बाट लोकप्रिय बाइबल पदहरू {{chapter}}

शेयर गर्नुहोस्

Kawarain alampara puttane, tɨm ampal unanchi. Kancha alampara kwashta kantawa, wan awa tukin kai izanapa. Kawarain une awa iztakin watsal uztain, awa u wat kiamtu aizpa izanapa. U wat kirɨt aizpa izarane, uspane u Taitta Dios chiyuras kwisha wari kizanazi.”

Une au sukin wat uztain, mamaz awara watsal kamtananapa, watsal uzanapa. Une impil kai aiztukanain nil uzarawa, awa nil uzna piankamanapa. Pɨpulu malta uztane, wanne pɨpulura kai izanazi. Kulasachi.

Ayukta kaijchura sɨnam sarɨttuzne an watsal kulat kit Diosta izanazi. Dios ayukta kaijchura sɨnam saninnamtu akwa, uspane an wat kulat kit Diosta izanazi.

Nil kishimturuzkas wat kishimturuzkas an watsal uzanazi, Dios pashimtu aizpa kiamtu akwa.

Me nain mamaz tuntu uruza kurunamtus. Aliztuza pashinarawa. Uruza kwail kimtuz akwa Diosta paikwatpa.

“Diosta piankamshimturuzne Dios kaizta aizpa kiat kit watsal uzanazi.

Awaruza kalpain uzanapa paninturuzne kalpain uzanazi. Diosne usparuza ‘u ap pashparuz mai’ kiznanazi.

Awa tayalamtukas, Diosne usparuza wat kiwainanazi, tayalamanpa.

Awa nil uztuzakas Dios kaizta aizpa kimtuzakas pizamtukas, awa usparuza kwail kiashimtukas, Diosne paiña ɨninturuza, paiña ɨnintukin watsal uzninnanazi.

Diosne mamaztuza kiwainmuruza kiwainnanazi, watsal uzanapa.

Une ap wat kanpamtuz mai. Mamaz awane na akwa ‘u kwail awa mai’ kizanazi. Awane na akwa uruza kwail kianazi. Uspane na akwa u kwail kiamtu pɨrail appanazi. Sunkana uruza kinakane, watsal kiat kit watsal nɨjkultain. Diosne chiyura uruza watsal mɨlam mɨlananazi. Ñamin Dios kainammtuz uzasmin, awane kawarain usparuza naizninnara.”

Na mamazkin an warish kiztuchimikane an watsal uznazi, Dios an sukin pa kin namta akwa.

“Ñam ñara nɨrane, ña pɨtkain. Une ñamkanain wat uztain, awa an kwail kiamanpa. Wat ñam chine, ñara kulkain. Tɨhwi. Ñam kultachine, kiakpɨntɨm, awa mittɨ kuliztɨnpa.

U chiyuras Papihshne chinkas kwail kit chi. Kawarain u chiyura Papihsh uztukanain watsal uz kit watsal kirain.”

Nune ‘watchain’ kaizti. ‘Watcha chine, watcha chi’ kizti. Mamaz tuntu pit kaiztane, nune Diablo pit kaiztɨnazi.”

“Sunkas une ñamin uruza kamtara aizpa mɨara. Uruza ka kiznara: ‘Kasukin kɨzmumikane kwarain kɨzmumikawa kasu uktawa. Sulakin kɨzpianmumikane kawarain sula kɨzpianmikawa sula uktawa.’ Sunkana nain uruza kurunnamtus: Nua kwail kirɨtmikasha puija kwail kinchi. Maza nua matsɨhkin kuzkane, mamazpa matsɨhkin kuzshina pianninti kizti.

Mane nune kasu waj. Mɨnpazha kwail aizpa kin iztumikane sunpa kwail kin min kit kwail kishina. Chinkas kwail aizpa kin izman, kwail minmanpa, kwail kishimanpa. Kasukasa kwail izturuzkas kwail kishimturuzne ĩnta ianazi. Katmizna kwail aizpa kin izman, ĩnta ɨamanpa. Awane chihtɨ waj. Awane uspa chihtɨkasa kwail kiashina. Chihtɨkasa kwail kishimtuzne maizarawa, uspa chihtɨkasa kwail kiamanpa. Paiña chihtɨkasa kwail kishimtumikane ĩnta ɨrɨnazi.”