Ngindo New Testament © The Word For The World, 2015 - Ngindo Audio New Testament © DPI 2016.

Lilagano Liyono ku Bandu Boa

<div class="version vid1674 iso6393nnq" data-vid="1674" data-iso6393="nnq">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu bampeleka kwa Pilato</div><div class="r">(Matayo 27:1-2,11-14; Maluko 15:1-5; Yohana 18:28-38)</div><div class="p"> 1Penia nkengeni gwoa ngujema, ngugumpeleka Yesu ku Pilato, 2ngabatumbula kuntakiana bakalenga, &#8220;Tankolela mundu jonjo akaaoya bandu bito, bakanakia bandu kulepa kodi kwa Nkolongwa jwa Loma nu kukikema eti jwombe nga Kilisto Nkomboi ojwapambuligwe na Nnoongo.&#8221;</div><div class="p"> 3Pilato ngankonya Yesu, &#8220;Mwe nga Mangwana ba Akayahudi?&#8221;</div><div class="p">Yesu ngajanga, &#8220;Mwe nnengite.&#8221;</div><div class="p"> 4Pilato ngabalengela akakung'i akolongwa nankengeni gwa bandu, &#8220;Mbi kulibonaje lilemwa kwa mundu jonjo.&#8221;</div><div class="p"> 5Nambu angweto ngabajendekea kulenga, &#8220;Babola bandu boa ba ku Yudea babe na kijonga. Atumbula ku Galilaya na ngoe abi pamba.&#8221;</div><div class="s">Yesu bampeleka kwa Helode</div><div class="p"> 6Pilato apajoa genia, ngakonya, &#8220;Bo, mundu jonjo jwa ku Galilaya?&#8221; 7Apamanya kube Yesu abi pae ji kinala cha Helode, ngampeleka kwa Helode, ojwakiba Kuyelusalemu kingobu chenie. 8Helode ngaala mwojo muno apammona Yesu, magambu ngajoa minhalo jakwe. Ahyobalela ammone Yesu akatenda ikobo. 9Penia Helode ngankonya Yesu machwali ndu, nambu Yesu ajangiteje lilobe. 10Akakung'i akolongwa na akaboli ba Malagilo ga Musa ngabapitila nnongi na ngabantakiana Yesu ngumbi ndu ngolongolo. 11Helode pamwe na manjolinjoli gakwe, ngagankoya oni Yesu nu kuntendela nhwenyo, kuboka penia ngabankwindiya ngobo ja kingwana, ngabammuyanga kwa Pilato. 12Helode na Pilato, pukutumbula bakibanga na bulwa, nambu kuboka lichoba lyenie ngababe maganja.</div><div class="s">Yesu ahukumigwa kuwe</div><div class="r">(Matayo 27:15-26; Maluko 15:6-15; Yohana 18:39-19:16)</div><div class="p"> 13Pilato ngakema ngongano ja akakung'i akolongwa na akiilongoi ba bandu, 14na ngabalengela, &#8220;Mannetangite mundu jonjo kwango malenga akiba akaoyanga bandu. Ngoe mpenakiange! Kuboka pa kuingakia kilebe chenie nnongi jinu, nammwenije na lilemwa wala limwe nhwalo gwa ngumbi yinu kwakwe. 15Nambu ne tuje, ati Helode alibwenije lilemwa lyalyoa magambu ammujikie kwango. Kweli kibije kilebe chachoa echakamwile mundu jonjo cha kupaligwa kuwe. 16Kuyenie, amulicha aputigwe iboko, kuboka penia nannekekea.&#8221; Majandiko gange gakwetije aya ja 17Kila lichoba lya Mpapala gwa Pasaka, Pilato akiba nu lukobo lwa kunnyogolela mpungwa jumwe.</div><div class="p"> 18Nambu boa ngabachobela pamwe, &#8220;Akomigwe! Mannekeke Balaba kwito!&#8221; 19Balaba akiba ajigiligwe mukipungo magambu gu kujambukia kijonga kunnyini uyo pamwe nu ukoma.</div><div class="p"> 20Pilato ngapala kunnekekea Yesu, penia ngalongela nabo kabele. 21Nambu angweto ngabachobela, &#8220;Mammambe munchalaba! Mammambe munchalaba!&#8221;</div><div class="p"> 22Pilato ngabalengela mala ja patatu, &#8220;Atei ubaja gani? Ne mbi kulibonaje lilemwa elyapaligwa komigwa! Namputa iboko nu kunnekekea.&#8221;</div><div class="p"> 23Nambu angweto ngabayangala kuchobela kanonoya, kube Yesu kupala abambigwe munchalaba, pukujomolela Pilato ngabajeketela. 24Pilato gatenda agabapalanga gakamuligwe. 25Pilato ngannekeke mundu ojwabampala, ojwakajigiligwa mukipungo gambu gwa kijonga na ukomi, ngankamuya Yesu kwabe bantendelange andi pabapalanga.</div><div class="s">Yesu atenda kubambigwa</div><div class="r">(Matayo 27:32-44; Maluko 15:21-32; Yohana 19:17-27)</div><div class="p"> 26Manjolinjoli apabampeleka Yesu, undela apabakiba bakajabula, ngabakongana na mundu jumwe ojwakemigwa Simoni jwa Kulene, ojwakiba akabokela kunng'onda. Ngabampukila, ngabantweka nchalaba aupotole, kunyuma ja Yesu.</div><div class="p"> 27Nkenga nkolongwa gwa bandu ngugunkengama, kati jabe bakiba akikege abakiba bakakokaleka na kung'utila. 28Yesu ngabagalambukila nu kulenga, &#8220;Makina mama ba Kuyelusalemu! Makang'utije nenga, nambu nng'uta kwa magambu ginu na magambu ga ingota yinu. 29Magambu machoba gatenda kuika penia bandu mabalenga, &#8216;Mbaya jabe akege bangabe na mwana na bangajonga ingota!&#8217; 30Kingobu chenie, bandu nga apabapakuilengela itombi, &#8216;Mutuponelange!&#8217; Ni itombi ichokoichoko, &#8216;Tuekelelange!&#8217; 31Gambu, anda bandu batenda yene kwa nkongo mmehe, ipakubebo kwa nkongo nnyomo?&#8221;</div><div class="p"> 32Bakibanga bandu akabena uyo, akabaja, bakomigwe pamwe na Yesu. 33Apabaikanga paali apakemigwe, &#8220;Kitongo cha Mutwe,&#8221; ngabammamba Yesu penia, pamwe na akabaja abena bala, jumwe kingonu chakwe cha kalelo na jumwe kangeja. 34Yesu ngalenga, &#8220;Awawa malekekeyange malemwa gabe magambu bamanyije echibakamula.&#8221;</div><div class="p">Ngababagana ngobo yakwe kwa kuoma kiumbuumbu. 35Bandu bakiba penia bakalolela kingobu akiilongoi ba Akayahudi apabantendela nhwenyo, &#8220;Akombwile bange, ngoe akikombole mwene, anda jwombe nga Kilisto Nkomboi, ojwapambuligwe na Nnoongo!&#8221;</div><div class="p"> 36Manjolinjoli ngabantende nhwenyo uyo, ngabannyendela ngabampe siki, 37bakalenga, &#8220;Anda kweli mwe Mangwana ba Akayahudi, mikikombole mmene.&#8221;</div><div class="p"> 38Panani ja nchalaba ngababeka kibao echibaandike yene, &#8220;Jonjo nga Nngwana jwa Akayahudi.&#8221;</div><div class="p"> 39Jumwe kati ja akabaja abakiba babambigwe panchalaba, ngantukana akalenga, &#8220;Bo, mweje nga Kilisto Nkomboi ojwapambuligwe na Nnoongo? Mikikombole mmene na twe uyo.&#8221;</div><div class="p"> 40Nambu mmaja jonge jola ngankalapila nnyakwe akalenga, &#8220;Mwe kunnyogopaje Nnoongo? Mwe mpatite hukumu andi ujaje. 41Mwe na nenga tupaligwa kupata hukumu jenje, magambu ganga nga malepo ga agatukamwile, nambu mundu ojo akamwije kilebe kibaja.&#8221; 42Penia ngannengela Yesu, &#8220;Yesu ungombakele ne kingobu apampakujingi mu Kingwana chinu.&#8221;</div><div class="p"> 43Yesu ngannyanga, &#8220;Nannenge kweli, lele mma pamwe na nenga kupepo.&#8221;</div><div class="s">Kiu cha Yesu</div><div class="r">(Matayo 27:45-56; Maluko 15:33-41; Yohana 19:28-30)</div><div class="p"> 44Ikiba anda saa sita ja mui, lichoba ngilileka kujaka na lubendu nguluekelela dunia joa mpaka saa tisa, 45panjia ejikiba jibekigwe panakati ja Nyumba ja Nnoongo ngijipachuka ipande ibena kuboka kunani mpaka pae. 46Yesu ngaguta kanonoya, &#8220;Awawa, mukuboko jinu nubeka mwojo gwango.&#8221; Apajomola kulenga genia ngajomoka.</div><div class="p"> 47Penia kilongoi jwa akalenda ba Loma apalola agapitile, ngannumba Nnoongo akalenga, &#8220;Kweli ojo akiba mundu jwa mbone jwa Nnoongo!&#8221;</div><div class="p"> 48Bandu boa abakiba bakonganinge penia kulola kilebe chenie, apabalola genia agapitile, ngababuja kachabe bikikiputa itibi yabe kukuechuka. 49Akaganja mundu boa pamwe na akikege bala abankengima kuboka ku Galilaya, ngabajema kutaali bakalolela kilebe chenie.</div><div class="s">Machiko ga Yesu</div><div class="r">(Matayo 27:56-61; Maluko 15:42; Yohana 19:38-42)</div><div class="p"> 50Kukiba na mundu ojwakemigwa Yusufu, akiba mundu jwa mwojo gwa mbone akatenda agunhwalali Nnoongo na akiba jumwe kati ja bandu bilibalacha likolongwa li Kiyahudi, 51jwenio ngakana kujeketela chabaamua akilongoi ajabe. Yusufu akiba aboka kukijiji chimwe cha Akayahudi echikikemigwa Alimatayo. Akiba akalendela kuika kwa Kingwana cha Nnoongo. 52Ngajenda kwa Pilato, ngajopa bampe mmele gwa Yesu. 53Penia ngauluya mmele gwa Yesu kuboka munchalaba, ngaubiligila chanda cha kitani, ngaubeka mulikabuli elikiba baembite piliganga, elikiba tango lyanatumikaje. 54Lichoba lyenie likiba ijumaa, nu kupanganikia kwa Lichoba lya Kupomalela.</div><div class="p"> 55Akikege abankengema Yesu kuboke ku Galilaya ngabankengama Yusufu na ngibilibona likabuli na mmele gwa Yesu pubekigwe. 56Kuboka penia, ngababuja ukaja, ngabapanganila mauta ginakunungila nu kuupakaya mmele gwa Yesu.</div><div class="p">Lichoba lya Kupomalela ngabapomolela andi apiamuligwe na Malagilo.</div>
 </div>
 </div>
</div>

Ngindo New Testament © The Word For The World, 2015.

Penia nkengeni gwoa ngujema, ngugumpeleka Yesu ku Pilato, ngabatumbula kuntakiana bakalenga, “Tankolela mundu jonjo akaaoya bandu bito, bakanakia bandu kulepa kodi kwa Nkolongwa jwa Loma nu kukikema eti jwombe nga Kilisto Nkomboi ojwapambuligwe na Nnoongo.”
Pilato ngankonya Yesu, “Mwe nga Mangwana ba Akayahudi?”
Yesu ngajanga, “Mwe nnengite.”
Pilato ngabalengela akakung'i akolongwa nankengeni gwa bandu, “Mbi kulibonaje lilemwa kwa mundu jonjo.”
Nambu angweto ngabajendekea kulenga, “Babola bandu boa ba ku Yudea babe na kijonga. Atumbula ku Galilaya na ngoe abi pamba.”

Pilato apajoa genia, ngakonya, “Bo, mundu jonjo jwa ku Galilaya?” Apamanya kube Yesu abi pae ji kinala cha Helode, ngampeleka kwa Helode, ojwakiba Kuyelusalemu kingobu chenie. Helode ngaala mwojo muno apammona Yesu, magambu ngajoa minhalo jakwe. Ahyobalela ammone Yesu akatenda ikobo. Penia Helode ngankonya Yesu machwali ndu, nambu Yesu ajangiteje lilobe. Akakung'i akolongwa na akaboli ba Malagilo ga Musa ngabapitila nnongi na ngabantakiana Yesu ngumbi ndu ngolongolo. Helode pamwe na manjolinjoli gakwe, ngagankoya oni Yesu nu kuntendela nhwenyo, kuboka penia ngabankwindiya ngobo ja kingwana, ngabammuyanga kwa Pilato. Helode na Pilato, pukutumbula bakibanga na bulwa, nambu kuboka lichoba lyenie ngababe maganja.


Pilato ngakema ngongano ja akakung'i akolongwa na akiilongoi ba bandu, na ngabalengela, “Mannetangite mundu jonjo kwango malenga akiba akaoyanga bandu. Ngoe mpenakiange! Kuboka pa kuingakia kilebe chenie nnongi jinu, nammwenije na lilemwa wala limwe nhwalo gwa ngumbi yinu kwakwe. Nambu ne tuje, ati Helode alibwenije lilemwa lyalyoa magambu ammujikie kwango. Kweli kibije kilebe chachoa echakamwile mundu jonjo cha kupaligwa kuwe. Kuyenie, amulicha aputigwe iboko, kuboka penia nannekekea.” Majandiko gange gakwetije aya ja Kila lichoba lya Mpapala gwa Pasaka, Pilato akiba nu lukobo lwa kunnyogolela mpungwa jumwe.
Nambu boa ngabachobela pamwe, “Akomigwe! Mannekeke Balaba kwito!” Balaba akiba ajigiligwe mukipungo magambu gu kujambukia kijonga kunnyini uyo pamwe nu ukoma.
Pilato ngapala kunnekekea Yesu, penia ngalongela nabo kabele. Nambu angweto ngabachobela, “Mammambe munchalaba! Mammambe munchalaba!”
Pilato ngabalengela mala ja patatu, “Atei ubaja gani? Ne mbi kulibonaje lilemwa elyapaligwa komigwa! Namputa iboko nu kunnekekea.”
Nambu angweto ngabayangala kuchobela kanonoya, kube Yesu kupala abambigwe munchalaba, pukujomolela Pilato ngabajeketela. Pilato gatenda agabapalanga gakamuligwe. Pilato ngannekeke mundu ojwabampala, ojwakajigiligwa mukipungo gambu gwa kijonga na ukomi, ngankamuya Yesu kwabe bantendelange andi pabapalanga.


Manjolinjoli apabampeleka Yesu, undela apabakiba bakajabula, ngabakongana na mundu jumwe ojwakemigwa Simoni jwa Kulene, ojwakiba akabokela kunng'onda. Ngabampukila, ngabantweka nchalaba aupotole, kunyuma ja Yesu.
Nkenga nkolongwa gwa bandu ngugunkengama, kati jabe bakiba akikege abakiba bakakokaleka na kung'utila. Yesu ngabagalambukila nu kulenga, “Makina mama ba Kuyelusalemu! Makang'utije nenga, nambu nng'uta kwa magambu ginu na magambu ga ingota yinu. Magambu machoba gatenda kuika penia bandu mabalenga, ‘Mbaya jabe akege bangabe na mwana na bangajonga ingota!’ Kingobu chenie, bandu nga apabapakuilengela itombi, ‘Mutuponelange!’ Ni itombi ichokoichoko, ‘Tuekelelange!’ Gambu, anda bandu batenda yene kwa nkongo mmehe, ipakubebo kwa nkongo nnyomo?”
Bakibanga bandu akabena uyo, akabaja, bakomigwe pamwe na Yesu. Apabaikanga paali apakemigwe, “Kitongo cha Mutwe,” ngabammamba Yesu penia, pamwe na akabaja abena bala, jumwe kingonu chakwe cha kalelo na jumwe kangeja. Yesu ngalenga, “Awawa malekekeyange malemwa gabe magambu bamanyije echibakamula.”
Ngababagana ngobo yakwe kwa kuoma kiumbuumbu. Bandu bakiba penia bakalolela kingobu akiilongoi ba Akayahudi apabantendela nhwenyo, “Akombwile bange, ngoe akikombole mwene, anda jwombe nga Kilisto Nkomboi, ojwapambuligwe na Nnoongo!”
Manjolinjoli ngabantende nhwenyo uyo, ngabannyendela ngabampe siki, bakalenga, “Anda kweli mwe Mangwana ba Akayahudi, mikikombole mmene.”
Panani ja nchalaba ngababeka kibao echibaandike yene, “Jonjo nga Nngwana jwa Akayahudi.”
Jumwe kati ja akabaja abakiba babambigwe panchalaba, ngantukana akalenga, “Bo, mweje nga Kilisto Nkomboi ojwapambuligwe na Nnoongo? Mikikombole mmene na twe uyo.”
Nambu mmaja jonge jola ngankalapila nnyakwe akalenga, “Mwe kunnyogopaje Nnoongo? Mwe mpatite hukumu andi ujaje. Mwe na nenga tupaligwa kupata hukumu jenje, magambu ganga nga malepo ga agatukamwile, nambu mundu ojo akamwije kilebe kibaja.” Penia ngannengela Yesu, “Yesu ungombakele ne kingobu apampakujingi mu Kingwana chinu.”
Yesu ngannyanga, “Nannenge kweli, lele mma pamwe na nenga kupepo.”


Ikiba anda saa sita ja mui, lichoba ngilileka kujaka na lubendu nguluekelela dunia joa mpaka saa tisa, panjia ejikiba jibekigwe panakati ja Nyumba ja Nnoongo ngijipachuka ipande ibena kuboka kunani mpaka pae. Yesu ngaguta kanonoya, “Awawa, mukuboko jinu nubeka mwojo gwango.” Apajomola kulenga genia ngajomoka.
Penia kilongoi jwa akalenda ba Loma apalola agapitile, ngannumba Nnoongo akalenga, “Kweli ojo akiba mundu jwa mbone jwa Nnoongo!”
Bandu boa abakiba bakonganinge penia kulola kilebe chenie, apabalola genia agapitile, ngababuja kachabe bikikiputa itibi yabe kukuechuka. Akaganja mundu boa pamwe na akikege bala abankengima kuboka ku Galilaya, ngabajema kutaali bakalolela kilebe chenie.


Kukiba na mundu ojwakemigwa Yusufu, akiba mundu jwa mwojo gwa mbone akatenda agunhwalali Nnoongo na akiba jumwe kati ja bandu bilibalacha likolongwa li Kiyahudi, jwenio ngakana kujeketela chabaamua akilongoi ajabe. Yusufu akiba aboka kukijiji chimwe cha Akayahudi echikikemigwa Alimatayo. Akiba akalendela kuika kwa Kingwana cha Nnoongo. Ngajenda kwa Pilato, ngajopa bampe mmele gwa Yesu. Penia ngauluya mmele gwa Yesu kuboka munchalaba, ngaubiligila chanda cha kitani, ngaubeka mulikabuli elikiba baembite piliganga, elikiba tango lyanatumikaje. Lichoba lyenie likiba ijumaa, nu kupanganikia kwa Lichoba lya Kupomalela.
Akikege abankengema Yesu kuboke ku Galilaya ngabankengama Yusufu na ngibilibona likabuli na mmele gwa Yesu pubekigwe. Kuboka penia, ngababuja ukaja, ngabapanganila mauta ginakunungila nu kuupakaya mmele gwa Yesu.
Lichoba lya Kupomalela ngabapomolela andi apiamuligwe na Malagilo.

सुन्नुहोस् Luka 23