बाट लोकप्रिय बाइबल पदहरू {{chapter}}

शेयर गर्नुहोस्

तिमीहरू दाहिने अथवा देब्रे लाग्‍दा तिमीहरूका कानले तिमीहरूका पछिल्‍तिर यसो भन्‍ने आवाज सुन्‍नेछौ, “बाटो यही हो, यसैमा हिँड़।”

तापनि तिमीहरूमाथि अनुग्रह गर्न परमप्रभु इच्‍छा गर्नुहुन्‍छ। तिमीहरूमाथि दया देखाउन उहाँ उठ्‌नुहुन्‍छ, किनकि परमप्रभु न्‍याय गर्नुहुने परमेश्‍वर हुनुहुन्‍छ। उहाँको प्रतीक्षा गर्ने सबै धन्‍यका हुन्‌!

परमप्रभु परमेश्‍वर, इस्राएलका परमपवित्र यही भन्‍नुहुन्‍छ, “पश्‍चात्ताप र विश्राममा तिमीहरूको उद्धार छ। मौनधारण र भरोसामा तिमीहरूलाई शक्ति मिल्‍छ। तर तिमीहरू यी कुनै पनि कुरा चाहन्‍नौ।

परमप्रभुले तिमीहरूलाई दु:खको रोटी र क्‍लेशको पानी दिनुभए तापनि तिमीहरूका शिक्षकहरू अझ लुकाइनेछैनन्‌। तिमीहरूका आफ्‍नै आँखाले तिमीहरूले तिनीहरूलाई देख्‍नेछौ।

हे यरूशलेममा बस्‍ने सियोनका मानिस हो, तिमीहरू अब फेरि रुनेछैनौ। तिमीहरू सहायताको लागि रोएका सुनेर उहाँ कत्ति अनुग्रहमय हुनुहुनेछ! तिमीहरूको बिन्‍ती सुन्‍ने बित्तिकै उहाँले तिमीहरूलाई जवाफ दिनुहुनेछ।

परमप्रभु घोषणा गर्नुहुन्‍छ, “धिक्‍कार! ती अटेरी छोराछोरीहरूलाई, जसले योजनालाई सञ्‍चालन गर्छन्‌ तर ती मेरा होइनन्, मित्रता गाँस्‍छन्, तर मेरो आत्‍माले होइन, र पापमाथि पाप बढ़ाएका छन्‌।