बाट लोकप्रिय बाइबल पदहरू {{chapter}}

शेयर गर्नुहोस्

अदार महिनाको तेह्रौँ दिन आइपुग्‍यो। त्‍यो दिन राजाको उर्दी लागू हुनेथियो। त्‍यही दिन यहूदीहरूका शत्रुहरूले तिनीहरूलाई आफ्‍ना वशमा लिने आशा गरेका थिए। तर त्‍यसका सट्टामा यहूदीहरू आफ्‍ना शत्रुहरूमाथि विजयी भए।

मोर्दकैले यी सबै घटनाहरूबारे लेख्‍न लाए र टाढा र नजिकका सबै यहूदीहरूलाई चिठी पठाए। सारा फारस-साम्राज्‍यमा उनले अदार महिनाको चौधौँ र पन्‍ध्रौँ दिन हरेक वर्ष उत्‍सव मनाउन लेखिपठाए। ती दिनमा यहूदीहरूले आफ्‍ना शत्रुहरू नाश पारेका थिए, यही महिनालाई तिनीहरूले एउटा शोक र निराशाको समयबाट हर्ष र आनन्‍दित समयमा परिवर्तन गरेका थिए। ती दिन तिमीहरूले भोज खानू, उत्‍सव मनाउनू र गरीबहरूलाई आपसमा पनि खानेकुराका उपहार बाँड्‍नू भनी लेखिएको थियो।