बाट लोकप्रिय बाइबल पदहरू {{chapter}}

शेयर गर्नुहोस्

ၵဝ်​တၵ်း​ႁႂ်ႈ​ၸိူဝ်ႉၶိူဝ်း​မႂ်း​ၼမ်​ၵိုၼ်း​လႄႈ၊ၶဝ်​တၵ်း​လႆႈ​ပဵၼ်​မဵဝ်း​ၵူၼ်း​ဢၼ်​ယႂ်ႇ​ၼႃႇ​ဢေႃႈ။ ၵဝ်​တၵ်း​ပၼ်တၢင်းလီ​မၢင်ႇၵလႃႇ​တီႈ​မႂ်း​လႄႈ​ၸိုဝ်ႈသဵင်​မႂ်း​တၵ်း​ၸွတ်ႇ​သႃႇ​ႁူင်ႁၢင်း​သေယဝ်ႉ၊မႂ်း​တၵ်း​လႆႈ​ပဵၼ်​ၵေႃႉ​ဢၼ်​ပၼ်တၢင်းလီ​မၢင်ႇၵလႃႇ​ဢေႃႈ။ “ၵဝ်​တၵ်း​ပၼ်တၢင်းလီ​မၢင်ႇၵလႃႇ​တီႈ​ၵေႃႉ​ဢၼ်​ပၼ်တၢင်းလီ​မၢင်ႇၵလႃႇ​တီႈ​မႂ်း​လႄႈ တီႈ​ၵေႃႉ​ဢၼ်​ၵိၼ်ႇ​ဝႃႈ​မႂ်း​ၼၼ်ႉ​ၵဝ်​တၵ်း​ၵိၼ်ႇ​ဝႃႈ​မၼ်း​ဢေႃႈ။ ၵူၼ်း​မဵဝ်း​တင်းသဵင်ႈတင်းလူင်​ၵႃႈၼိူဝ်​လိၼ်မိူင်း​ၼႆႉ​တၵ်း​လႆႈ​ၶၢမ်ႇ​ဢဝ်​တၢင်းလီ​မၢင်ႇၵလႃႇ​ၵႃႈၼႂ်း​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ထႃႇဝရႃႉ​ၽြႃး၊ လၢတ်ႈ​တီႈ​ ဢႃႇပြမ်ႇ၊ လႄႈ​ဝႃႈ၊ “ဢွၵ်ႇ​သေ​ၵႃႈတီႈ​မိူင်း​မႂ်း​ဢိၵ်ႇတင်း​ႁိူၼ်း​ပေႃႈ​မႂ်း​တင်း​ၸိူဝ်ႉၶိူဝ်း​မႂ်း​သေလႄႈ၊ၵႂႃႇၸူး​မိူင်း​ဢၼ်​ၵဝ်​တၵ်း​ၼႄ​ပၼ်​မႂ်း​ၼၼ်ႉ​တႃႉ။

ဢႃႇပြမ်ႇ၊ ၵေႃႈ​ႁဵတ်း​ၸွမ်း​ၵႃႈ​ၼင်ႇ​ဢၼ်​ ထႃႇဝရႃႉ​ၽြႃး၊ သင်ႇ​လၢတ်ႈ​ဝႆႉ​လႄႈ၊ဢွၵ်ႇ​ဝဵင်း​ ႁႃႇရၼ်ႇ၊ ၵႂႃႇ​ဢေႃႈ။ လေႃးတႃႉ၊ ၵေႃႈ​ၵႂႃႇ​ၸွမ်း​မၼ်း​ဢေႃႈ။ မိူဝ်ႈ​ယၢမ်း​ၼၼ်ႉ​ ဢႃႇပြမ်ႇ၊ မီး​ဢသၢၵ်ႈ​ၸဵတ်း​သိပ်း​ႁႃႈ​ပီ​ယဝ်ႉ​ဢေႃႈ။

ထႃႇဝရႃႉ​ၽြႃး၊ ပေႃႇမႃး​ၵႃႈတီႈ​ ဢႃႇပြမ်ႇ၊ လႄႈ​လၢတ်ႈ​ဝႃႈ၊ “ၵဝ်​တၵ်း​ဢဝ်​မိူင်း​ၼႆႉ​ပၼ်​တီႈ​ၸိူဝ်ႉၶိူဝ်း​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။ ပိူဝ်ႈ​ၼႆ​လႄႈ​ ဢႃႇပြမ်ႇ၊ ႁဵတ်း​ၶဵင်ႇ​တၢင်းလူႇ​ပုၼ်ႈ​ ထႃႇဝရႃႉ​ၽြႃး၊ ဢၼ်​ပေႃႇမႃး​ၵႃႈတီႈ​မၼ်း​ၼၼ်ႉ​ဢေႃႈ။