बाट लोकप्रिय बाइबल पदहरू {{chapter}}

शेयर गर्नुहोस्

“त्‍यस रात म मिश्रका बीचबाट भएर जानेछु र मिश्रमा भएका सबै जेठा छोराहरू र गाईवस्‍तुका पहिले ब्‍याएका बाछाहरूलाई मार्नेछु र मिश्रका सबै देवताहरूलाई दण्‍ड दिनेछु। म परमप्रभु हुँ। ढोकाका खम्‍बाहरूमा पोतिएका रगत तिमीहरू बसेका घरमा चिन्‍ह हुनेछ। त्‍यो रगत देखेर म तिमीहरूलाई बचाउनेछु र मैले मिश्रीहरूलाई दण्‍ड दिएको बेलामा तिमीहरूमाथि केही विपत्ति पर्नेछैन।

त्‍यो दिन तिमीहरूले एउटा धार्मिक चाड मनाउनेछौ र त्‍यस चाडले म परमप्रभुले जे गरेको थिएँ, त्‍यो तिमीहरूलाई याद दिलाउनेछ। त्‍यो चाड तिमीहरूले सदाको निम्‍ति आउँदा दिनहरूमा मनाउनू।”

तिम्रा सन्‍तानहरूले ‘यस विधिको अर्थ के हो?’ भनी सोधे भने तिमीहरूको उत्तर यो हुनेछ, ‘यो परमप्रभुलाई आदर गरेर मनाएको निस्‍तार-चाड हो किनभने उहाँले मिश्रमा भएका इस्राएलीहरूका घरहरूलाई बचाउनुभएको थियो। उहाँले मिश्रीहरूलाई मार्नुभयो तर हामी इस्राएलीहरूलाई बचाउनुभएको थियो।” इस्राएलीहरूले घुँडा टेकेर उहाँलाई आराधना गरे।