बाट लोकप्रिय बाइबल पदहरू {{chapter}}

शेयर गर्नुहोस्

परमप्रभु भन्‍नुहुन्‍छ, “तिमीहरूलाई सान्‍त्‍वना दिने म नै हुँ, तिमीहरू किन मरणशील मानिससित डराउँछौ? तिनीहरू घाँसझैँ ओइलिजानेछन्।

मैले आकाश फैलाएँ र पृथ्‍वीको जग बसालें। म यरूशलेमलाई भन्‍दछु, ‘तिमीहरू मेरा प्रजा हौ! मैले तिमीहरूलाई शिक्षा दिएको छु र आफ्‍ना बाहुबलले तिमीहरूको रक्षा गर्दछु’।”

“तिमीहरू, जसले ठीक कुरा जान्‍दछौ र जसका हृदयमा मेरो व्‍यवस्‍था गढेर बसेको छ, मेरा कुरा सुन। मानिसहरूले तिमीहरूलाई खिसी र अपमान गर्दा तिमीहरू नडराओ।

“म यरूशलेमलाई करुणा देखाउनेछु, त्‍यसका विनाश भएका भूमिमा बास गर्नेहरूलाई दया गर्नेछु। त्‍यसको देश मरुभूमि भएको भए पनि म त्‍यसलाई अदनको बगैँचाझैँ बनाउनेछु। त्‍यहाँ आनन्‍द र रमाहट, मेरा प्रशंसा र धन्‍यवादका गुण-गान हुनेछ।

जसलाई तपाईंले बचाउनुभएको छ, तिनीहरू आनन्‍दसाथ गाउँदै, रमाउँदै यरूशलेममा पुग्‍नेछन्। सदाको लागि तिनीहरू आनन्‍दित हुनेछन्, हर्ष र खुसीले तिनीहरू भरिनेछन् र मानिसहरूका शोक र सुस्‍केरा मेटिनेछन्।