विरुद्धमा भने, “मिश्रमा वा यही वनमा मर्नु असल हुनेथियो!

नूनका छोरा यहोशू र यपुन्‍नेका छोरा कालेबले अफसोस गरेर आफ्‍ना वस्‍त्र च्‍याते। ती दुई जासूसहरूले इस्राएलीहरूलाई भने, “हामीले खोजी गरी आएको देश असल छ।

म जीवित छु र मेरो उपस्‍थितिले पृथ्‍वी भरिँदै छ भन्‍ने स्‍वयम् साक्षी राखी म भन्‍दछु कि यी मानिसहरूमध्‍ये एक जना पनि त्‍यस देशमा पस्‍न पाउनेछैनन्‌। मेरो उपस्‍थितिले तिनीहरूका आँखा तिरीमिरि पार्ने ज्‍योति अनि मैले मिश्रदेशमा र वनमा गरेका उदेकका कामहरू सबै देखेका छन् तर घरीघरी तिनीहरूले मेरा धैर्यको जाँच गरेका छन् र मेरा आज्ञा मान्‍न चाहेका छैनन्। मैले तिनीहरूका पुर्खालाई प्रतिज्ञा गरेको देशमा तिनीहरू पस्‍न पाउनेछैनन्। मलाई इन्‍कार गर्ने कोही पनि त्‍यस देशमा पस्‍न पाउनेछैन।