बाट लोकप्रिय बाइबल पदहरू {{chapter}}

शेयर गर्नुहोस्

ၶႅၼ်းတေႃႈ​ႁႂ်ႈ​ၶဝ်​ပဵၼ်​ၵူၼ်း​ဢၼ်​မူတ်းၸၢင်ႇ​ၸွမ်းၼင်ႇ​သမ်ႇမႃႇ​တြႃး​ၸဝ်ႈႁဝ်း​သေၵမ်း​တီႈၶႃႈ။ ၼုၵ်ႈၵပၢတ်ႈ​ၸဝ်ႈႁဝ်း​ပဵၼ်​သမ်ႇမႃႇ​တြႃး​တီႈၶႃႈ​ဢေႃႈ။

ဢသၢၵ်ႈ​ထႃႇဝရႃႉ​ဢၼ်​ဝႃႈ​ၼၼ်ႉ၊ပဵၼ်​တၢင်း​ဢၼ်​ႁုၸၵ်း​ၸဝ်ႈႁဝ်း​ဢၼ်​ပဵၼ်​ၽြႃးပဵၼ်ၸဝ်ႈ​ဢၼ်​ၸိုဝ်ႈ​ဢၼ်​ၸႂ်ႈ​သူႇလဵဝ်​ပႃးလဵဝ်၊ဢိၵ်ႇတင်း​ ၸဝ်ႈ​ယေႇသု​ၶရိၸ်ႈ၊ ဢၼ်​ၸဝ်ႈႁဝ်း​ပွႆႇၸႂ်ႉ​မႃး​ၼၼ်ႉ​တီႈၶႃႈ​ဢေႃႈ။

“ၵဝ်ၶႃႈ​သူးတွင်း​ပုၼ်ႈ​ၶဝ်​ၵူၺ်း​ဢမ်ႇၸႂ်ႈ​တီႈၶႃႈ၊ပုၼ်ႈ​ၵူၼ်း​တင်းလၢႆ​ဢၼ်​ယုမ်ႇမၢတ်ႈ​ၵဝ်ၶႃႈ၊ၵွပ်ႈပိူဝ်ႈ​ၶၢဝ်ႇ​တြႃး​ဢၼ်​ၶဝ်​ႁေႃးလၢတ်ႈ​ၼၼ်ႉ​ၵေႃႈ​ၵဝ်ၶႃႈ​သူးတွင်း​တီႈၶႃႈ​ဢေႃႈ။- ၵဝ်ၶႃႈ​သူးတွင်း​ႁႂ်ႈ​ၶဝ်​ပဵၼ်​ဢၼ်​ၼိုင်ႈ​ဢၼ်လဵဝ်​ၵၼ်​တီႈၶႃႈ​ဢေႃႈ။ ဢူဝ်း​ပေႃႈၸဝ်ႈ​တီႈၶႃႈ၊ႁႂ်ႈ​ၶဝ်​မီး​ယူႇ​ၵႃႈၼႂ်း​ႁဝ်း​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈႁဝ်း​မီး​ယူႇ​ၵႃႈၼႂ်း​ၵဝ်ၶႃႈ​လႄႈ​ၵဝ်ၶႃႈ​မီး​ယူႇ​ၵႃႈၼႂ်း​ၸဝ်ႈႁဝ်း​ၼၼ်ႉ​သေၵမ်း​တီႈၶႃႈ။ ႁႂ်ႈ​ၶဝ်​ပဵၼ်​ဢၼ်​ၼိုင်ႈ​ဢၼ်လဵဝ်​ၵၼ်​ပုၼ်ႈ​လွင်ႈ​ၼင်ႇ​ႁိုဝ်​ၵူၼ်းလေႃးၵီႇ​ၼႆႉ​တၵ်း​ယုမ်ႇ​လွင်ႈ​ဢၼ်​ၸဝ်ႈႁဝ်း​ပွႆႇၸႂ်ႉ​ၵဝ်ၶႃႈ​မႃး​ၼၼ်ႉ​သေၵမ်း​တီႈၶႃႈ။

ၵဝ်ၶႃႈ​လဝ်ႈ​ယွၼ်း​ႁႂ်ႈ​ၸဝ်ႈႁဝ်း​ၼုၵ်ႈ​ဢဝ်​ၶဝ်​ဢွၵ်ႇ​သေ​ၵႃႈၼႂ်း​လေႃးၵႃႉ​ၼႆႉ​ၵႂႃႇ​ဢမ်ႇၸႂ်ႈ​တီႈၶႃႈ​လႄႈ၊ၵဝ်ၶႃႈ​လဝ်ႈ​ယွၼ်း​ႁႂ်ႈ​ၸဝ်ႈႁဝ်း​ၵႅတ်ႇၶႄ​ႁႄႉၵင်ႈ​ပၼ်​ၶဝ်၊ႁႂ်ႈ​ၶဝ်​လွတ်ႈၵၢင်း​သေ​ၵႃႈတီႈ​ၶုၼ်ၽီႁၢႆႉ​ၼၼ်ႉ​တီႈၶႃႈ​ဢေႃႈ။

ၵဝ်ၶႃႈ​ဢဝ်​မုၼ်ၵုင်ႇသရေႇ​ဢၼ်​ၸဝ်ႈႁဝ်း​ပၼ်​ၵဝ်ၶႃႈ​ၼၼ်ႉ၊ပၼ်​တီႈ​ၶဝ်​ပုၼ်ႈ​လွင်ႈ​ၼင်ႇ​ႁိုဝ်​ၶဝ်​တၵ်း​ပဵၼ်​ဢၼ်​ၼိုင်ႈ​ဢၼ်လဵဝ်​ၵၼ်​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈႁဝ်း​တင်း​ၵဝ်ၶႃႈ​ပဵၼ်​ဢၼ်​ၼိုင်ႈ​ဢၼ်လဵဝ်​ၵၼ်​ၼၼ်ႉ​လႄႈ၊- ၵဝ်ၶႃႈ​မီး​ယူႇ​ၵႃႈၼႂ်း​ၶဝ်​လႄႈ ၸဝ်ႈႁဝ်း​သမ်ႉ​မီး​ယူႇ​ၵႃႈၼႂ်း​ၵဝ်ၶႃႈ​ႁႂ်ႈ​ၶဝ်​လႆႈ​ပဵၼ်​ဢၼ်​ၼိုင်ႈ​ဢၼ်လဵဝ်​ၵၼ်​ၸေးၸေးၸုမ်ႇၸုမ်ႇ၊ပုၼ်ႈ​လွင်ႈ​ၼင်ႇ​ႁိုဝ်​ၵူၼ်းလေႃးၵီႇ​ၼႆႉ​တၵ်း​ႁု​လွင်ႈ​ဢၼ်​ၸဝ်ႈႁဝ်း​ပွႆႇၸႂ်ႉ​ၵဝ်ၶႃႈ​မႃး၊ဢိၵ်ႇတင်း​လွင်ႈ​ဢၼ်​ၸဝ်ႈႁဝ်း​ႁၵ်ႉ​ၶဝ်​မိူၼ်​ၸိူဝ်ႉ​ၼင်ႇ​ဢၼ်​ၸဝ်ႈႁဝ်း​ႁၵ်ႉ​ၵဝ်ၶႃႈ​ၼၼ်ႉ​တီႈၶႃႈ​ဢေႃႈ။