बाट लोकप्रिय बाइबल पदहरू {{chapter}}

शेयर गर्नुहोस्

तिनीहरूले मलाई प्रार्थना गर्नु अघि नै म तिनीहरूको प्रार्थनाको उत्तर दिनेछु।

परमप्रभु भन्‍नुहुन्‍छ, “म नयाँ पृथ्‍वी र नयाँ आकाश बनाउनेछु। बितेका दिनका कुराहरूको बिलकुलै सम्‍झना गरिनेछैन।

तिनीहरूले हात हालेका काममा तिनीहरू सफल हुनेछन् र तिनीहरूका छोरा-छोरीहरू विपत्तिमा पर्नेछैनन्। तिनीहरू र तिनीहरूका सन्‍तानलाई म आउँदा दिनमा सदासर्वदा आशिष् दिनेछु।

मानिसहरू घर बनाएर आफैं बास गर्नेछन्, तिनीहरूलाई धपाएर त्‍यहाँ अरू कोही बास गर्न पाउनेछैन। तिनीहरूले दाखबारी लाउनेछन् तर दाखमद्य आफैं पिउनेछन्, त्‍यो अरूले पिउन पाउनेछैन। मेरा मानिसहरू, रूखझैँ धेरै दिन बाँच्‍नेछन्। आफ्‍ना मेहनतका फलको तिनीहरूले पूरा आनन्‍द लिनेछन्।

“बच्‍चाहरू सानैमा मर्नेछैनन्‌, सबै मानिसहरूले पूरा आयु पाउनेछन्। सय वर्ष पुग्‍नेहरू जवान ठानिनेछन्। त्‍योभन्दा अघि मर्नुचाहिँ मेरो दण्‍डको चिनो हुनेछ।

ब्‍वाँसाहरू र थुमाहरूले एकसाथ खानेछन्। सिंहहरूले गाई-गोरुहरूले झैँ पराल खानेछन् र सर्पहरूले धुलो खानेछन् र तिनीहरूले केही हानि गर्नेछैनन्। हे सियोन, मेरो पवित्र डाँडामा केही दुष्‍ट वा हानि गर्ने कुरा रहनेछैन।”

यरूशलेम र त्‍यसका बासिन्‍दाहरूका कारणले म आफैं पनि खुसी हुनेछु। त्‍यहाँ रोएका वा सहायता मागेका सोर सुनिनेछैन।