बाट लोकप्रिय बाइबल पदहरू {{chapter}}

शेयर गर्नुहोस्

“ၵဝ်​ပဵၼ်​ၶိူဝ်း​မၢၵ်ႇၸပိတ်ႉ​လႄႈ၊သူ​ပဵၼ်​ၵိင်ႇ​မၼ်း​ၶႃႈ​မၼ်း​ဢေႃႈ။ ၵေႃႉ​ဢၼ်​တႄႇ​ယူႇ​ၵႃႈၼႂ်း​ၵဝ်​လႄႈ​ၵဝ်​ၵေႃႈ​တႄႇ​ယူႇ​ၵႃႈၼႂ်း​မၼ်း​ၼၼ်ႉ​မၼ်း​ပဵၼ်​ၵေႃႉ​ဢၼ်​ၸၢင်ႈ​မၢၵ်ႇ​မၢၵ်ႇ​မႃး​ၼမ်ၼႃႇ​ဢေႃႈ။ ပိူဝ်ႈ​ဝႃႈ၊ပေႃး​သူ​ၽၢတ်ႇ​ၵၼ်​တင်း​ၵဝ်​ၸိုင်၊သူ​ဢမ်ႇ​ႁဵတ်း​ၵႃႈသင်​လႆႈ​လႃးလႃး။

တႄႇ​ယူႇ​ၼႂ်း​ၵဝ်​တႃႉ။ ၵဝ်​ၵေႃႈ​တၵ်း​တႄႇ​ယူႇ​ၼႂ်း​သူ​ဢေႃႈ။ ၸိူဝ်ႉ​ၼင်ႇ​ဢၼ်​ပေႃး​ၵိင်ႇ​မၢၵ်ႇၸပိတ်ႉ​ဢမ်ႇ​ၸပ်း​ယူႇ​ၼႂ်း​ၶိူဝ်း​မၼ်း​ၸိုင်၊မၼ်း​ဢမ်ႇ​ၸၢင်ႈ​မၢၵ်ႇ​မၢၵ်ႇ​မၼ်း​လႆႈ​ၵူၺ်း​မၼ်း​ၼၼ်ႉ၊သူ​ၵေႃႈ​ပေႃး​ဢမ်ႇ​တႄႇ​ယူႇ​ၼႂ်း​ၵဝ်​ၸိုင်၊သူ​ဢမ်ႇ​ၸၢင်ႈ​မၢၵ်ႇ​မၢၵ်ႇ​လႆႈ။

ပေႃး​သူ​တႄႇ​ယူႇ​ၼႂ်း​ၵဝ်​လႄႈ​ၵႂၢမ်း​တြႃး​ၵဝ်​ၵေႃႈ​တႄႇ​ယူႇ​ၼႂ်း​သူ​ၸိုင်၊ၵႃႈ​ၼင်ႇ​ဢၼ်​သူ​မီး​ဢလူဝ်ႇ​လႄႈ​ယွၼ်း​သေ​ၸိူဝ်ႉ​သေ​ပိူင်​ၼၼ်ႉ​သူ​တၵ်း​လႆႈ​ဢေႃႈ။

သူ​လိူၵ်ႈၵဵပ်း​ဢဝ်​ၵဝ်​ဢမ်ႇၸႂ်ႈ။ ၵဝ်​လိူၵ်ႈၵဵပ်း​ဢဝ်​သူ​လႄႈ​ၶၢၼ်း​ဝႆႉ​ႁႂ်ႈ​သူ​မၢၵ်ႇ​မၢၵ်ႇ​မႃး၊ႁႂ်ႈ​မၢၵ်ႇ​သူ​ၸိူဝ်း​ၼၼ်ႉ​ၸပ်း​မၼ်ႈ​ယူႇ၊ဢိၵ်ႇတင်း​ႁႂ်ႈ​သူ​လႆႈ​ၵူႈၸိူဝ်ႉၵူႈပိူင်​ၵႃႈ​ဢၼ်​သူ​လဝ်ႈ​ယွၼ်း​ၵႃႈတီႈ​ပေႃႈၸဝ်ႈ​ၵႃႈၼႂ်း​ၸိုဝ်ႈသဵင်​ၵဝ်​ၼၼ်ႉ​ဢေႃႈ။

ဢမ်ႇ​မီး​ၽူႈလႂ်​သေၵေႃႉသေၵူၼ်း​မီး​တၢင်းႁၵ်ႉ​မႅတ်ႈတႃႇ​ဢၼ်​ယဵင်ႈၶႅၼ်း​ယႂ်ႇ​ၼႃႇ​သေ​မႅတ်ႈတႃႇ​ဢၼ်​ၵူၼ်း​ၵေႃႉ​ၼိုင်ႈ​ၶၢမ်ႇ​ၸုၼ်ႉ​ဢသၢၵ်ႈ​တူဝ်ၸဝ်ႈၵဝ်ႇ​ပုၼ်ႈ​ၵေႃႉသႄႈ​မၼ်း​ၼၼ်ႉ။

မၼ်းၸဝ်ႈ​ၽၼ်း​ပႅတ်ႈ​ၵူႈ​ၵိင်ႇ​ၵူႈ​ၶႃႈ​ဢၼ်​ဢမ်ႇ​ၸၢင်ႈ​မၢၵ်ႇ​ၼၼ်ႉ​သေယဝ်ႉ၊သမ်ႉ​တွၼ်​ပႅတ်ႈ​ၵူႈ​ၵိင်ႇ​ၵူႈ​ၶႃႈ​ဢၼ်​ၸၢင်ႈ​မၢၵ်ႇ​ၼၼ်ႉ၊ႁႂ်ႈ​မၼ်း​ပၢင်ႇ​လီ​ႁႂ်ႈ​ယိင်း​ၶႅၼ်း​မၢၵ်ႇ​မၢၵ်ႇ​မႃး​ၼမ်​ၼမ်​ဢေႃႈ။

ဢၼ်​ၵဝ်​ပိင်းၺၢပ်ႈ​သူ​ၸမ်ႉ၊သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​မိူၼ်​ၸိူဝ်ႉ​ၼင်ႇ​ဢၼ်​ၵဝ်​ႁၵ်ႉ​သူ​ၼၼ်ႉ​တႃႉ။

မုၼ်ၽုင်း​ပေႃႈၸဝ်ႈ​ၵဝ်​လႆႈ​ထၢင်ႇသႃး​မႃး​ၵွပ်ႈပိူဝ်ႈ​သူ​မၢၵ်ႇ​မၢၵ်ႇ​ၼမ်ၼႃႇ​ၼၼ်ႉ​လႄႈ၊သမ်ႉ​လႆႈ​ႁု​ဝႃႈ​သူ​ပဵၼ်​တပႄး​ၵဝ်​ဢေႃႈ။

“ၵဝ်​ပဵၼ်​ၶိူဝ်း​မၢၵ်ႇၸပိတ်ႉ​ဢၼ်​ၸႅတ်ႈ​လႄႈ​ပေႃႈၸဝ်ႈ​ၵဝ်​ၼၼ်ႉ၊ပဵၼ်​ၵေႃႉ​ဢၼ်​ႁဵတ်း​သူၼ်​မၢၵ်ႇ​ၼၼ်ႉ​ဢေႃႈ။

ၽူႈလႂ်​သေဢမ်ႇဝႃႈ၊ပေႃး​ယင်း​ဢမ်ႇ​တႄႇ​ယူႇ​ၼႂ်း​ၵဝ်​ၸိုင်၊လႆႈ​ၶၢမ်ႇ​တၢင်း​ဢၼ်​ထိမ်ႈ​ဢွၵ်ႇ​ပႅတ်ႈ​ၸိူဝ်ႉ​ၼင်ႇ​ၵိင်ႇ​ၼင်ႇ​ၶႃႈ​လႄႈ​ႁဵဝ်ႇ​ႁႅင်ႈ​ၵႂႃႇ​ဢေႃႈ။ ပိူၼ်ႈ​မႃး​ၵဵပ်း​သိမ်းဢဝ်​ၵိင်ႇၶႃႈ​ၸိူဝ်း​ၼၼ်ႉ​လႄႈ​တုတ်ႇ​ပႅတ်ႈ​ၵႃႈၼႂ်း​ၽႆး​သေ​ဢေႃႈ။

“လွင်ႈတၢင်း​ၸိူဝ်း​ၼႆႉ​ၵဝ်​ႁေႃးလၢတ်ႈ​တီႈ​သူ ႁႂ်ႈ​တၢင်း​ဢၼ်​သိူဝ်းပျေႃႇ​ၵဝ်​တၵ်း​မီး​ယူႇ​ၵႃႈၼႂ်း​သူ၊ဢိၵ်ႇတင်း​ႁႂ်ႈ​တၢင်း​ဢၼ်​သိူဝ်းပျေႃႇ​သူ​တၵ်း​ပျေႉၸုမ်ႇ​ဢေႃႈ။

ပေႃး​သူ​ပႂ်ႉ​ၸွမ်း​ပိင်းၺၢပ်ႈတြႃး​ၵဝ်​တင်းလၢႆ​ၸိုင်၊သူ​တၵ်း​တႄႇ​ယူႇ​ၼႂ်း​တၢင်းႁၵ်ႉ​မႅတ်ႈတႃႇ​ၵဝ်​မိူၼ်​ၸိူဝ်ႉ​ၼင်ႇ​ဢၼ်​ၵဝ်​ပႂ်ႉ​ၸွမ်း​ပိင်းၺၢပ်ႈတြႃး​ပေႃႈၸဝ်ႈ​ၵဝ်​တင်းလၢႆ​လႄႈ​တႄႇ​ယူႇ​ၼႂ်း​တၢင်းႁၵ်ႉ​မႅတ်ႈတႃႇ​မၼ်းၸဝ်ႈ​ၼၼ်ႉ​ဢေႃႈ။

ၼႆႉ​ၸမ်ႉ၊ပဵၼ်​ပိင်းၺၢပ်ႈတြႃး​ဢၼ်​ၵဝ်​ပၼ်​တီႈ​သူ​ႁႂ်ႈ​သူ​ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ​ႁၵ်ႉ​ၵၼ်​ဢေႃႈ။

ပေႃး​သူ​ပဵၼ်​ၵူၼ်းလေႃးၵီႇ​ၼႆႉ​ၸိုင်၊ၵူၼ်းလေႃးၵီႇ​ၼႆႉ​ၵေႃႈ​တၵ်း​ႁၵ်ႉ​သူ​ၸိူဝ်ႉ​ၼင်ႇ​ပဵၼ်​ၶွင်​မၼ်း​ဢေႃႈ။ ပိူဝ်ႈ​ဢၼ်​သူ​ဢမ်ႇ​ပဵၼ်​ၵူၼ်းလေႃးၵီႇ၊ပဵၼ်​ၵေႃႉ​ဢၼ်​ၵဝ်​လိူၵ်ႈၵဵပ်း​ဢဝ်​ၵႃႈၼႂ်း​ၵူၼ်းလေႃးၵီႇ​ၼႆႉ​လႄႈ​ၶဝ်​ၸင်း​သူ​ဢေႃႈ။