Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yesu yah Samari Vmesbih</div><div class="p"> 1Yesu gas Yohan thoq lyis changlo jens zes yoh zis yahge, Yohan thoq lyis jeisnyhop zes yoh dyei yvlyis Pharishe jens xauhgyo zis lyis Yhensain seq. 2(Yesu nyang jeisnyhop ma dyei laus eq nyah changlo jens kham dyei.) 3Nyang gas Yuda mau masyah dyens toq las Galile pheh doms loh. 4Housoeh las nyang gas Samari mau cho yah suh lai loh.</div><div class="p"> 5Nyang gas, Yakop gas nyah lo Yosep lyis dyei toh dah maunyeis chuq nvm mas joq, Sika ge dah Samari wugungs mas jweh loh.#Vpm 33.19; Yosh 24.32 6Hauh yvmas Yakop dah jeisdwang joq. Yesu gas gyung suh nyung las jeisdwang nvm mas tsung toh. Hauh shishenh gas nyeihgungs ko nghuot.</div><div class="p"> 7Samari vmesbih dvyuk jeis kham das ge lyih nyeis: Yesu hauh vmesbih lyis taiq zis gas, jeis dvtsiq gvmshuk aq, ge. 8(Nyah changlo jens gas zonoms wis das xiklyis wugungs pheh wvng loh.)</div><div class="p"> 9Hauh vmesbih nyang lyis taiq zis gas, Nvng Yuda vnyau nghuot las, ngos Samari jyank mas chamus shuk jeis sang, ge. Khasoeh ge lyis Yuda dius nyau gas Samari dius nyau yah ma zomh goh.#Ezr 4.1-5; Neh 4.1-2</div><div class="p"> 10Yesu nyang lyis phuk taiq zis gas, Nvng Mangso dah shvmanh jyungshuk yahge ngos lyis jeis gvm shuk aq, ge taiq soeu hank nghuot zis lyis nvng toq seq nghuot lyis gas, nvng nyang lyis dung las, nyang gas nvng lyis kang dwis jeis dyei das, ge.</div><div class="p"> 11Vmesbih nyang lyis taiq zis gas, Yhensain eh, nah jyank mas jeis gaiq pungh ma joq, jeisdwang eq noq, kang dwis jeis khalhye yah yoh das lah? 12Haih jeisdwang gas, ngamoq dah phauh thyeih ngamoq lyis dyei toh las, nyang yahge nyah lo jens eq shuk, nyah gaunyhauq lyis eq gvmshuk toh, nvng ngamoq dah phauh thyeih Yakop thoq lyis ma zes kuh ma nghuot lhyeh, ge.</div><div class="p"> 13Yesu nyang lyis phuk taiq zis gas, Haih jeisdwang mas jeis shuk bang hank laus eq jeis doms shet shih das. 14Nghuot laus eq ngos gvmshuk dah jeis lyis shuk soeu ka, vcaiq vto ma shet lo das las, ngos dyei dah jeis gas nyah vkhau mha vcaiq vto kang yoh dyei dah jeisthuq dwang bweh das, ge.</div><div class="p"> 15Hauh vmesbih nyang lyis taiq zis gas, Yhensain eh, ngos jeis eq ma shet, heimha jeis eq ma lyih lang chah lo bas jungh, hauh jeis ngos lyis dyei aq, ge.</div><div class="p"> 16Yesu nyang lyis taiq zis gas, Nah yhensain phoq lyis heimha loh khi los aq, ge.</div><div class="p"> 17Hauh vmesbih phuk taiq zis gas, Ngos yhensain phoq ma bos, ge.</div><div class="p">Yesu nyang lyis taiq zis gas, Ngos yhensain phoq ma bos ge nvng taiq dang jus: 18Khasoeh ge lyis nvng yhensain phoq oeng yuk yoh ku goeus; gvshih dah soeu ka nah yhensain phoq ma nghuot; haih cho mha nvng dang jyoeng taiq, ge.</div><div class="p"> 19Hauh vmesbih nyang lyis taiq zis gas, Yhensain eh, nvng Lvpe nghuot yvlyis ngos seq goeus. 20Ngamoq dah phauh thyeih moq gas haih boms mas gyangh paiq; namoq taiq zis gas, Paiq chah joqyos gas Yerusalem mas kyingh dvnghuot, ge.</div><div class="p"> 21Yesu nyang lyis taiq zis gas, Vmesbih eh, ngos lyis lomsjingh aq, namoq gas haih boms mas eq, Yerusalem wus mas eq ma nghuot nghuot, Uwus lyis paiq das shishenh gas jweh los das. 22Namoq gas namoq nyang ma seq yvlyis paiq. Ngamoq gas ngamoq nyang seq yvlyis paiq: Khasoeh ge lyis khyuot yoeus cho ka Yuda vnyau masyah nghuot. 23Nghuot laus eq jyoeng khyvlyis paiq bang gas, Dyos mas eq, jyoeng yvmas eq Uwus lyis paiq das shishenh gas jweh los nyeis las, gvshih yangh nghuot joq. Uwus gas housoeh paiq bang lyis xo nyeis. 24Mangso ka Dyos nghuot. Nyang lyis paiq bang gas, Dyos mas eq, jyoeng yvmas eq paiq chah, ge.</div><div class="p"> 25Hauh vmesbih nyang lyis taiq zis gas, Khristu ge dah Meshia jweh los das zis ngos seq. Hauh soeu jweh goeus ya, nyang yang lyis cho khat khanghmuh taiq shet das, ge.</div><div class="p"> 26Yesu nyang lyis taiq zis gas, Nvng yah jis goh nyeis soeu ngos gas hauh soeu nyang nghuot goeus, ge.</div><div class="p"> 27Hauh uhlyis nyah changlo jens tauh los las, vmesbih yah dang jis goh zis nyvng lyis tsain mauh. Nghuot laus eq, Nvng cha chah? Vmesbih yah dang chamus jis goh, ge hank eq ma nyei.</div><div class="p"> 28Vmesbih gas nyah jywang toh khoq lho lha, wugungs pheh tauh loh las dius jens lyis taiq zis gas, 29Ngos cha kuot khoq zis dvnganh ngos lyis doms taiq kyoh soeu lhyi lyih yoeuh geh, hauh soeu ka Khristu vnghuot au, ge. 30Nyamoq eq wus masyah thuq loh las nyah jyank mas tsain jweh e.</div><div class="p"> 31Hauh uhlyis changlo jens nyang lyis khyoeuq zis gas, Svra eh, wom zo aq, ge.</div><div class="p"> 32Nyang nyamoq lyis phuk taiq zis gas, Namoq ma seq dah zonoms ngos yoh, ge.</div><div class="p"> 33Housoeh yvmvyah changlo jens dvyuk yah dvyuk taiq goh zis gas, Nyang lyis dvyuk yuk zonoms dyei goeus lah, ge.</div><div class="p"> 34Yesu nyamoq lyis taiq zis gas, Ngos lyis nhang kat soeu o khyvlyis chank kuot das zis yahge, nyah muh tyeh zwi das zis gas ngah zonoms nghuot, ge. 35Namoq gas lhamhmuh nyei khyvp nghuot thang lhyi guk yhomh das, ge ma nghuot lhyeh? Yoeuh aq, ngos namoq lyis taiq bah, nghank las yoeuh kat geh, yos mas guk nyhink joq goeus las jyo yhomh das xiklyis gvshih yangh nghuot joq. 36Jyo yhomh soeu ka uhkung phauh yoh zis yah dvgeh vcaiq vto kang xiklyis jyo xauh yhomh yoeus las, jyo khyoq soeu yahge jyo yhomh soeu dvgeh yoh gausyis das. 37Housoeh las, dvyuk khyoq las gohtoeu dvyuk yhomh goeus ge dah sangkhyangh gas jus. 38Namoq yom ma kat toh yvmas jyo yhomh das zis ngos namoq lyis nhang kat: Gohyhamh yomkat goeus yvmas namoq lyis eq bos joq nhang.</div><div class="s1">Samari Nyoshoq Lomsjingh</div><div class="p"> 39Ngos kuot khoq dah cho dvnganh yah ngos lyis doms taiq kyoh dyei, ge dah hau vmesbih kanghjyoeng dang gvng mas, hauh wugungs mas dah Samari dius nyoshoq nyang lyis tsain lomsjingh. 40Housoeh las hau Samari jens nyah jyank mas los las, Ngamoq yah dvgeh jenh nyeis goh, ge tsain dung yvmvyah, aiq nyeih nyeis khoq.</div><div class="p"> 41Nyah dang gvng mas nyoshoq moq lomsjingh los. 42Hauh bang hauh vmesbih lyis taiq zis gas, Gvshih gas nvng taiq yvmvyah kyingh ngamoq lomsjingh zis ma nghuot lo, ngamoq nyang xauhgyo lho lha, Haih soeu ka haih mungkvn dah khyuot yoeus soeu Khristu nyang jyoengh nghuot zis lyis ngamoq nyang seq goeus, ge.</div><div class="s1">Zau Dvyuk Loloeu gis Los</div><div class="p"> 43Aiq nyeih dah thang lhyi nyang gas Galile mau pheh thuq loh. 44Khasoeh ge lyis lvpe ka, vsainnyang mau mas nyoqnho ngelang ma bos, ge Yesu nyang kanghjyoeng kat nyeis.#Mat 13.57; Mak 6.4; Luk 4.24 45Galile mau mas jweh lyis, Galile bang gas pwe yoq lyis Yerusalem mas nyang kuot xoeuq dah muhzoh dvnganh zis lyis nyvng las nyang lyis tsain lhom yoeus. Khasoeh ge lyis, nyamoq eq hauh Lhuiq Kat Pwe mha bos.#Yoh 2.23</div><div class="p"> 46Yesu gas, nyang jeis lyis zvbiq bweh nhang khoq dah joqyos, Galile mau, Kana wukhau mha doms los uhlyis, zau dvyuk dah yukgis lo gas Kaperna-um mha nos nyeis.#Yoh 2.1-11 47Yesu gas Yuda mau masyah Galile mau mas jweh nyeis zis lyis hauh zau phoq xauhgyo las nyah jyank mas e lha, shei bah ge goeus dah nyah lo lyis los jenh lhoq gis dyei aq, ge nyang lyis dung nyeis. 48Yesu nyang lyis taiq zis gas, Namoq vlho yahge mauh loqmuh ma nyvng lyis gas ma lomsjingh, ge.</div><div class="p"> 49Hauh zau phoq nyang lyis taiq zis gas, Yhensain eh, ngah lo ma shei shih lyis jenh los aq, ge.</div><div class="p"> 50Yesu nyang lyis taiq zis gas, Loh aq, nah lo doeng los das, ge.</div><div class="p">Hauh soeu eq Yesu taiq dang lyis jingh las loh lo. 51Nyang loh nyeis lyis, nyah jyeidwis jens nyang lyis lyih zes uhlyis yah taiq zis gas, Nah lo doeng los goeus, ge.</div><div class="p"> 52Housoeh las nos huiq dah shishenh nyei huq lyis, nyamoq gas, Nyinaq dvshishenh lyis nos huiq goeus, ge tsain taiq kyoh. 53Hau nos huiq los dah shishenh gas, Nah lo doeng los das, ge Yesu nyang lyis taiq dah shishenh nyang nghuot zis lyis nyah uwus seq las, nyang yahge nyah yhenbang dvnganhmoq lomsjingh.</div><div class="p"> 54Haih vlho ka, Yesu Yuda mau masyah Galile mau mas jweh las chixoeuq khoq, aiq vlhain vlho nghuot.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Yesu gas Yohan thoq lyis changlo jens zes yoh zis yahge, Yohan thoq lyis jeisnyhop zes yoh dyei yvlyis Pharishe jens xauhgyo zis lyis Yhensain seq. (Yesu nyang jeisnyhop ma dyei laus eq nyah changlo jens kham dyei.) Nyang gas Yuda mau masyah dyens toq las Galile pheh doms loh. Housoeh las nyang gas Samari mau cho yah suh lai loh.
Nyang gas, Yakop gas nyah lo Yosep lyis dyei toh dah maunyeis chuq nvm mas joq, Sika ge dah Samari wugungs mas jweh loh. Hauh yvmas Yakop dah jeisdwang joq. Yesu gas gyung suh nyung las jeisdwang nvm mas tsung toh. Hauh shishenh gas nyeihgungs ko nghuot.
Samari vmesbih dvyuk jeis kham das ge lyih nyeis: Yesu hauh vmesbih lyis taiq zis gas, jeis dvtsiq gvmshuk aq, ge. (Nyah changlo jens gas zonoms wis das xiklyis wugungs pheh wvng loh.)
Hauh vmesbih nyang lyis taiq zis gas, Nvng Yuda vnyau nghuot las, ngos Samari jyank mas chamus shuk jeis sang, ge. Khasoeh ge lyis Yuda dius nyau gas Samari dius nyau yah ma zomh goh.
Yesu nyang lyis phuk taiq zis gas, Nvng Mangso dah shvmanh jyungshuk yahge ngos lyis jeis gvm shuk aq, ge taiq soeu hank nghuot zis lyis nvng toq seq nghuot lyis gas, nvng nyang lyis dung las, nyang gas nvng lyis kang dwis jeis dyei das, ge.
Vmesbih nyang lyis taiq zis gas, Yhensain eh, nah jyank mas jeis gaiq pungh ma joq, jeisdwang eq noq, kang dwis jeis khalhye yah yoh das lah? Haih jeisdwang gas, ngamoq dah phauh thyeih ngamoq lyis dyei toh las, nyang yahge nyah lo jens eq shuk, nyah gaunyhauq lyis eq gvmshuk toh, nvng ngamoq dah phauh thyeih Yakop thoq lyis ma zes kuh ma nghuot lhyeh, ge.
Yesu nyang lyis phuk taiq zis gas, Haih jeisdwang mas jeis shuk bang hank laus eq jeis doms shet shih das. Nghuot laus eq ngos gvmshuk dah jeis lyis shuk soeu ka, vcaiq vto ma shet lo das las, ngos dyei dah jeis gas nyah vkhau mha vcaiq vto kang yoh dyei dah jeisthuq dwang bweh das, ge.
Hauh vmesbih nyang lyis taiq zis gas, Yhensain eh, ngos jeis eq ma shet, heimha jeis eq ma lyih lang chah lo bas jungh, hauh jeis ngos lyis dyei aq, ge.
Yesu nyang lyis taiq zis gas, Nah yhensain phoq lyis heimha loh khi los aq, ge.
Hauh vmesbih phuk taiq zis gas, Ngos yhensain phoq ma bos, ge.
Yesu nyang lyis taiq zis gas, Ngos yhensain phoq ma bos ge nvng taiq dang jus: Khasoeh ge lyis nvng yhensain phoq oeng yuk yoh ku goeus; gvshih dah soeu ka nah yhensain phoq ma nghuot; haih cho mha nvng dang jyoeng taiq, ge.
Hauh vmesbih nyang lyis taiq zis gas, Yhensain eh, nvng Lvpe nghuot yvlyis ngos seq goeus. Ngamoq dah phauh thyeih moq gas haih boms mas gyangh paiq; namoq taiq zis gas, Paiq chah joqyos gas Yerusalem mas kyingh dvnghuot, ge.
Yesu nyang lyis taiq zis gas, Vmesbih eh, ngos lyis lomsjingh aq, namoq gas haih boms mas eq, Yerusalem wus mas eq ma nghuot nghuot, Uwus lyis paiq das shishenh gas jweh los das. Namoq gas namoq nyang ma seq yvlyis paiq. Ngamoq gas ngamoq nyang seq yvlyis paiq: Khasoeh ge lyis khyuot yoeus cho ka Yuda vnyau masyah nghuot. Nghuot laus eq jyoeng khyvlyis paiq bang gas, Dyos mas eq, jyoeng yvmas eq Uwus lyis paiq das shishenh gas jweh los nyeis las, gvshih yangh nghuot joq. Uwus gas housoeh paiq bang lyis xo nyeis. Mangso ka Dyos nghuot. Nyang lyis paiq bang gas, Dyos mas eq, jyoeng yvmas eq paiq chah, ge.
Hauh vmesbih nyang lyis taiq zis gas, Khristu ge dah Meshia jweh los das zis ngos seq. Hauh soeu jweh goeus ya, nyang yang lyis cho khat khanghmuh taiq shet das, ge.
Yesu nyang lyis taiq zis gas, Nvng yah jis goh nyeis soeu ngos gas hauh soeu nyang nghuot goeus, ge.
Hauh uhlyis nyah changlo jens tauh los las, vmesbih yah dang jis goh zis nyvng lyis tsain mauh. Nghuot laus eq, Nvng cha chah? Vmesbih yah dang chamus jis goh, ge hank eq ma nyei.
Vmesbih gas nyah jywang toh khoq lho lha, wugungs pheh tauh loh las dius jens lyis taiq zis gas, Ngos cha kuot khoq zis dvnganh ngos lyis doms taiq kyoh soeu lhyi lyih yoeuh geh, hauh soeu ka Khristu vnghuot au, ge. Nyamoq eq wus masyah thuq loh las nyah jyank mas tsain jweh e.
Hauh uhlyis changlo jens nyang lyis khyoeuq zis gas, Svra eh, wom zo aq, ge.
Nyang nyamoq lyis phuk taiq zis gas, Namoq ma seq dah zonoms ngos yoh, ge.
Housoeh yvmvyah changlo jens dvyuk yah dvyuk taiq goh zis gas, Nyang lyis dvyuk yuk zonoms dyei goeus lah, ge.
Yesu nyamoq lyis taiq zis gas, Ngos lyis nhang kat soeu o khyvlyis chank kuot das zis yahge, nyah muh tyeh zwi das zis gas ngah zonoms nghuot, ge. Namoq gas lhamhmuh nyei khyvp nghuot thang lhyi guk yhomh das, ge ma nghuot lhyeh? Yoeuh aq, ngos namoq lyis taiq bah, nghank las yoeuh kat geh, yos mas guk nyhink joq goeus las jyo yhomh das xiklyis gvshih yangh nghuot joq. Jyo yhomh soeu ka uhkung phauh yoh zis yah dvgeh vcaiq vto kang xiklyis jyo xauh yhomh yoeus las, jyo khyoq soeu yahge jyo yhomh soeu dvgeh yoh gausyis das. Housoeh las, dvyuk khyoq las gohtoeu dvyuk yhomh goeus ge dah sangkhyangh gas jus. Namoq yom ma kat toh yvmas jyo yhomh das zis ngos namoq lyis nhang kat: Gohyhamh yomkat goeus yvmas namoq lyis eq bos joq nhang.

Ngos kuot khoq dah cho dvnganh yah ngos lyis doms taiq kyoh dyei, ge dah hau vmesbih kanghjyoeng dang gvng mas, hauh wugungs mas dah Samari dius nyoshoq nyang lyis tsain lomsjingh. Housoeh las hau Samari jens nyah jyank mas los las, Ngamoq yah dvgeh jenh nyeis goh, ge tsain dung yvmvyah, aiq nyeih nyeis khoq.
Nyah dang gvng mas nyoshoq moq lomsjingh los. Hauh bang hauh vmesbih lyis taiq zis gas, Gvshih gas nvng taiq yvmvyah kyingh ngamoq lomsjingh zis ma nghuot lo, ngamoq nyang xauhgyo lho lha, Haih soeu ka haih mungkvn dah khyuot yoeus soeu Khristu nyang jyoengh nghuot zis lyis ngamoq nyang seq goeus, ge.

Aiq nyeih dah thang lhyi nyang gas Galile mau pheh thuq loh. Khasoeh ge lyis lvpe ka, vsainnyang mau mas nyoqnho ngelang ma bos, ge Yesu nyang kanghjyoeng kat nyeis. Galile mau mas jweh lyis, Galile bang gas pwe yoq lyis Yerusalem mas nyang kuot xoeuq dah muhzoh dvnganh zis lyis nyvng las nyang lyis tsain lhom yoeus. Khasoeh ge lyis, nyamoq eq hauh Lhuiq Kat Pwe mha bos.
Yesu gas, nyang jeis lyis zvbiq bweh nhang khoq dah joqyos, Galile mau, Kana wukhau mha doms los uhlyis, zau dvyuk dah yukgis lo gas Kaperna-um mha nos nyeis. Yesu gas Yuda mau masyah Galile mau mas jweh nyeis zis lyis hauh zau phoq xauhgyo las nyah jyank mas e lha, shei bah ge goeus dah nyah lo lyis los jenh lhoq gis dyei aq, ge nyang lyis dung nyeis. Yesu nyang lyis taiq zis gas, Namoq vlho yahge mauh loqmuh ma nyvng lyis gas ma lomsjingh, ge.
Hauh zau phoq nyang lyis taiq zis gas, Yhensain eh, ngah lo ma shei shih lyis jenh los aq, ge.
Yesu nyang lyis taiq zis gas, Loh aq, nah lo doeng los das, ge.
Hauh soeu eq Yesu taiq dang lyis jingh las loh lo. Nyang loh nyeis lyis, nyah jyeidwis jens nyang lyis lyih zes uhlyis yah taiq zis gas, Nah lo doeng los goeus, ge.
Housoeh las nos huiq dah shishenh nyei huq lyis, nyamoq gas, Nyinaq dvshishenh lyis nos huiq goeus, ge tsain taiq kyoh. Hau nos huiq los dah shishenh gas, Nah lo doeng los das, ge Yesu nyang lyis taiq dah shishenh nyang nghuot zis lyis nyah uwus seq las, nyang yahge nyah yhenbang dvnganhmoq lomsjingh.
Haih vlho ka, Yesu Yuda mau masyah Galile mau mas jweh las chixoeuq khoq, aiq vlhain vlho nghuot.

सुन्नुहोस् YOHAN 4