Bible Text in Txitxopi© SociedadeBíblica de Moçambique, 1999 Audio recording of the Bible Text ℗ Hosanna, 2018

Txitxopi - 1999 MOZ (NT) Drama

<div class="version vid2848 iso6393cce" data-vid="2848" data-iso6393="cce">
 <div class="book bkJHN">
 <div class="chapter ch15" data-usfm="JHN.15">
 <div class="label">15</div><div class="s">Jesu mndonga wa m'vhinya</div><div class="p"> 1&#8220;Ani ngani mndonga wa ditshuri wa m'vhinya.</div><div class="p">Tate wangu ngene m'dimi wa kona. 2Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala. 3Anu mi basisilwe ngu dipswi di ni nga mi gela. 4Zumbani kwangu, nga ti ani ni zumbako kwanu. Kufana ni didhavi di di si sikotiko kuveleka mihando dona dokha, hahanze ka kuva di di patanile ni ditshina da m'vhinya, na nanu ni kadotho kha mi sikoti kuveleka mihando, ngako mi si nga kwangu.</div><div class="p"> 5Ani ni ditshina da m'vhinya, anu mi madhavi. Awule a zumbako kwangu, nani ni txi zumba kwakwe, eyo wa veleka mihando yayingi, nguko hahanze kwangu, kha mi na kusikota kumaha txilo. 6Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa. 7Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona. 8Tate wangu a na dhumiswa, ngako mi txi veleka mihando yo tala, mi maha vagondiswa vangu.&#8221; 9&#8220;Nga kuwa Tate a nga ni randa, nanani ni mi randile. Zumbani lirandoni kwangu. 10Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.&#8221;</div><div class="p"> 11&#8220;Ni mi gete mhaka yiya, kasiku litsako langu li txi zumba ni nanu, se kutsaka kwanu ku txi va i di ka kuhetiseka. 12#Wona ni ka: Joh. 13:34; 15:17; 1 Joh. 3:23; 2 Joh. 5. Mlayo wangu ngu wuwa: Randanani, nga ti ani ni nga mi randisa tona. 13Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe. 14Anu mi vangana vangu, ngako mi txi maha totshe ti ni mi rumako. 15Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu. 16Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga. 17Txileleto txi ni txi siyako kwanu ngu txiya: Randanani.&#8221;</div><div class="s">Valondeteli va Jesu va na xaniswa</div><div class="p"> 18&#8220;Ngako ditiko di txi mi vengela, ti ziveni ti to di thangile ngu ngani di txi ni vengela. 19Idiku mi va ditiko, nga ditiko di di randile ava va lumbako dona. Aniko, nga kuwa mi ku si nga va ditiko, ni kuwa kambe ni nga mi sawula ha ditikoni, ngu konaho ditiko da mi vengela. 20#Wona ni ka: Mat. 10:24; Luk. 6:40; Joh. 13:16. Khumbukani dipswi di ni nga mi gela, mbimo yi ni nga khani: &#8216;Txithumi hi nga txa hombe ka nyamne wa txona.&#8217; Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu. 21Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma. 22Idiku ni ti sa ta ni ta womba-womba navo, nga va si na txionho. Aniko konkuwa txionho txawe kha txi na divalelo. 23Awu a ni vengelako, a vengela ni Tate wangu. 24Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu; 25#Wona ni ka: Mas. 35:19; 69:4. kasi ku dipswi di, di nga bhalwa Mlayoni kwawe, di txi tatiseka, adi di ku: &#8216;Va ni vengete walo.&#8217; &#8221;</div><div class="p"> 26&#8220;Mbimo yi a nota Mthaveleli, awu ni no m'rumela kwanu, a txi huma ngu ka Tata, i ku Moya wa ditshuri, a humako ngu ka Tata, ngene wu a nota maha wufakazi ngu ngani; 27Nananu mi na va mi di tifakazi tangu, nguko mi ni nani kukhukhela kukhatani.&#8221;</div>
 </div>
 </div>
</div>

A Bíblia em Txitxopi © Bible Society in Mozambique, 2016.

“Ani ngani mndonga wa ditshuri wa m'vhinya.
Tate wangu ngene m'dimi wa kona. Didhavi dihi ni dihi di ku kwangu, adiya di si velekiko mihando, wa di wila, se adiya di vekako mihando, wa di sanda, kasiku di txi thela mihando yo tala. Anu mi basisilwe ngu dipswi di ni nga mi gela. Zumbani kwangu, nga ti ani ni zumbako kwanu. Kufana ni didhavi di di si sikotiko kuveleka mihando dona dokha, hahanze ka kuva di di patanile ni ditshina da m'vhinya, na nanu ni kadotho kha mi sikoti kuveleka mihando, ngako mi si nga kwangu.
Ani ni ditshina da m'vhinya, anu mi madhavi. Awule a zumbako kwangu, nani ni txi zumba kwakwe, eyo wa veleka mihando yayingi, nguko hahanze kwangu, kha mi na kusikota kumaha txilo. Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa. Ngako mi txi zumba kwangu, ni mapswi angu ma txi zumba kwanu, mi nga sikota kukombela txihi ni txihi mi txi lavako, mi na mahelwa tona. Tate wangu a na dhumiswa, ngako mi txi veleka mihando yo tala, mi maha vagondiswa vangu.” “Nga kuwa Tate a nga ni randa, nanani ni mi randile. Zumbani lirandoni kwangu. Ngako mi txi veketa milayo yangu, mi na zumba lirandoni kwangu, kufana ni nani, ni nga veketa milayo ya Tate wangu, se ni zumbako lirandoni kwakwe.”
“Ni mi gete mhaka yiya, kasiku litsako langu li txi zumba ni nanu, se kutsaka kwanu ku txi va i di ka kuhetiseka. Mlayo wangu ngu wuwa: Randanani, nga ti ani ni nga mi randisa tona. Ku walo m'thu wu a ku ni lirando la hombe ngutu kupinda la wule a ningelako wutomi wakwe ngu mhaka ya vangana vakwe. Anu mi vangana vangu, ngako mi txi maha totshe ti ni mi rumako. Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu. Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga. Txileleto txi ni txi siyako kwanu ngu txiya: Randanani.”

“Ngako ditiko di txi mi vengela, ti ziveni ti to di thangile ngu ngani di txi ni vengela. Idiku mi va ditiko, nga ditiko di di randile ava va lumbako dona. Aniko, nga kuwa mi ku si nga va ditiko, ni kuwa kambe ni nga mi sawula ha ditikoni, ngu konaho ditiko da mi vengela. Khumbukani dipswi di ni nga mi gela, mbimo yi ni nga khani: ‘Txithumi hi nga txa hombe ka nyamne wa txona.’ Akuwa ani va nga ni xanisa, na nanu va na mi xanisa. Ngako va di veketile dipswi dangu, va na veketa ni danu. Ngu toneto, va na mi maha totshe tiya, ngu mhaka ya ditina dangu, nguko kha va mu zivi awu a nga ni ruma. Idiku ni ti sa ta ni ta womba-womba navo, nga va si na txionho. Aniko konkuwa txionho txawe kha txi na divalelo. Awu a ni vengelako, a vengela ni Tate wangu. Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu; kasi ku dipswi di, di nga bhalwa Mlayoni kwawe, di txi tatiseka, adi di ku: ‘Va ni vengete walo.’ ”
“Mbimo yi a nota Mthaveleli, awu ni no m'rumela kwanu, a txi huma ngu ka Tata, i ku Moya wa ditshuri, a humako ngu ka Tata, ngene wu a nota maha wufakazi ngu ngani; Nananu mi na va mi di tifakazi tangu, nguko mi ni nani kukhukhela kukhatani.”

सुन्नुहोस् Johani 15