बाट लोकप्रिय बाइबल पदहरू {{chapter}}

शेयर गर्नुहोस्

शद्रक, मेशक र अबेद्‌नगोले जवाफ दिए, “महाराज, हामीले यस विषयमा आफैंलाई बचाउने कोसिस गर्नेछैनौं। हामी जुन परमेश्‍वरको सेवा गर्छौं, उहाँले नै आगो दन्‍किरहेका भट्टीबाट र हजुरका हातबाट हामीलाई बचाउन सक्‍नुहुन्‍छ भने उहाँले अवश्‍यै हाम्रो रक्षा गर्नुहुनेछ। तर उहाँले हामीलाई बचाउनुभएन भने पनि हामी हजुरका देवताहरू पुज्‍नेछैनौं र हजुरले खडा गर्नुभएको सुनको मूर्तिलाई घोप्‍टो परी ढोग्‍नेछैनौं। यो कुरो हजुरलाई पक्‍का थाहा होस्।”

राजाले सोधे, “त्‍यसो भए, मैले कसरी त्‍यस आगोमा चार जना हिँडिरहेका देख्‍दै छु? तिनीहरूका बन्‍धन फुकेका छन् र तिनीहरूलाई कुनै पनि चोट-पटक लागेको छैन र चौथो व्‍यक्तिचाहिँ ईश्‍वरको छोराजस्‍तो पो देखिन्‍छ त!”

राजाले भने, “शद्रक, मेशक र अबेद्‌नगोका परमेश्‍वरको प्रशंसा गर! आफूमाथि विश्‍वास राख्‍ने र आफ्‍नो सेवा गर्ने यी तीन भाइलाई बचाउन उहाँले आफ्‍नो स्‍वर्गदूतलाई पठाउनुभयो। तिनीहरूले मेरा आज्ञा पालन गरेनन् र आफ्‍ना ज्‍यान खतरामा पारे; तर आफ्‍ना परमेश्‍वरबाहेक अरू कुनै देवतालाई घोप्‍टेर पुजेनन्।

“अब म यो आज्ञा दिन्‍छु कि कुनै पनि जाति वा कुलका अथवा कुनै भाषा बोल्‍ने जुनसुकै मानिसले शद्रक, मेशक र अबेद्‌नगोका परमेश्‍वरको निन्‍दा गरेर बोल्‍यो भने त्‍यसलाई टुक्रै-टुक्रा पारिनेछ र त्‍यसको घर स्‍वाहा पारिनेछ। यसरी उद्धार गर्न सक्‍ने अरू कुनै ईश्‍वर छैन।”