Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s1">Chauhmuh, Soetuon Soeu</div><div class="p"> 1Hauh thang lhyi, dius gas yom ma gyau gyau vjangh shvmanh dung chah dah cho lhyi Yesu nyamoq lyis dangtoeuq yah taiq zis gas, 2Wusmuhpuk dvkoeuq mas Mangso lhyi ma gyuk, dius lyis eq gungsyaus ma seq yaus dah soetuon soeu dvyuk nyeis. 3Hauh wus mas chauhmuh dvyuk nyeis. Nyang gas nyah jyank mas lyih las sang zis gas, Ngah jeswus yahge ngah jo mas dan khyvlyis soetuon dyei aq, ge. 4Nyang gas nyangh shoq soe ma tuon dyei toh tyamp. Hauh thang lhyi nyang taiq zis gas, Ngos gas Mangso lhyi ma gyuk, dius changh lyis eq gungsyaus ma yaus nghuot laus eq, 5haih chauhmuh gas ngos lyis dvthauqkhyi nyeis yvmvyah, nyah shot pheh dap las lvto phuk dyei das: housoeh ma nghuot lyis gas nyang ngos lyis lhoq nyung nyeis das, ge.</div><div class="p"> 6Housoeh las Yhensain taiq zis gas, Ma dan dah soetuon soeu taiq zis lyis gyo yoeuh geh. 7Mangso nyang khyen toh bang, nyang lyis nyeih nyenh dung nyeis shot pheh dap las dan khyvlyis lvnyap soetuon dyei das. 8Ngos namoq lyis taiq bah, nyang gas nyamoq xiklyis lvto lvnyap phuk dyei das. Nghuot laus eq cangsoeu Lo jweh lyih buisnyeis lyis haih nyeisjvng mas lomsjingh ehnyet bos bang lyis xo nyvng das lah, ge.</div><div class="s1">Pharishe, Khoengh Khywi</div><div class="p"> 9Vsainnyang gungs lyis dan, ge nghamhzo las gohyhamh bang lyis gas cha nho ma doeus bang lyis toeuq las nyang hai dangtoeuq yah eq taiq kyoh. 10Dius aiq yuk shvmanh dung das xiklyis yhenmuh mas doq loh: dvyuk gas Pharishe, gohtoeu dvyuk gas khoengh khywi soeu nghuot. 11Pharishe gas yap las, Mangso eh, ngos gas lhuot zo lhuot shuk, ma dan, nyi shuot lvng shuot bang teh ma nghuot thoq lyis magoh khoengh khywi soeu yhangteh yangh ma nghuot yvmvyah ngos nvng lyis jyehjuh chungh. 12Ngos gas Yuda No Buisnyeis dvdaus lyis aiq lhain womkyi lha, ngos yoh goeu dvnganh mas ciboms dvboms vlu kat, ge dung. 13Khoengh khywi soeu ka we mas yap las, nyah nyoq maukhung mha ma womh nghank yoeuh yoeuh nyah yvnggvng mas bat las dung zis gas, Mangso eh, ngos yaunos wons soeu lhyi nhaiqnyen aq, ge. 14Ngos namoq lyis taiq bah, haih soeu ka thyi gohtoeu dvyuk thoq lyis dan zis yah nyah yhen pheh loh. Khasoeh ge lyis vsainnyang gungs lyis chunghzo soeu hank laus eq o mha khyoq zis xauh das. Vsainnyang gungs lyis o mha gyoh soeu ka chungh zis xauh das, ge.#Mat 23.12; Luk 14.11</div><div class="s1">Loshang jens lyis Shvmanh</div><div class="r">(Mat 19.13-15; Mak 10.13-16)</div><div class="p"> 15Nyamoq gas lonoeuh jens lyis tanh dyei bas jungh, ge nyah jyank mas shwih lyih yvlyis changlo jens nyvng las nyamoq lyis tsain nyho. 16Nghuot laus eq Yesu nyamoq lyis khi yoeus las taiq zis gas, Loshang jens lyis ngah jyank mas los nhang geh, nyamoq lyis vtomp toh goh: khasoeh ge lyis, Mangso munghdan gas housoeh teh bang xiklyis nghuot. 17Ngos namoq lyis jyoengh taiq bah, Hank laus eq Mangso munghdan lyis loshang teh ma lhom yoeus soeu ka, houmha ma yoh wvng loh, ge.</div><div class="s1">Dis Soeu</div><div class="r">(Mat 19.16-30; Mak 10.17-31)</div><div class="p"> 18Guon soeu dvyuk nyang lyis nyei zis gas, Gis dah Svra eh, ngos vcaiq vto kang yoh das xiklyis cha kuot chah lah, ge.</div><div class="p"> 19Yesu nyang lyis taiq zis gas, Nvng ngos lyis chamus Gis soeu, oen lui lah? Mangso mha lai las gis soeu dvyuk eq ma bos. 20Lyi mas, nyi shuot lvng vshuot, dius vsat, vkhauh, ma ying kanghjyoeng vkat, nah ungwes uwus lyis phauh nyang aq, ge zis nvng seq toh goeus, ge.#Dyu 20.12-16; Lyi 5.16-20</div><div class="p"> 21Nyang taiq zis gas, Haih goeu dvnganh lyis ngos loyvm yoq lyis yah chank goeus, ge.</div><div class="p"> 22Yesu haih yvlyis xauhgyo las nyang lyis taiq zis gas, nvng dvja chah shih: nvng yoh dah goeu dvnganh ungh las nyungs bang lyis gvm dyei aq, housoeh lyis nvng maukhung mha zisyos yoh das; housoeh las ngah thang mha chank los aq, ge. 23Gvshih, nyang haih zis xauhgyo lyis, nyang svsoh nhaiqkuk: khasoeh ge lyis nyang gas svsoh dis soeu nghuot.</div><div class="s1">Dvnganh yoh Bweh Nhang</div><div class="p"> 24Nyang housoeh nhaiqkuk yvlyis Yesu nyvng lyis, nyang taiq zis gas, Yoh khuiq bang gas Mangso munghdan mas wvng das zis kha iq yau! 25Khasoeh ge lyis dis soeu Mangso munghdan mas wvng lwis thoq lyis gola-u gas nghvpnho mha wvng das zis zes lwis, ge.</div><div class="p"> 26Hauh dang lyis xauhgyo bang taiq zis gas, Housoeh lyis gas khyuot yoeus zis hank xauh das lah, ge.</div><div class="p"> 27Nyang taiq zis gas, Dius ma gis bweh zis Mangso ka gis bweh, ge.</div><div class="p"> 28Hauh uhlyis Petru taiq zis gas, Yoeuh aq, ngamoq gas dvnganh toh khoq las nah thang mha chank los goeus, ge.</div><div class="p"> 29Housoeh las nyang nyamoq lyis taiq zis gas, Ngos namoq lyis jyoengh taiq bah, Mangso munghdan gvng mas vsainnyang dah yhen, ungwes, uwus, vmang vnoeuh, yhensain nyhiq, lo jens lyis toh khoq soeu hank laus eq, 30gvshih dah vcaiq mas nyoshoq huon xauh yoeus das: hauh thoq lyis jweh los das vcaiq mas eq vcaiq vto kang xauh yoeus das, ge.</div><div class="s1">Yesu, Shei Cho 3 Vlhain Taiq</div><div class="r">(Mat 20.17-19; Mak 10.32-34)</div><div class="p"> 31Hauh thang lhyi nyang gas dvci aiq yuk moq lyis nyah jyank mas shwih yoeus las nyamoq lyis taiq zis gas, Yoeuh aq, yang gas Yerusalem pheh loh nyeis. Cangsoeu Lo yah sen lha lvpe jens lhaih ya lhaih toh zis dvnganh nyuk los das. 32Khasoeh ge lyis nyang lyis gohnyau bang loq mas kyauh tyamp las, jwangh, ma phauh gis kuot zis yahge svkanh dyeh gyuon zis xauh das. 33Nyamoq gas nyang lyis lyuk las sat das: somh vnyeih lyis nyang dwis toq das.</div><div class="p"> 34Nyamoq gas haih zis dvkoeuq eq ma seqgyo: khasoeh ge lyis haih dang gas nyamoq xikkhonh mas nghop shung toh las, taiq kyoh zis dvkoeuq eq ma tsain seq.</div><div class="s1">Nyoqjet Soeu Nyvng Los</div><div class="r">(Mat 20.29-34; Mak 10.46-52)</div><div class="p"> 35Gvshih nyang Yerikho mas jweh ni los lyis, nyoqjet soeu dvyuk choyvm mas tsung lha dung zo nyeis. 36Moqjens lai sam gyo las, nyang gas hauh zis cha nghuot yvlyis nyei.</div><div class="p"> 37Nyamoq gas nyang lyis, Nazaret Yesu lai loh zis lyis tsain taiq kyoh dyei.</div><div class="p"> 38Housoeh las nyang kaiq sang zis gas, Dawi dah Lo Yesu eh, ngos lyis nhaiqnyen aq, ge.</div><div class="p"> 39Xik lyis loh nyeis bang gas nyang tsoeklo nyeis bas jungh ge, nyang lyis tsain nyho. Nghuot laus eq nyang gas zes kaiq las, Dawi dah Lo eh, ngos lyis nhaiqnyen aq, ge.</div><div class="p"> 40Yesu yap las, hauh soeu lhyi nyah jyank mas shwih los das xiklyis vmingh dyei. Housoeh nyah jyank mas ni los lyis nyang lyis nyei zis gas, 41Ngos nvng lyis cha kuot dyei das zis o lah, ge.</div><div class="p">Nyang gas, Yhensain eh, ngah nyoq doms nyvng nhang aq, ge.</div><div class="p"> 42Yesu nyang lyis taiq zis gas, Nah nyoq doms nyvng los bas jungh, nah lomsjingh zis gas nvng lyis gis los nhang goeus, ge.</div><div class="p"> 43Houjang yah nyah nyoq nyvng los las, Mangso dah phunk lyis chungh zis yah nyah thang mha chank loh. Dius dvnganh gas hauh zis lyis nyvng las Mangso lhyi chungh.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Hauh thang lhyi, dius gas yom ma gyau gyau vjangh shvmanh dung chah dah cho lhyi Yesu nyamoq lyis dangtoeuq yah taiq zis gas, Wusmuhpuk dvkoeuq mas Mangso lhyi ma gyuk, dius lyis eq gungsyaus ma seq yaus dah soetuon soeu dvyuk nyeis. Hauh wus mas chauhmuh dvyuk nyeis. Nyang gas nyah jyank mas lyih las sang zis gas, Ngah jeswus yahge ngah jo mas dan khyvlyis soetuon dyei aq, ge. Nyang gas nyangh shoq soe ma tuon dyei toh tyamp. Hauh thang lhyi nyang taiq zis gas, Ngos gas Mangso lhyi ma gyuk, dius changh lyis eq gungsyaus ma yaus nghuot laus eq, haih chauhmuh gas ngos lyis dvthauqkhyi nyeis yvmvyah, nyah shot pheh dap las lvto phuk dyei das: housoeh ma nghuot lyis gas nyang ngos lyis lhoq nyung nyeis das, ge.
Housoeh las Yhensain taiq zis gas, Ma dan dah soetuon soeu taiq zis lyis gyo yoeuh geh. Mangso nyang khyen toh bang, nyang lyis nyeih nyenh dung nyeis shot pheh dap las dan khyvlyis lvnyap soetuon dyei das. Ngos namoq lyis taiq bah, nyang gas nyamoq xiklyis lvto lvnyap phuk dyei das. Nghuot laus eq cangsoeu Lo jweh lyih buisnyeis lyis haih nyeisjvng mas lomsjingh ehnyet bos bang lyis xo nyvng das lah, ge.

Vsainnyang gungs lyis dan, ge nghamhzo las gohyhamh bang lyis gas cha nho ma doeus bang lyis toeuq las nyang hai dangtoeuq yah eq taiq kyoh. Dius aiq yuk shvmanh dung das xiklyis yhenmuh mas doq loh: dvyuk gas Pharishe, gohtoeu dvyuk gas khoengh khywi soeu nghuot. Pharishe gas yap las, Mangso eh, ngos gas lhuot zo lhuot shuk, ma dan, nyi shuot lvng shuot bang teh ma nghuot thoq lyis magoh khoengh khywi soeu yhangteh yangh ma nghuot yvmvyah ngos nvng lyis jyehjuh chungh. Ngos gas Yuda No Buisnyeis dvdaus lyis aiq lhain womkyi lha, ngos yoh goeu dvnganh mas ciboms dvboms vlu kat, ge dung. Khoengh khywi soeu ka we mas yap las, nyah nyoq maukhung mha ma womh nghank yoeuh yoeuh nyah yvnggvng mas bat las dung zis gas, Mangso eh, ngos yaunos wons soeu lhyi nhaiqnyen aq, ge. Ngos namoq lyis taiq bah, haih soeu ka thyi gohtoeu dvyuk thoq lyis dan zis yah nyah yhen pheh loh. Khasoeh ge lyis vsainnyang gungs lyis chunghzo soeu hank laus eq o mha khyoq zis xauh das. Vsainnyang gungs lyis o mha gyoh soeu ka chungh zis xauh das, ge.


Nyamoq gas lonoeuh jens lyis tanh dyei bas jungh, ge nyah jyank mas shwih lyih yvlyis changlo jens nyvng las nyamoq lyis tsain nyho. Nghuot laus eq Yesu nyamoq lyis khi yoeus las taiq zis gas, Loshang jens lyis ngah jyank mas los nhang geh, nyamoq lyis vtomp toh goh: khasoeh ge lyis, Mangso munghdan gas housoeh teh bang xiklyis nghuot. Ngos namoq lyis jyoengh taiq bah, Hank laus eq Mangso munghdan lyis loshang teh ma lhom yoeus soeu ka, houmha ma yoh wvng loh, ge.


Guon soeu dvyuk nyang lyis nyei zis gas, Gis dah Svra eh, ngos vcaiq vto kang yoh das xiklyis cha kuot chah lah, ge.
Yesu nyang lyis taiq zis gas, Nvng ngos lyis chamus Gis soeu, oen lui lah? Mangso mha lai las gis soeu dvyuk eq ma bos. Lyi mas, nyi shuot lvng vshuot, dius vsat, vkhauh, ma ying kanghjyoeng vkat, nah ungwes uwus lyis phauh nyang aq, ge zis nvng seq toh goeus, ge.
Nyang taiq zis gas, Haih goeu dvnganh lyis ngos loyvm yoq lyis yah chank goeus, ge.
Yesu haih yvlyis xauhgyo las nyang lyis taiq zis gas, nvng dvja chah shih: nvng yoh dah goeu dvnganh ungh las nyungs bang lyis gvm dyei aq, housoeh lyis nvng maukhung mha zisyos yoh das; housoeh las ngah thang mha chank los aq, ge. Gvshih, nyang haih zis xauhgyo lyis, nyang svsoh nhaiqkuk: khasoeh ge lyis nyang gas svsoh dis soeu nghuot.

Nyang housoeh nhaiqkuk yvlyis Yesu nyvng lyis, nyang taiq zis gas, Yoh khuiq bang gas Mangso munghdan mas wvng das zis kha iq yau! Khasoeh ge lyis dis soeu Mangso munghdan mas wvng lwis thoq lyis gola-u gas nghvpnho mha wvng das zis zes lwis, ge.
Hauh dang lyis xauhgyo bang taiq zis gas, Housoeh lyis gas khyuot yoeus zis hank xauh das lah, ge.
Nyang taiq zis gas, Dius ma gis bweh zis Mangso ka gis bweh, ge.
Hauh uhlyis Petru taiq zis gas, Yoeuh aq, ngamoq gas dvnganh toh khoq las nah thang mha chank los goeus, ge.
Housoeh las nyang nyamoq lyis taiq zis gas, Ngos namoq lyis jyoengh taiq bah, Mangso munghdan gvng mas vsainnyang dah yhen, ungwes, uwus, vmang vnoeuh, yhensain nyhiq, lo jens lyis toh khoq soeu hank laus eq, gvshih dah vcaiq mas nyoshoq huon xauh yoeus das: hauh thoq lyis jweh los das vcaiq mas eq vcaiq vto kang xauh yoeus das, ge.


Hauh thang lhyi nyang gas dvci aiq yuk moq lyis nyah jyank mas shwih yoeus las nyamoq lyis taiq zis gas, Yoeuh aq, yang gas Yerusalem pheh loh nyeis. Cangsoeu Lo yah sen lha lvpe jens lhaih ya lhaih toh zis dvnganh nyuk los das. Khasoeh ge lyis nyang lyis gohnyau bang loq mas kyauh tyamp las, jwangh, ma phauh gis kuot zis yahge svkanh dyeh gyuon zis xauh das. Nyamoq gas nyang lyis lyuk las sat das: somh vnyeih lyis nyang dwis toq das.
Nyamoq gas haih zis dvkoeuq eq ma seqgyo: khasoeh ge lyis haih dang gas nyamoq xikkhonh mas nghop shung toh las, taiq kyoh zis dvkoeuq eq ma tsain seq.


Gvshih nyang Yerikho mas jweh ni los lyis, nyoqjet soeu dvyuk choyvm mas tsung lha dung zo nyeis. Moqjens lai sam gyo las, nyang gas hauh zis cha nghuot yvlyis nyei.
Nyamoq gas nyang lyis, Nazaret Yesu lai loh zis lyis tsain taiq kyoh dyei.
Housoeh las nyang kaiq sang zis gas, Dawi dah Lo Yesu eh, ngos lyis nhaiqnyen aq, ge.
Xik lyis loh nyeis bang gas nyang tsoeklo nyeis bas jungh ge, nyang lyis tsain nyho. Nghuot laus eq nyang gas zes kaiq las, Dawi dah Lo eh, ngos lyis nhaiqnyen aq, ge.
Yesu yap las, hauh soeu lhyi nyah jyank mas shwih los das xiklyis vmingh dyei. Housoeh nyah jyank mas ni los lyis nyang lyis nyei zis gas, Ngos nvng lyis cha kuot dyei das zis o lah, ge.
Nyang gas, Yhensain eh, ngah nyoq doms nyvng nhang aq, ge.
Yesu nyang lyis taiq zis gas, Nah nyoq doms nyvng los bas jungh, nah lomsjingh zis gas nvng lyis gis los nhang goeus, ge.
Houjang yah nyah nyoq nyvng los las, Mangso dah phunk lyis chungh zis yah nyah thang mha chank loh. Dius dvnganh gas hauh zis lyis nyvng las Mangso lhyi chungh.

सुन्नुहोस् LUKA 18