 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch11" data-usfm="MAT.11">
 <div class="label">11</div><div class="s1">&#204;osa agus E&#242;in Baistidh</div><div class="p"> 1Nuair a chr&#236;ochnaich &#204;osa air &#224;ithntean a thoirt dhan d&#224; dheisciobal dheug aige, chaidh e air adhart &#224;s a sin a theagasg is a shearmonachadh anns na bailtean aca.</div><div class="p"> 2A&#8209;nis nuair a chuala E&#242;in sa phr&#236;osan mu ghn&#236;omhan Chr&#236;osd, chuir e dithis dhe na deisciobail aige thuige, 3a dh'fhaighneachd dha, &#8220;An tusa am fear a bha ri thighinn, no an coimhead sinn airson neach eile?&#8221;</div><div class="p"> 4Agus fhreagair &#204;osa iad, &#8220;Thallaibh agus innsibh do dh'E&#242;in na tha sibh a' cluinntinn agus a' faicinn: 5tha na doill a' faighinn fradhairc, agus na bacaich a' coiseachd, na lobhair air an glanadh, na bodhair a' cluinntinn, na mairbh air an togail suas, agus an soisgeul air a shearmonachadh dha na bochdan.&#8221; 6Agus is beannaichte an neach nach gabh oilbheum air mo sg&#224;th&#8209;sa.</div><div class="p"> 7Fhad 's a bha iadsan a' falbh, th&#242;isich &#204;osa air bruidhinn ris an t&#8209;sluagh mu dheidhinn E&#242;in, ag r&#224;dh, &#8220;D&#232; a chaidh sibh a&#8209;mach dhan fh&#224;sach a dh'fhaicinn? Cuilc air a crathadh leis a' ghaoith? 8D&#232; ma&#8209;th&#224; a chaidh sibh a&#8209;mach a dh'fhaicinn? Duine air &#232;ideadh ann an aodach m&#236;n? Seall, tha iadsan air a bheil aodach m&#236;n ann an l&#249;chairtean r&#236;ghrean. 9D&#232; ma&#8209;th&#224; a chaidh sibh a&#8209;mach a dh'fhaicinn? F&#224;idh? Seadh, tha mi ag r&#224;dh ribh, agus barrachd air f&#224;idh. 10Is e seo esan mu bheil e sgr&#236;obhte:</div><div class="b"></div><div class="q1">&#8220;&#8216;Seall, cuiridh mise mo theachdaire rod aghaidh,</div><div class="q1">a dh'ullaicheas do shlighe romhad.&#8217;#Mal. 3:1</div><div class="b"></div><div class="p"> 11&#8220;Gu deimhinn, tha mi ag r&#224;dh ribh, nam measg&#8209;san a rugadh o mhnathan, chan eil neach sam bith nas motha na E&#242;in Baistidh air &#232;irigh suas; ach a dh'aindeoin sin tha an neach as lugha ann an r&#236;oghachd Dh&#232; nas motha na esan. 12O l&#224;ithean E&#242;in Baistidh gus a&#8209;nis, tha r&#236;oghachd n&#232;imh air f&#242;irneart fhulang, agus tha luchd an fh&#242;irneirt ga ghlacadh le cumhachd. 13Oir rinn na f&#224;idhean air fad agus an Lagh f&#224;idheadaireachd gu &#224;m E&#242;in, 14agus ma tha sibh de&#242;nach gabhail ris, is esan Eliah a bha ri thighinn. 15An neach aig a bheil cluasan, &#232;isteadh e.</div><div class="p"> 16&#8220;Ach c&#242; ris a shamhlaicheas mise an ginealach seo? Tha e coltach ri cloinn a tha nan suidhe sna h&#8209;ionadan&#8209;margaidh, agus ag &#232;igheach ri ch&#232;ile, ag r&#224;dh:</div><div class="b"></div><div class="q1"> 17&#8220;&#8216;Chluich sinn an duiseal dhuibhse,</div><div class="q1">agus cha do rinn sibhse dannsa;</div><div class="q1">sheinn sinn tuireadh dhuibhse,</div><div class="q1">agus cha do rinn sibhse caoidh.&#8217;</div><div class="m"> 18&#8220;Oir th&#224;inig E&#242;in, chan ann ag ithe no ag &#242;l, agus canaidh iad, &#8216;Tha deamhan ann.&#8217; 19Th&#224;inig Mac an Duine ag ithe 's ag &#242;l, agus thuirt iad, &#8216;Seall, craosaire agus drungaire, caraid ch&#236;s&#8209;mhaor is pheacach.&#8217; Ach tha gliocas air a f&#236;reanachadh le a gn&#236;omhan.&#8221;</div><div class="s1">Is Mairg do Bhailtean Neo&#8209;Aithreachail</div><div class="p"> 20An uair sin th&#242;isich e air na bailtean far an deach a mh&#242;r&#8209;chuid dhe na h&#8209;obraichean cumhachdach aige a dh&#232;anamh a chronachadh, a chionn 's nach do rinn iad aithreachas. 21&#8220;Is mairg dhut, a Chorasin! Is mairg dhut, a Bhetsaida! Oir nan robh na h&#8209;obraichean cumhachdach a chaidh a dh&#232;anamh annaibhse air an d&#232;anamh ann an T&#236;rus is ann an S&#236;don, is fhada on a bhiodh iad air aithreachas a dh&#232;anamh ann an sac&#8209;aodach 's ann an luaithre. 22Ach tha mi ag r&#224;dh ribh, bidh e nas fhasa do Th&#236;rus is do Sh&#236;don fulang air latha a' bhreitheanais na bhios e dhuibhse. 23Agus thusa, a Chapern&#224;um, am bi thu air do thogail suas a n&#232;amh? Th&#232;id do thoirt s&#236;os a dh'Ifrinn. Oir nan robh na h&#8209;obraichean cumhachdach a chaidh a dh&#232;anamh annadsa air an d&#232;anamh ann an Sodom, nach maireadh e gus an&#8209;diugh? 24Ach tha mi ag innse dhuibh gum bi e nas fhasa do th&#236;r Shodoim fulang air latha a' bhreitheanais na dhutsa.&#8221;</div><div class="s1">Fois Dhaibhsan a Tha Claoidhte</div><div class="p"> 25Aig an &#224;m sin thuirt &#204;osa, &#8220;Tha mi a' toirt taing dhut, O Athair, a Thighearna n&#232;imh is na talmhainn, gun do dh'fhalaich thu na rudan seo o dhaoine glic is tuigseach agus gun do dh'fhoillsich thu iad do leanabanan. 26Seadh, Athair, oir bha seo tlachdmhor nad shealladh. 27Chaidh a h&#8209;uile rud a thoirt dh&#242;mhsa lem Athair, agus chan aithne do neach sam bith am Mac ach an t&#8209;Athair; cha mhotha as aithne do neach sam bith an t&#8209;Athair ach am Mac agus neach sam bith dhan toigh leis a' Mhac fhoillseachadh. 28Thigibh thugamsa, sibhse uile a tha ri saothair agus fo throm&#8209;eallaich, agus bheir mise fois dhuibh. 29Gabhaibh mo chuing oirbh, agus ionnsaichibh uam, oir tha mise macanta is iriosal ann an cridhe, agus gheibh sibh fois dhur n&#8209;anman. 30Oir tha mo chuing&#8209;sa furasta agus tha m' eallach aotrom.&#8221;</div>
 </div>
 </div>
</div>

Nuair a chrìochnaich Ìosa air àithntean a thoirt dhan dà dheisciobal dheug aige, chaidh e air adhart às a sin a theagasg is a shearmonachadh anns na bailtean aca.
A‑nis nuair a chuala Eòin sa phrìosan mu ghnìomhan Chrìosd, chuir e dithis dhe na deisciobail aige thuige, a dh'fhaighneachd dha, “An tusa am fear a bha ri thighinn, no an coimhead sinn airson neach eile?”
Agus fhreagair Ìosa iad, “Thallaibh agus innsibh do dh'Eòin na tha sibh a' cluinntinn agus a' faicinn: tha na doill a' faighinn fradhairc, agus na bacaich a' coiseachd, na lobhair air an glanadh, na bodhair a' cluinntinn, na mairbh air an togail suas, agus an soisgeul air a shearmonachadh dha na bochdan.” Agus is beannaichte an neach nach gabh oilbheum air mo sgàth‑sa.
Fhad 's a bha iadsan a' falbh, thòisich Ìosa air bruidhinn ris an t‑sluagh mu dheidhinn Eòin, ag ràdh, “Dè a chaidh sibh a‑mach dhan fhàsach a dh'fhaicinn? Cuilc air a crathadh leis a' ghaoith? Dè ma‑thà a chaidh sibh a‑mach a dh'fhaicinn? Duine air èideadh ann an aodach mìn? Seall, tha iadsan air a bheil aodach mìn ann an lùchairtean rìghrean. Dè ma‑thà a chaidh sibh a‑mach a dh'fhaicinn? Fàidh? Seadh, tha mi ag ràdh ribh, agus barrachd air fàidh. Is e seo esan mu bheil e sgrìobhte:

“‘Seall, cuiridh mise mo theachdaire rod aghaidh,
a dh'ullaicheas do shlighe romhad.’

“Gu deimhinn, tha mi ag ràdh ribh, nam measg‑san a rugadh o mhnathan, chan eil neach sam bith nas motha na Eòin Baistidh air èirigh suas; ach a dh'aindeoin sin tha an neach as lugha ann an rìoghachd Dhè nas motha na esan. O làithean Eòin Baistidh gus a‑nis, tha rìoghachd nèimh air fòirneart fhulang, agus tha luchd an fhòirneirt ga ghlacadh le cumhachd. Oir rinn na fàidhean air fad agus an Lagh fàidheadaireachd gu àm Eòin, agus ma tha sibh deònach gabhail ris, is esan Eliah a bha ri thighinn. An neach aig a bheil cluasan, èisteadh e.
“Ach cò ris a shamhlaicheas mise an ginealach seo? Tha e coltach ri cloinn a tha nan suidhe sna h‑ionadan‑margaidh, agus ag èigheach ri chèile, ag ràdh:

“‘Chluich sinn an duiseal dhuibhse,
agus cha do rinn sibhse dannsa;
sheinn sinn tuireadh dhuibhse,
agus cha do rinn sibhse caoidh.’
“Oir thàinig Eòin, chan ann ag ithe no ag òl, agus canaidh iad, ‘Tha deamhan ann.’ Thàinig Mac an Duine ag ithe 's ag òl, agus thuirt iad, ‘Seall, craosaire agus drungaire, caraid chìs‑mhaor is pheacach.’ Ach tha gliocas air a fìreanachadh le a gnìomhan.”

An uair sin thòisich e air na bailtean far an deach a mhòr‑chuid dhe na h‑obraichean cumhachdach aige a dhèanamh a chronachadh, a chionn 's nach do rinn iad aithreachas. “Is mairg dhut, a Chorasin! Is mairg dhut, a Bhetsaida! Oir nan robh na h‑obraichean cumhachdach a chaidh a dhèanamh annaibhse air an dèanamh ann an Tìrus is ann an Sìdon, is fhada on a bhiodh iad air aithreachas a dhèanamh ann an sac‑aodach 's ann an luaithre. Ach tha mi ag ràdh ribh, bidh e nas fhasa do Thìrus is do Shìdon fulang air latha a' bhreitheanais na bhios e dhuibhse. Agus thusa, a Chapernàum, am bi thu air do thogail suas a nèamh? Thèid do thoirt sìos a dh'Ifrinn. Oir nan robh na h‑obraichean cumhachdach a chaidh a dhèanamh annadsa air an dèanamh ann an Sodom, nach maireadh e gus an‑diugh? Ach tha mi ag innse dhuibh gum bi e nas fhasa do thìr Shodoim fulang air latha a' bhreitheanais na dhutsa.”

Aig an àm sin thuirt Ìosa, “Tha mi a' toirt taing dhut, O Athair, a Thighearna nèimh is na talmhainn, gun do dh'fhalaich thu na rudan seo o dhaoine glic is tuigseach agus gun do dh'fhoillsich thu iad do leanabanan. Seadh, Athair, oir bha seo tlachdmhor nad shealladh. Chaidh a h‑uile rud a thoirt dhòmhsa lem Athair, agus chan aithne do neach sam bith am Mac ach an t‑Athair; cha mhotha as aithne do neach sam bith an t‑Athair ach am Mac agus neach sam bith dhan toigh leis a' Mhac fhoillseachadh. Thigibh thugamsa, sibhse uile a tha ri saothair agus fo throm‑eallaich, agus bheir mise fois dhuibh. Gabhaibh mo chuing oirbh, agus ionnsaichibh uam, oir tha mise macanta is iriosal ann an cridhe, agus gheibh sibh fois dhur n‑anman. Oir tha mo chuing‑sa furasta agus tha m' eallach aotrom.”

सुन्नुहोस् Mata 11