बाट लोकप्रिय बाइबल पदहरू {{chapter}}

शेयर गर्नुहोस्

कोही मानिस मैले देख्‍न नसक्‍ने ठाउँमा लुक्‍न सक्‍दैन। के तिमीहरू जान्‍दैनौ, म स्‍वर्ग र पृथ्‍वीको हरेक ठाउँमा उपस्‍थित छु?

परमप्रभु भन्‍नुहुन्‍छ, “यस्‍ता दिनहरू आउँदै छन्, जब म दाऊदको एउटा न्‍यायी सन्‍तान खडा गर्नेछु। त्‍यो राजा हुनेछ र बुद्धिसित राज्‍य गर्नेछ र देशमा न्‍याय र ठीक काम गर्नेछ, त्‍यो राजा छँदा यहूदाका मानिसहरू बचाइनेछन् र इस्राएलका मानिसहरूले सुरक्षासाथ बास गर्नेछन्। त्‍यसको नाम ‘परमप्रभु हाम्रो उद्धार’ भनिनेछ।”

उहाँका खर्कका भेडाहरूलाई नष्‍ट गर्ने र छरपष्‍ट पार्ने गोठालाहरूमाथि परमप्रभुको डरलाग्‍दो दण्‍डाज्ञा पर्नेछ, परमप्रभु भन्‍नुहुन्‍छ।

मेरा बगालका बाँचेकाहरूलाई मैले तिनीहरूलाई खेदिपठाएका देशहरूबाट म भेला गरी ल्‍याउनेछु र तिनीहरूको आफ्‍नो देशमा फर्काई ल्‍याउनेछु। तिनीहरूका धेरै सन्‍तानहरू हुनेछन् र सङ्‍ख्‍या बढ्‍नेछ। तिनीहरूको हेरविचार गर्न म गोठालाहरू खटाउनेछु। मेरो प्रजा कहिले पनि डराउनेछैन न त भयभीत हुनेछ। म फेरि तिनीहरूलाई दण्‍ड दिनेछैनँ। म परमप्रभु बोलेको छु।”

सर्वशक्तिमान् परमप्रभुले यरूशलेमका मानिसहरूलाई भन्‍नुभयो, “तिमीहरूले अगमवक्ताहरूका कुरा नसुन, तिनीहरूले तिमीहरूलाई झूटा आशा दिंदै छन्। मैले भनेको होइनँ तर आफ्‍ना कल्‍पनाका कुरा तिनीहरूले तिमीहरूलाई बताउँछन्।