बाट लोकप्रिय बाइबल पदहरू {{chapter}}

शेयर गर्नुहोस्

ၸဝ်ႈ​ယေႇသု၊ လၢတ်ႈ​လႄႈ​ဝႃႈ၊ “လီ​ယဝ်ႉ။ ပေႃး​ပဵၼ်​ၼႆ​ၸိုင်၊ဢဝ်​ၶွင်​ၶုၼ်ႁေႃၶမ်း​ ၵေႇသႃႇ၊ ပၼ်​တီႈ​ၶုၼ်ႁေႃၶမ်း​ ၵေႇသႃႇ၊ တႃႉ။ ၶွင်​ၽြႃးပဵၼ်ၸဝ်ႈ​ၵေႃႈ​ဢဝ်​ပၼ်​တီႈ​ၽြႃးပဵၼ်ၸဝ်ႈ​တႃႉ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ယႅၵ်ႉ​တူၺ်း​ၶဝ်​သေယဝ်ႉ၊လၢတ်ႈ​လႄႈ​ဝႃႈ၊ “ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ၵႃႈၼႂ်း​ၵျၢမ်းလိၵ်ႈ​တႅမ်ႈ​ဝႆႉ​လႄႈ​ဝႃႈ၊ “‘မၢၵ်ႇႁိၼ်​ဢၼ်​ၵူၼ်း​ႁဵတ်း​ႁိူၼ်း​တိူၵ်ႈ​ၶဝ် ဢမ်ႇ​မၢတ်ႈ​မီး​ၵႃႈၶၼ်​ၵႃႈသင်​လႄႈ ပႄႇပႅတ်ႈ​ဝႆႉ​ၼၼ်ႉ၊ ၵမ်းလိုၼ်း​ၸိုင်၊လႆႈ​ပဵၼ်​မၢၵ်ႇႁိၼ် ႁူဝ်​ၸဵင်ႇတိူၵ်ႈ​ဢေႃႈ၊’ ဝႃႈ​ၼင်ႇ​ၼႆ​ၼၼ်ႉ​ၶႂ်ႈဝႃႈ​ၸိူဝ်ႉ​ၼင်ႇ​ႁိုဝ်။

“ႁဵတ်း​သတိ​တီႈ​သြႃႇ​မေႃ​ၵျၢမ်း​ထမ်ႇမႃႉ​တင်းလၢႆ​တႃႉ။ ၶဝ်​ၼၼ်ႉ​ၵျိူၵ်ႈ​ၼုင်ႈ​သိူဝ်ႈၶူဝ်း​ဢၼ်​ယၢဝ်း​ၼႃႇ​လႄႈ​လႄႇ​ၵႂႃႇလႄႇ​မႃး​ယူႇ၊မီး​ဢလူဝ်ႇ​ၶႂ်ႈႁႂ်ႈ​ပိူၼ်ႈ​ၵူဝ်ယမ်​ၶဝ်​လႄႈ​တၵ်ႉလၢတ်ႈ​ၶဝ်​ၵႃႈၼႂ်း​ၵၢင်​ၵၢတ်ႇ​လႂ်၊လိူၵ်ႈ​တီႈ​ၼင်ႈ​တီႈ​ၸၼ်ႉ​သုင်​ၵႃႈၼႂ်း​ၸရွပ်ႈ​ႁေႃးတြႃး​လႂ်၊ဢိၵ်ႇတင်း​တီႈ​ၼင်ႈ​ဢၼ်​လီ​ဢၼ်​ၵျႃႉ​ၵႃႈၼႂ်း​ပွႆး​လႂ်​ဢေႃႈ။- ၶဝ်​ၸၢင်ႈ​ပႄႉ​ၵိၼ်​ႁိမ်​ၵိၼ်​ႁိူၼ်းယေး​မႄႈမၢႆႈ​လႂ်​လႄႈ​ၸၢင်ႈ​ႁဵတ်း​ႁၢင်ႈ​သူးတွင်း​လူၺ်ႈ​ၶေႃႈၵႂၢမ်း​ဢၼ်​ယၢဝ်း​ၼႃႇ​ၼၼ်ႉ​ဢေႃႈ။ ၶဝ်​ၼၼ်ႉ​ယဵင်ႈၶႅၼ်း​တၵ်း​လႆႈ​ၶၢမ်ႇတၢမ်ႇ​ဢပျတ်ႈ​ဢၼ်​ယႂ်ႇ​ၼႃႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။