<div class="version vid2194 iso6393pag" data-vid="2194" data-iso6393="pag">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Tinawag na Dios si Abram</div><div class="p"> 1Inkuan na Katawan ed kinen Abram, &#8220;Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika. 2Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.</div><div class="q1"> 3Bindisionan ko ray mamindision ed sika,</div><div class="q1">Balet isambak iray mangisambad sika.</div><div class="q1">Diad panamegley mo bindisionan kon amin iray bansa ed mundo.&#8221;#12:3 Diad panamegley&#8230;mundo; odino Amin a bansa kerewen dad siak a bindisionan ko ra a singa impamindision kod sika.</div><div class="p"> 4Nen mantaon na pitomplo tan lima si Abram, tinaynan toy Haran, onung na imbagay Katawan ed sikato. 5Inawit nen Abram si Sarai ya asawa to, si Lot a kaanakan to, tan amin iray kayamanan tan saray aripen ya atipon da nen wala rad Haran, insan ira amaarap ed dalin na Canaan.</div><div class="p">Nen sinmabi rad Canaan, 6tinmuloy si Abram ya anggad masanton kiew ed More, say masanton lugar na Sikem. (Diad saman a panaon, manaayam ni rad may Cananeo.) 7Pinmanengneng so Katawan ed kinen Abram tan inkuantod sikato, &#8220;Sikato yay bansa ya iter kod saray kabyangay boleg mo.&#8221; Nanggawad may Abram na altar a para Katawan a pinmanengneng ed sikato. 8Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan. 9Manlapud man, tinmonda-tondan nanaayam ed nandoroman pasen ya anggad akasabid bandad abalaten a parti na Canaan.</div><div class="s">Si Abram ed Egipto</div><div class="p"> 10Balet walay eras ed saman a lugar, et lapud mapalalo la linmay Abram ed bandad abalaten, diad Egipto, ta manayam diman a magano. 11Nen asingger to lan beltangen so ketegan a mamaarap ed Egipto, inkuantod kinen Sarai ya asawa to, &#8220;Maganggana kan bii. 12No nanengneng da ka ray Egipsio, ibaga ran asawa ta ka. Pateyen da ak ed satan, balet bilayen da ka. 13Walay maung, ibagam ed sikaran agi ta ka, pian ag da ak pateyen, no ag ingen asikasoen da ak lapud sika.&#8221; 14Nen akasabi rad Egipto, anengneng a tua na saray tagad man a magangganay asawa nen Abram. 15Anengneng na pigarad saray opisyal na palasio tan imbalita rad ari so ontan lan ganggana to; kanyan inawit day Sarai ed palasio na ari. 16Lapud sikato, maung so imapangasikaso na ari ed kinen Abram tan initdan to na saray karniro tan kanding, saray baka tan asno, saray kamilyo tan pati saray aripen a lalaki tan bibii.</div><div class="p"> 17Balet lapud inalay ari si Sarai, say Katawan impansakit to na ambelat so ari tan saray totood palasio. 18Impaawit na ari si Abram tan tinepet to, &#8220;Antoy ginawam ed siak? Akin et ag mo imbagad siak ya asawam manaya si Sarai? 19Akin et imbagam ya agim tan inabuloyan mon inalak ya asawa? Niay asawam, alam la tan taynan ki la!&#8221; 20Ingganggan na ari ray totoo to a paekalen da rad bansa, kanyan pinataynan day Abram, samay asawa to tan amin a kayaryan to.</div>
 </div>
 </div>
</div>

Maung a Balita Biblia © Philippine Bible Society, 1983

Inkuan na KATAWAN ed kinen Abram, “Taynan moy baley mo, saray kakanayon mo, tan say abung na amam, insan ka onlad bansan ipanengneng kod sika. Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.
Bindisionan ko ray mamindision ed sika,
Balet isambak iray mangisambad sika.
Diad panamegley mo bindisionan kon amin iray bansa ed mundo.”
Nen mantaon na pitomplo tan lima si Abram, tinaynan toy Haran, onung na imbagay KATAWAN ed sikato. Inawit nen Abram si Sarai ya asawa to, si Lot a kaanakan to, tan amin iray kayamanan tan saray aripen ya atipon da nen wala rad Haran, insan ira amaarap ed dalin na Canaan.
Nen sinmabi rad Canaan, tinmuloy si Abram ya anggad masanton kiew ed More, say masanton lugar na Sikem. (Diad saman a panaon, manaayam ni rad may Cananeo.) Pinmanengneng so KATAWAN ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para KATAWAN a pinmanengneng ed sikato. Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy KATAWAN. Manlapud man, tinmonda-tondan nanaayam ed nandoroman pasen ya anggad akasabid bandad abalaten a parti na Canaan.

Balet walay eras ed saman a lugar, et lapud mapalalo la linmay Abram ed bandad abalaten, diad Egipto, ta manayam diman a magano. Nen asingger to lan beltangen so ketegan a mamaarap ed Egipto, inkuantod kinen Sarai ya asawa to, “Maganggana kan bii. No nanengneng da ka ray Egipsio, ibaga ran asawa ta ka. Pateyen da ak ed satan, balet bilayen da ka. Walay maung, ibagam ed sikaran agi ta ka, pian ag da ak pateyen, no ag ingen asikasoen da ak lapud sika.” Nen akasabi rad Egipto, anengneng a tua na saray tagad man a magangganay asawa nen Abram. Anengneng na pigarad saray opisyal na palasio tan imbalita rad ari so ontan lan ganggana to; kanyan inawit day Sarai ed palasio na ari. Lapud sikato, maung so imapangasikaso na ari ed kinen Abram tan initdan to na saray karniro tan kanding, saray baka tan asno, saray kamilyo tan pati saray aripen a lalaki tan bibii.
Balet lapud inalay ari si Sarai, say KATAWAN impansakit to na ambelat so ari tan saray totood palasio. Impaawit na ari si Abram tan tinepet to, “Antoy ginawam ed siak? Akin et ag mo imbagad siak ya asawam manaya si Sarai? Akin et imbagam ya agim tan inabuloyan mon inalak ya asawa? Niay asawam, alam la tan taynan ki la!” Ingganggan na ari ray totoo to a paekalen da rad bansa, kanyan pinataynan day Abram, samay asawa to tan amin a kayaryan to.

सुन्नुहोस् Genesis 12