बाट लोकप्रिय बाइबल पदहरू {{chapter}}

शेयर गर्नुहोस्

यसकारण परमप्रभुले यस्‍तो उत्तर दिनुहुन्‍छ: “के आमाले आफ्‍नो दूधेबालकलाई भुल्‍न सक्‍छे? र आफूले जन्‍माएका बालकलाई माया गर्न छोड्छे? तर आमाले आफ्‍नो बालकलाई भुले पनि म तिमीहरूलाई कहिल्‍यै भुल्‍नेछैनँ।

हे यरूशलेम, म तँलाई कहिल्‍यै भुल्‍न सक्‍दिनँ! मैले तेरो नाम आफ्‍नो हत्‍केलामा लेखेको छु।

परमप्रभु जवाफ दिनुहुन्‍छ, “ठीक त्‍यस्‍तै हुनेछ; सिपाहीका कैदीहरू छुटाइनेछन्, अत्‍याचारीका लुटको धन खोसिनेछ। जो तँसित लड्छ, त्‍योसित म लड्‍नेछु र तेरा छोरा-छोरीहरूको उद्धार गर्नेछु।

परमप्रभुले मलाई भन्‍नुभयो, “ए मेरा सेवक, तेरो लागि एउटा अझ ठूलो काम छ। तैँले इस्राएलका बाँचेका मानिसहरूलाई फेरि फर्काई ल्‍याउनेछस्; त्‍यति मात्र होइन, म तँलाई जाति-जातिका बीचमा एउटा ज्‍योति पनि बनाउनेछु र सारा संसारमा तैँले मेरो उद्धार पुर्‍याउनेछस्।”

हे आकाश गीत गाऊ! हे पृथ्‍वी आनन्‍दले सोर उठाऊ! पर्वतहरूले गला खोलेर गीत गाऊन्! परमप्रभुले आफ्‍ना कष्‍ट पाएका प्रजामाथि कृपा गर्नुहुनेछ र तिनीहरूलाई सान्‍त्‍वना दिनुहुनेछ।