Abibilia Ngakiro Naajokak

<div class="version vid2657 iso6393tuv" data-vid="2657" data-iso6393="tuv">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Alemunet a apuserut</div><div class="r">(Mariko 12:41-44)</div><div class="p"> 1Kingolia Yesu kingolik ngikabarak iwaanakinete ngaropiyae nasaduku a ngaropiyae na ayei tooma akai a Akuj. 2Kingolik ngesi tani apuserut na ebootonit iwaakini ngadururio ngaarei. 3Tolim Yesu tama, &#8220;Kalimokinit ayong esi atamar ewaak apuserut nakebootonit na ngaropiyae nakaalak nasaduku na idwangito na a ngitunga aluche kadaang. 4Kainyo ngitunga ngulu daang ewaanakinete ngaropiyae analalau a ebari kech. Nakaneni ngesi aloboot keng, ewaak daang na atingit ajal tani napalem eyaritor.&#8221;</div><div class="s">Eruoro Yesu eger lo inyasunere akai a Akuj</div><div class="r">(Matayo 24:1-2; Mariko 13:1-2)</div><div class="p"> 5Eruorosi ngiche ngakiro a akai a Akuj ebaasi ejok noi isubusitae a ngamoru. Eruorosi kesi tani ngakiro a ngalemikinet ana alemikinio Akuj. Tolim Yesu tama, 6&#8220;Nugu daang na iteete esi, enangi akolongit na nyidongio tani amoru apei ni tokona eya nege, eukorio ngamoru daang.&#8221;</div><div class="s">Ngichan ka aboliaro</div><div class="r">(Matayo 24:3-14; Mariko 13:3-13)</div><div class="p"> 7Kingita tamasi, &#8220;Eketataman, ori esubakinotor ngakiro nugu? Nyoni esubakin toyenere atamar anang akolongit na esubatar ngakiro nu?&#8221;</div><div class="p"> 8Tolimok Yesu kesi tama, &#8220;Tochoikinos kuriasi itwaan nyikingala esi. Epote ngikaalak iruorosi a ekiro kang ebaasi, &#8216;Ayong ngesi ngolo!&#8217; Kori atamar, &#8216;Anang esaa!&#8217; Nakaneni tochoito iwapakinete kesi. 9#Luk 12:11-12 Kuriasi nyikibul na iirareta esi ngakiro a ejie ka ekurikur, esubakinosi ngakiro na ikote nguna, nakaneni nyidodiunito kesi atamar anang esal.&#8221;</div><div class="p"> 10Kianua Yesu ebala, &#8220;Ejikinosi ngitunga a akwap aapei ka lua akwap anache. Eremete ngitunga a ekapolon a epei ngitunga a ekapolon aloche. 11Emaranikini akwap alowaitin alugelagelae nabo emini eron a akoro ka ngidekesinei daang luaronok, epete ngakitoodikinet naationok nadis iteemete ngitunga. 12Nakaneni ani eringa ngakiro nugu daang nyesubakina, kirumunio esi, kitoboliare noi, kititao esi anakais a Atuk, kitoinikin lojela dio kitorikor kitowei alongaren ngikarikok ka ngikapolok kotere ayong. 13Eliwor alolom na ilimoreta esi Ngakiro Naajokak a Yesu Kiristo ngina. 14Kuriasi ngakiro nyeeriab ngitai kus ibaasi anukiro ilimunete kori ilimunete kwaai, 15kainyo kainakini ayong esi ngakiro ka aosou na emam tani ipei a ngimoe kus ni epedori akituluny kori apega ngakiro na ilimunete esi. 16Kipotorete esi ngikauriak kus, ka talokaato kus ka ngiyenet ka talopae kus nabo epedorete tani epewae kus aaro. 17Kiremokinosi esi ngitunga daang kotere ayong. 18Nakaneni emam tani etimat epei lo a ngakies kus lo echakar. 19Ani kititinyikis esi nugu, iyuunete esi ngitai kus.</div><div class="s">Eruoro Yesu ngakiro a akinyasun a Yerusalem</div><div class="r">(Matayo 24:15-21; Mariko 13:14-19)</div><div class="p"> 20&#8220;Naingolikineta esi Yerusalem irikaunito ngajorei a ngimoe, toyena esi atamar edikino inyasunio atipei. 21Ejoikinit lu eyakasi nakwap a Yudea ematarosi lomoru, nabo lu eyakasi lore ejoikinit erotokinete, nabo lu echadakina alore, ejoikinit nyeelomut tooma lore. 22Kainyo eliworosi ngirwa ngulu &#8216;Lu a Eriras,&#8217; kiyookinotor na igiritae nagiran. 23Erokearosi noi ngakiro ngirwa ngulu ani a ngaberu ana epotiete ka na itanakete! Epete ngakiro naaronok nakwap na, nabo emini anyunyura a Akuj lotunga lugu! 24#Osea 9:7 Ichumio ngiche kech a ngilengea taarae, erikio ngiche nakwapea nache, ipudaate ngibukui luche Yerusalem tanang ngirwa lu edaunor apolou a ngitunga alu nyerai Ngiyaudi.</div><div class="s">Abunere a Lokookeng a Itwaan</div><div class="r">(Matayo 24:29-31; Mariko 13:24-27)</div><div class="p"> 25&#8220;Epete ngakitoodiunet naparing nakolong ka elap ta ngikanyer. Elomakinete ngibukui daang ariaba nabo toema akulare a anam ka aruore na elelea. 26Ebuli ngitunga niaronon idarito ngakiro na epote nakwapea daang, kainyo emaranikini agogongu daang nakaanikan ka na eyei kidiama. 27Sodi etakanuni Lokookeng a Itwaan kingolikinae ngesi ebunit alotooma ngidowon ka agogongu naapolon ta akwangis a apolou. 28#Isa 13:10; Ese 32:7; Yoel 2:31; Tood 6:12-13 Ani enangi ngirwa lu iyookinotor ngakiro nguna daang, kikeasi ngakies kus kidiama towaa, kainyo aapuu ayuuno kus.&#8221; #Dan 7:13; Tood 1:7 </div><div class="s">Akitatama ngakiro a emeyen</div><div class="r">(Matayo 24:32-35; Mariko 13:28-31)</div><div class="p"> 29Abu Yesu tolimok kesi ngakitadapet nugu tama: &#8220;Kitama mono esi eger a emeyen ka ngikito luche daang. 30Na ingolikineta esi ngakui kech kimineut, iyenunete atamar aapuu akiporo. 31Aloger alopei kangolo, na ingolikineta esi ngakiro nguna esubakinosi, toyena atamar aapuu Apolou a Akuj abunere.</div><div class="p"> 32&#8220;Kalimokinit ngakiro na iteni dir atamar esubakinosi ngakiro nguna daang eringa epewae a ngitunga alu tokona eyarete nyetoaka. 33Edaun adis ka akwap nakaneni nyedaunosi ngakiro kang jik.</div><div class="s">Ejoikinit ichoikin</div><div class="p"> 34&#8220;Tochoikinos! Kuriasi akimwonut ka elewas ta ngichan a eboyor a akwap nyikitumosi esi, tanang akolongit ngina atipei peiyenete esi, 35loger a elokit alo irumi ibore atipei. Epote ngakiro nguna lotunga daang anakwap. 36#Luk 19:47 Kiboikinos irichuna nabo kilipa ngirwa daang sodi taanyuneta agogongu na ipuunotor anakiro kadaang ana esubakinosi, dio towaatar alongaren Lokookeng a Itwaan.&#8221;</div><div class="p"> 37Ngirwa ngulu, etatami Yesu jiik alokai a Akuj, ani naewaria topudo ngesi tolot akiper moru a ngikito a akimiet. 38Aloseenete ngitunga daang nataparach kai a Akuj akipup ngakiro keng.</div>
 </div>
 </div>
</div>

Kingolia Yesu kingolik ngikabarak iwaanakinete ngaropiyae nasaduku a ngaropiyae na ayei tooma akai a Akuj. Kingolik ngesi tani apuserut na ebootonit iwaakini ngadururio ngaarei. Tolim Yesu tama, “Kalimokinit ayong esi atamar ewaak apuserut nakebootonit na ngaropiyae nakaalak nasaduku na idwangito na a ngitunga aluche kadaang. Kainyo ngitunga ngulu daang ewaanakinete ngaropiyae analalau a ebari kech. Nakaneni ngesi aloboot keng, ewaak daang na atingit ajal tani napalem eyaritor.”


Eruorosi ngiche ngakiro a akai a Akuj ebaasi ejok noi isubusitae a ngamoru. Eruorosi kesi tani ngakiro a ngalemikinet ana alemikinio Akuj. Tolim Yesu tama, “Nugu daang na iteete esi, enangi akolongit na nyidongio tani amoru apei ni tokona eya nege, eukorio ngamoru daang.”


Kingita tamasi, “Eketataman, ori esubakinotor ngakiro nugu? Nyoni esubakin toyenere atamar anang akolongit na esubatar ngakiro nu?”
Tolimok Yesu kesi tama, “Tochoikinos kuriasi itwaan nyikingala esi. Epote ngikaalak iruorosi a ekiro kang ebaasi, ‘Ayong ngesi ngolo!’ Kori atamar, ‘Anang esaa!’ Nakaneni tochoito iwapakinete kesi. Kuriasi nyikibul na iirareta esi ngakiro a ejie ka ekurikur, esubakinosi ngakiro na ikote nguna, nakaneni nyidodiunito kesi atamar anang esal.”
Kianua Yesu ebala, “Ejikinosi ngitunga a akwap aapei ka lua akwap anache. Eremete ngitunga a ekapolon a epei ngitunga a ekapolon aloche. Emaranikini akwap alowaitin alugelagelae nabo emini eron a akoro ka ngidekesinei daang luaronok, epete ngakitoodikinet naationok nadis iteemete ngitunga. Nakaneni ani eringa ngakiro nugu daang nyesubakina, kirumunio esi, kitoboliare noi, kititao esi anakais a Atuk, kitoinikin lojela dio kitorikor kitowei alongaren ngikarikok ka ngikapolok kotere ayong. Eliwor alolom na ilimoreta esi Ngakiro Naajokak a Yesu Kiristo ngina. Kuriasi ngakiro nyeeriab ngitai kus ibaasi anukiro ilimunete kori ilimunete kwaai, kainyo kainakini ayong esi ngakiro ka aosou na emam tani ipei a ngimoe kus ni epedori akituluny kori apega ngakiro na ilimunete esi. Kipotorete esi ngikauriak kus, ka talokaato kus ka ngiyenet ka talopae kus nabo epedorete tani epewae kus aaro. Kiremokinosi esi ngitunga daang kotere ayong. Nakaneni emam tani etimat epei lo a ngakies kus lo echakar. Ani kititinyikis esi nugu, iyuunete esi ngitai kus.


“Naingolikineta esi Yerusalem irikaunito ngajorei a ngimoe, toyena esi atamar edikino inyasunio atipei. Ejoikinit lu eyakasi nakwap a Yudea ematarosi lomoru, nabo lu eyakasi lore ejoikinit erotokinete, nabo lu echadakina alore, ejoikinit nyeelomut tooma lore. Kainyo eliworosi ngirwa ngulu ‘Lu a Eriras,’ kiyookinotor na igiritae nagiran. Erokearosi noi ngakiro ngirwa ngulu ani a ngaberu ana epotiete ka na itanakete! Epete ngakiro naaronok nakwap na, nabo emini anyunyura a Akuj lotunga lugu! Ichumio ngiche kech a ngilengea taarae, erikio ngiche nakwapea nache, ipudaate ngibukui luche Yerusalem tanang ngirwa lu edaunor apolou a ngitunga alu nyerai Ngiyaudi.


“Epete ngakitoodiunet naparing nakolong ka elap ta ngikanyer. Elomakinete ngibukui daang ariaba nabo toema akulare a anam ka aruore na elelea. Ebuli ngitunga niaronon idarito ngakiro na epote nakwapea daang, kainyo emaranikini agogongu daang nakaanikan ka na eyei kidiama. Sodi etakanuni Lokookeng a Itwaan kingolikinae ngesi ebunit alotooma ngidowon ka agogongu naapolon ta akwangis a apolou. Ani enangi ngirwa lu iyookinotor ngakiro nguna daang, kikeasi ngakies kus kidiama towaa, kainyo aapuu ayuuno kus.”


Abu Yesu tolimok kesi ngakitadapet nugu tama: “Kitama mono esi eger a emeyen ka ngikito luche daang. Na ingolikineta esi ngakui kech kimineut, iyenunete atamar aapuu akiporo. Aloger alopei kangolo, na ingolikineta esi ngakiro nguna esubakinosi, toyena atamar aapuu Apolou a Akuj abunere.
“Kalimokinit ngakiro na iteni dir atamar esubakinosi ngakiro nguna daang eringa epewae a ngitunga alu tokona eyarete nyetoaka. Edaun adis ka akwap nakaneni nyedaunosi ngakiro kang jik.

“Tochoikinos! Kuriasi akimwonut ka elewas ta ngichan a eboyor a akwap nyikitumosi esi, tanang akolongit ngina atipei peiyenete esi, loger a elokit alo irumi ibore atipei. Epote ngakiro nguna lotunga daang anakwap. Kiboikinos irichuna nabo kilipa ngirwa daang sodi taanyuneta agogongu na ipuunotor anakiro kadaang ana esubakinosi, dio towaatar alongaren Lokookeng a Itwaan.”
Ngirwa ngulu, etatami Yesu jiik alokai a Akuj, ani naewaria topudo ngesi tolot akiper moru a ngikito a akimiet. Aloseenete ngitunga daang nataparach kai a Akuj akipup ngakiro keng.

सुन्नुहोस् Luka 21