बाट लोकप्रिय बाइबल पदहरू {{chapter}}

शेयर गर्नुहोस्

तिनीहरूलाई यसो भन्, “म सार्वभौम परमप्रभु जीवित परमेश्‍वर छु भन्‍ने स्‍वयम् साक्षी राखी भन्‍दछु, म कुनै पापी मरेको देख्‍दा खुसी हुनेछैनँ। बरु त्‍यसले पाप गर्न छोडेर प्राण बचाएको हेर्न चाहन्‍छु। ए इस्राएल, तैँले आफ्‍नो दुष्‍ट चाल छोड्। तँ किन मर्न चाहन्‍छस्?

“अब ए मरणशील मानिस, म तँलाई इस्राएल जातिको लागि पहरेदार खटाउँछु। मैले दिएका चेतावनीहरू ध्‍यान दिएर तैँले तिनीहरूलाई सुनाउनुपर्नेछ।

तैँले दुष्‍टलाई चेतावनी दिइस् भने र त्‍यसले पाप गर्न छोडेन भने त्‍यो आफ्‍नो पापमा आफैं मर्नेछ तर तेरो ज्‍यानचाहिँ बाँच्‍नेछ।”

तर यदि पहरेदारले शत्रु आएको देखेर पनि चेतावनी दिएन र शत्रु आएर कुनै एउटै मानिसलाई मार्‍यो भने पनि त्‍यो त आफ्‍नो पापमा मर्छ नै तर त्‍यसको मृत्‍युको निम्‍ति म त्‍यस पहरेदारलाई जिम्‍मेवार ठान्‍नेछु।

आफ्‍नै दोषले त्‍यसको मृत्‍यु हुनेछ किनभने त्‍यसले चेतावनी दिएकोमा ध्‍यानै दिएन। यदि त्‍यसले ध्‍यान दिएको भए त्‍यो बाँच्‍नेथियो।