बाट लोकप्रिय बाइबल पदहरू {{chapter}}

शेयर गर्नुहोस्

तर मानिसको मुखबाट निक्‍लने कुरा उसको मनबाट आएको हुन्‍छ। यी नै कुराहरूले उसलाई अशुद्ध पार्छन् किनभने मानिसको मनभित्रबाटै दुष्‍ट विचारहरू निस्‍कन्‍छन्। यिनै दुष्‍ट विचारहरूले गर्दा उसले मान्‍छे मार्नु, व्‍यभिचार गर्नु, चोर्नु, झूटो साक्षी दिनु, निन्‍दा गर्नुजस्‍ता खराब कामहरू गर्छ।

मुखबाट भित्र पस्‍ने कुराले मानिसलाई अशुद्ध पार्ने होइन, उसको मुखबाट बाहिर निस्‍कने कुराले उसलाई अशुद्ध पार्छ।”

‘मुखले भने यी मानिसहरूले मलाई खुब आदर गर्छन्! तर तिनीहरूको मनचाहिँ मदेखि धेरै टाढा छ। तिनीहरूले मलाई पुजेको त व्‍यर्थै छ किनभने तिनीहरूले खालि मानिसले बनाएको नियमहरू मात्रै सिकाउँछन्’।”

तब येशूले तिनलाई भन्‍नुभयो, “ए स्‍त्री, तिम्रो विश्‍वास ठूलो रहेछ। तिमीले भनेकै पुगोस्।” त्‍यति नै खेर उनकी छोरी निको भइहाली।

यो सुनेर ती स्‍त्रीले येशूको पाउमा परेर भनिन्, “मलाई गुहार गर्नुहोस् हजुर!” तर येशूले भन्‍नुभयो, “आफ्‍ना बालबच्‍चाहरूको खानेकुरा खोसेर कुकुरहरूलाई दिनु ठीक हुँदैन!” अनि तिनले भनिन्, “हो हजुर, त्‍यो त ठीकै हो! तर कुकुरहरूले पनि त आफ्‍ना मालिकहरूले खाँदा झरेका टुक्राहरू खान्‍छन् नि!”