बाट लोकप्रिय बाइबल पदहरू {{chapter}}

शेयर गर्नुहोस्

परमप्रभु भन्‍नुहुन्‍छ, “मेरा सोच-विचार तिमीहरूका जस्‍ता छैनन्, मेरा चाल तिमीहरूका भन्दा बेग्‍लै छन्।

आकाश पृथ्‍वीभन्दा जति अग्‍लो छ, त्‍यत्ति नै तिमीहरूका भन्दा मेरा चाल र सोच-विचारहरू अग्‍ला छन्।

जब परमप्रभु नजिक हुनुहुन्‍छ, उहाँतिर फर्क र उहाँलाई बिन्‍ती गर।

दुष्‍टहरूले आफ्‍नो बाटो छोडून् र आफ्‍नो विचार त्‍यागून्। तिनीहरू परमप्रभु हाम्रा परमेश्‍वरतिर फर्कून्, उहाँ करुणामय हुनुहुन्‍छ र प्रशस्‍त गरी क्षमा गर्नुहुन्‍छ।

परमप्रभु भन्‍नुहुन्‍छ, “हे तिर्खाएकाहरू हो, यहाँ आओ, यहाँ पानी छ! हे रकम-पैसा नभएकाहरू हो, अन्‍न किनेर खाओ! आएर सित्तैंमा दाखमद्य र दूध किन!

“मेरो वचन पृथ्‍वीलाई भिजाउन आकाशबाट झर्ने वर्षा र हिउँजस्‍तो छ; त्‍यसले जमिन नभिजाई फर्कंदैन र त्‍यसले छर्नलाई बिउ र खानालाई भोजन दिन्‍छ। मेरो मुखबाट निस्‍कने वचन पनि त्‍यस्‍तै छ, मैले इच्‍छा गरेको काम त्‍यसले पूरा गरिछोड्‍नेछ, जुन काम गर्न म त्‍यसलाई पठाउनेछु, ती पूरा गरिछोड्‍नेछ।

“तिमीहरू आनन्‍दसाथ बेबिलोनबाट बिदा हुनेछौ, शान्‍तिसित तिमीहरू सहरबाट बाहिर निकालिनेछौ। डाँडा-पर्वतबाट गीतको गुन्‍जन? फुटाई निस्‍कनेछ र सबै रूखहरू आनन्‍दले चिच्‍च्‍याउनेछन्।

“हे मानिसहरू हो, मेरो कुरा सुन र मकहाँ आओ र सुन तिमीहरूले जीवन पाउनेछौ! म तिमीहरूसित एउटा अनन्‍त करार बाँध्‍नेछु। मैले दाऊदलाई प्रतिज्ञा गरेका आशिष्‌हरू तिमीहरूलाई दिनेछु।