If you would like a copy of this version please contact info@davaraudiobibles.org

The Matengo New Testament © The Word for the World. Matengo New Testament ℗ 2024, Davar Partners International.

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkLUK">
 <div class="chapter ch20" data-usfm="LUK.20">
 <div class="label">20</div><div class="s">Uwesu waka Yesu guuma kwako</div><div class="r"> Matei 21:23-27; Maluko 11:27-33</div><div class="p"> 1Lisoba limu, Yesu pajabi jaabola bandu pa nyumba jaka Sapanga nakaalandi bandu Lijambu laa Sapi, agolu akolongu naaka abola ba malagalaki pamu na aseja bahikiki, 2bundalukiya, &#8220;Utupwagila guhenga mahengu ge haga kupete uwesu bole? Boo nya jojugu peki uwesu we hogo?&#8221;</div><div class="p"> 3Yesu jaapwagila, &#8220;Nane nanndaluki lijambu limu, mmbwajila, 4boo, uwesu waka Yohana lukubatisa bandu lwahuma kwako? Boo, kwaka Sapanga au kwa bandu?&#8221;</div><div class="p"> 5Lakini bombi balaluana beni kwa beni nukupwaga, &#8220;Ana tupwagiki guhuma kwaka Sapanga, jombi jatulalukya, mbona ngase munhobali Yohana?&#8221; 6Kabee ana tupwagiki wahuma kwa bandu, bandu boa batulapula kwa malibu, ndaba boa anhobali Yohana jabii mlota waka Sapanga! 7Henu, bumpwagila, &#8220;Ngasetumanya uwesu we hogu wahuma kwako.&#8221;</div><div class="p"> 8Yesu japwaaga, &#8220;Hata nepani nganumpwagi henga lihengu lende kupete uwesu bole.&#8221;</div><div class="s">Malenganu gilituhi li Mizabibu na bandu baalema</div><div class="r"> Matei 21:33-46; Maluko 12:1-12</div><div class="p"> 9Ndienu Yesu jaendalya kaapwagi bandu malenganu ganga, &#8220;Mundu jumu jalemiki lituhi li mizabibu. Nukulikodisa kwa bandu baalema, ndi jaboka nukujenda kutama kundema jengi. 10Kipindi sukutongo zabibu esahika, antuma mtumisi waki kwa bandu baalema bala ili bumbaguliya zabibu. Lakini bandu baalema bala bumbenga nukundapu nukunkelabu maboku matopu. 11Nkolongu jola antuma kabee ntumi jongi, lakini bombi bunndapula ahelahe nukunhenge majambu giliya, nukunkelabu maboku matopu. 12Antuma kabee ntumisi wa tatu, hoju najombi, batenda kunhumisa, nukundeke kunza jilitui. 13Ndipala mundu jwini litui jola japwaaga, &#8216;Niitenda bole? Nantuma mwana wangu jonumpai, kwaa buntenda kunzogopa ngamaa.&#8217; 14Lakini bandu baalema bala pabumbona pee, bapwagannya, &#8216;Jonzo ndi jobandekila lituhi lende. Enu, tunkoma ili litui libia liito.&#8217; 15Enu, bumpia kunza jilitui li mizabibu lela, nukunkoma.&#8221;</div><div class="p">Yesu jaalalukya, &#8220;Boo, mundu jojubii nilitui jola jaatenda kii bandu baalema bala? 16Jwiika na kaakoma bandu baalema bala, nakaapeke bandu bangi litui li mizabibu lela.&#8221;</div><div class="p">Bandu pabajogwa malenganu gala, bapwaga, &#8220;Ngahela, haga giipiti!&#8221;</div><div class="p"> 17Lakini Yesu jaalingalya na kaapwagi, &#8220;Maandiku ganga gabii na maana boo?</div><div class="q">&#8216;Lilibu lebilikana bandu baasenga,</div><div class="q">enu ndi libii lilibu lelipalika ngamaa nnyumba!&#8217;</div><div class="m"> 18Mundu jokapi najuabuki panani jililibu heli jwiitunyuka ipandiipandi, na mundu jokapi ana lunhabuki lilibu heli litenda kumponda.&#8221;</div><div class="s">Lijambu lukulepa kodi kwaka Kaisali</div><div class="r"> Matei 22:15-22; Maluko 12:13-17</div><div class="p"> 19Abola ba malagalaki na agolu akolongu bamanyiki malenganu gala gaalenga bombi, ndi bapala bunkamula Yesu apalapala. Lakini baajogopa bandu. 20Enu, babiya ataputa muda wa sapi wukunkamu. Ndi baatuma bandu bilikopakya baamboni kwaki, bumpendakiya kwa maswali, ili jujibwa liya apata indela jukunkali nukumpeleka kwaka kilongosi juku Loma. 21Bandu bala bumpwagila Yesu, &#8220;Mbola, tumanyiki weapa gupwaga nukubola majambu gasakaka, ngasegulinga ukolongu waka mundu, lakini gubola lijambu la sakaka lejupala Sapanga tuhenga. 22Utupwagila, boo sapi lee kulepakodi kwaka bambu nkolongu juku Loma joakema Kaisali au nga sape!&#8221;</div><div class="p"> 23Yesu jamanyiki kupendake kwabu, jaapwagila, 24&#8220;Nnangia lingengalema. Boo, sula jenze ni lihina lende laka nyane?&#8221;</div><div class="p">Bunzibua, &#8220;Yuku bambu nkolongu juku Loma joakema Kaisali.&#8221;</div><div class="p"> 25Ndienu Yesu jaapwagila, &#8220;Sapi, hindu yaka nkolongu juku Loma mupekia nkolongu juku Loma, nayaka Sapanga mupekia Sapanga.&#8221;</div><div class="p"> 26Ndienu ngasebawesiki kunkamu kupete lilobi lokapi lejwapwagiki pa bandu ila basangi lijibu laki baamua kutumba.</div><div class="s">Mabolee gukuyoka</div><div class="r"> Matei 22:23-33; Maluko 12:18-27</div><div class="p"> 27Ndipala Asadukayu bangi, bandu bapwaga nga kuyoka kwa bandu bawii, buhikila Yesu nukundaluki, 28&#8220;Mbola, Musa, jutuandakya, &#8216;Ana nndongu waka mundu juwi nukunndeka nndonguwaki bila mwana, nndongu waki kupalika kuntola mmbomba we hoju, ili ampapila nndongu waki bana.&#8217; 29Kwabii naaka alongu saba. Jakwanza jola anzukua mmbomba na jakuwa bila kundeka mwana. 30Ndongu jwa pili jola anzukua mmbomba joawii alomi we jola, najombi jakuwa bila kwaaleka bana, 31watatu anzukua mmbomba jola na kwabiya ahelahe boti saba, lakini bakuwa bila kwaaleka bana. 32Mwisuwe jakuwa kabee mmbomba we jola. 33Boo, lisoba la bandu pabiyoka, nyongoo we hoju jwiibia nhwanu waka nyane? Ndaba babia anzukwi boa saba.&#8221;</div><div class="p"> 34Yesu ampwagila, &#8220;Bandu ba ndema jenze ajuku nu kujukulika, 35lakini bandu bajaabona Sapanga awesa kuba mu ndema jejihika ili kuyoka ngabiijuku wala kujukulika. 36Ngabiiwesi kuwa kabee, ndaba bibia ngati atumi bu kunani kwaka Sapanga, bombi biibia bana baka Sapanga ndaba atei kuyoka. 37Lakini sakaka kuyoka kuhuma kwa bandu baawi kubii. Ata Musa jalangia lijambu leheli mu Maandiku gaka Sapanga pajapwaga kupete kitengu sesabiya kinyakaa mwotu. Papuje jwapwaga Bambu ndi Sapanga jwaka Ibulahimu, Sapanga waka Isaka na Sapanga waka Yakobu. 38Najombi nga Sapanga wa bandu baawii lakini jombi Sapanga ja bandu bome. Ndaba boti atama pundema ndaba jaki.&#8221;</div><div class="p"> 39Aka abola bangi ba Malagalaki bapwaaga, &#8220;Mmbola, gujibwiki sapi ngamaa.&#8221; 40Nabombi ngasebalengiki kundaluki malobi gange.</div><div class="s">Kilisitu mwana waka nyanye</div><div class="r"> Matei 22:41-46; Maluko 12:35-37</div><div class="p"> 41Ndienu Yesu jalalukya, &#8220;Bandu apwaga boo, Kilisitu mwana waka Daude? 42Daudi weni jupwaga mu kitabu sa Zabuli,</div><div class="q">&#8216;Bambu ampwagila bambu wangu.</div><div class="q">Tama upandi wangu ukumalele,</div><div class="q"> 43mbaka naabeka bandu babugusuki ngati kiteu sukubeke magolu.&#8217; 44Ana Daudi we ankema jombi, &#8216;Bambu,&#8217; kwibia boo jubiya mwama waka Daude?&#8221;</div><div class="s">Kujilenda na abola ba Malagalaki</div><div class="r"> Matei 23:1-36; Maluko 12:38-40</div><div class="p"> 45Bandu boti pababiya bunzowane Yesu, jaapwagila banafunzi baki, 46&#8220;Nzepana naka abola ba Malagalaki bapala kupetapeta koni aweti ingobu ilasu, apala kulamukiwa kwii hisima na bandu mumagulio, nukutama mwiteu yapalongi mu nyumba jukuketangane Ayaudi nuku tipati. 47Baajibi bandu bawii aka alomi babu, bilikopake ngati baamboni sukulilangi aloba ku kipindi kilasu, bandu haba bipata azabu ngolongu!&#8221;</div>
 </div>
 </div>
</div>

Lisoba limu, Yesu pajabi jaabola bandu pa nyumba jaka Sapanga nakaalandi bandu Lijambu laa Sapi, agolu akolongu naaka abola ba malagalaki pamu na aseja bahikiki, bundalukiya, “Utupwagila guhenga mahengu ge haga kupete uwesu bole? Boo nya jojugu peki uwesu we hogo?”
Yesu jaapwagila, “Nane nanndaluki lijambu limu, mmbwajila, boo, uwesu waka Yohana lukubatisa bandu lwahuma kwako? Boo, kwaka Sapanga au kwa bandu?”
Lakini bombi balaluana beni kwa beni nukupwaga, “Ana tupwagiki guhuma kwaka Sapanga, jombi jatulalukya, mbona ngase munhobali Yohana?” Kabee ana tupwagiki wahuma kwa bandu, bandu boa batulapula kwa malibu, ndaba boa anhobali Yohana jabii mlota waka Sapanga! Henu, bumpwagila, “Ngasetumanya uwesu we hogu wahuma kwako.”
Yesu japwaaga, “Hata nepani nganumpwagi henga lihengu lende kupete uwesu bole.”


Ndienu Yesu jaendalya kaapwagi bandu malenganu ganga, “Mundu jumu jalemiki lituhi li mizabibu. Nukulikodisa kwa bandu baalema, ndi jaboka nukujenda kutama kundema jengi. Kipindi sukutongo zabibu esahika, antuma mtumisi waki kwa bandu baalema bala ili bumbaguliya zabibu. Lakini bandu baalema bala bumbenga nukundapu nukunkelabu maboku matopu. Nkolongu jola antuma kabee ntumi jongi, lakini bombi bunndapula ahelahe nukunhenge majambu giliya, nukunkelabu maboku matopu. Antuma kabee ntumisi wa tatu, hoju najombi, batenda kunhumisa, nukundeke kunza jilitui. Ndipala mundu jwini litui jola japwaaga, ‘Niitenda bole? Nantuma mwana wangu jonumpai, kwaa buntenda kunzogopa ngamaa.’ Lakini bandu baalema bala pabumbona pee, bapwagannya, ‘Jonzo ndi jobandekila lituhi lende. Enu, tunkoma ili litui libia liito.’ Enu, bumpia kunza jilitui li mizabibu lela, nukunkoma.”
Yesu jaalalukya, “Boo, mundu jojubii nilitui jola jaatenda kii bandu baalema bala? Jwiika na kaakoma bandu baalema bala, nakaapeke bandu bangi litui li mizabibu lela.”
Bandu pabajogwa malenganu gala, bapwaga, “Ngahela, haga giipiti!”
Lakini Yesu jaalingalya na kaapwagi, “Maandiku ganga gabii na maana boo?
‘Lilibu lebilikana bandu baasenga,
enu ndi libii lilibu lelipalika ngamaa nnyumba!’
Mundu jokapi najuabuki panani jililibu heli jwiitunyuka ipandiipandi, na mundu jokapi ana lunhabuki lilibu heli litenda kumponda.”


Abola ba malagalaki na agolu akolongu bamanyiki malenganu gala gaalenga bombi, ndi bapala bunkamula Yesu apalapala. Lakini baajogopa bandu. Enu, babiya ataputa muda wa sapi wukunkamu. Ndi baatuma bandu bilikopakya baamboni kwaki, bumpendakiya kwa maswali, ili jujibwa liya apata indela jukunkali nukumpeleka kwaka kilongosi juku Loma. Bandu bala bumpwagila Yesu, “Mbola, tumanyiki weapa gupwaga nukubola majambu gasakaka, ngasegulinga ukolongu waka mundu, lakini gubola lijambu la sakaka lejupala Sapanga tuhenga. Utupwagila, boo sapi lee kulepakodi kwaka bambu nkolongu juku Loma joakema Kaisali au nga sape!”
Yesu jamanyiki kupendake kwabu, jaapwagila, “Nnangia lingengalema. Boo, sula jenze ni lihina lende laka nyane?”
Bunzibua, “Yuku bambu nkolongu juku Loma joakema Kaisali.”
Ndienu Yesu jaapwagila, “Sapi, hindu yaka nkolongu juku Loma mupekia nkolongu juku Loma, nayaka Sapanga mupekia Sapanga.”
Ndienu ngasebawesiki kunkamu kupete lilobi lokapi lejwapwagiki pa bandu ila basangi lijibu laki baamua kutumba.


Ndipala Asadukayu bangi, bandu bapwaga nga kuyoka kwa bandu bawii, buhikila Yesu nukundaluki, “Mbola, Musa, jutuandakya, ‘Ana nndongu waka mundu juwi nukunndeka nndonguwaki bila mwana, nndongu waki kupalika kuntola mmbomba we hoju, ili ampapila nndongu waki bana.’ Kwabii naaka alongu saba. Jakwanza jola anzukua mmbomba na jakuwa bila kundeka mwana. Ndongu jwa pili jola anzukua mmbomba joawii alomi we jola, najombi jakuwa bila kwaaleka bana, watatu anzukua mmbomba jola na kwabiya ahelahe boti saba, lakini bakuwa bila kwaaleka bana. Mwisuwe jakuwa kabee mmbomba we jola. Boo, lisoba la bandu pabiyoka, nyongoo we hoju jwiibia nhwanu waka nyane? Ndaba babia anzukwi boa saba.”
Yesu ampwagila, “Bandu ba ndema jenze ajuku nu kujukulika, lakini bandu bajaabona Sapanga awesa kuba mu ndema jejihika ili kuyoka ngabiijuku wala kujukulika. Ngabiiwesi kuwa kabee, ndaba bibia ngati atumi bu kunani kwaka Sapanga, bombi biibia bana baka Sapanga ndaba atei kuyoka. Lakini sakaka kuyoka kuhuma kwa bandu baawi kubii. Ata Musa jalangia lijambu leheli mu Maandiku gaka Sapanga pajapwaga kupete kitengu sesabiya kinyakaa mwotu. Papuje jwapwaga Bambu ndi Sapanga jwaka Ibulahimu, Sapanga waka Isaka na Sapanga waka Yakobu. Najombi nga Sapanga wa bandu baawii lakini jombi Sapanga ja bandu bome. Ndaba boti atama pundema ndaba jaki.”
Aka abola bangi ba Malagalaki bapwaaga, “Mmbola, gujibwiki sapi ngamaa.” Nabombi ngasebalengiki kundaluki malobi gange.


Ndienu Yesu jalalukya, “Bandu apwaga boo, Kilisitu mwana waka Daude? Daudi weni jupwaga mu kitabu sa Zabuli,
‘Bambu ampwagila bambu wangu.
Tama upandi wangu ukumalele,
mbaka naabeka bandu babugusuki ngati kiteu sukubeke magolu.’ Ana Daudi we ankema jombi, ‘Bambu,’ kwibia boo jubiya mwama waka Daude?”


Bandu boti pababiya bunzowane Yesu, jaapwagila banafunzi baki, “Nzepana naka abola ba Malagalaki bapala kupetapeta koni aweti ingobu ilasu, apala kulamukiwa kwii hisima na bandu mumagulio, nukutama mwiteu yapalongi mu nyumba jukuketangane Ayaudi nuku tipati. Baajibi bandu bawii aka alomi babu, bilikopake ngati baamboni sukulilangi aloba ku kipindi kilasu, bandu haba bipata azabu ngolongu!”

सुन्नुहोस् Luka 20