<div class="version vid1512 iso6393suk" data-vid="1512" data-iso6393="suk">
    <div class="book bkMAT">
        <div class="chapter chINTRO1" data-usfm="MAT.INTRO1">
            <div class="imt"><span class="content">B&#362;SOMBOOJI BO K&#362;GUNAANA</span></div><div class="ip"><span class="content">&#298; shitabo sha ng'wa Matayo shil&#299;twinha Ngh&#363;l&#363; Jawiza mu k&#363;toolekeja g&#299;k&#299;, &#363; Yesu h&#363; ng'wene &#363; Mp&#299;ja &#363;yo banh&#363; baal&#299; bisag&#299;jiwa na Mulungu. &#298;yo wal&#299; wabisag&#299;ja a banh&#363; bakwe &#363; Mulungu mu shik&#363; j'Ilagano lya Kale, ak&#299;shik&#299;l&#299;ja mu nz&#299;la yakwe &#363; Yesu. &#362; Yesu akabyal&#299;lwa ng'wihanga lya Bayudaya, n&#363; k&#363;k&#363;la &#363;k&#363;l&#299;la mu s&#299; yabo, n&#299; mil&#299;mo yakwe w&#299;t&#299;la kwen&#363;ko, k&#363;shisha &#363;mala &#363; n&#299;mo &#363;yo wal&#299; wiza k&#363;gw&#299;ta. Aho lyang'wa &#299; likanza &#363;cha hama &#363;j&#363;&#363;ka; h&#363;na &#363;shoka ng'wig&#363;l&#363; hang&#299;.</span></div><div class="ip"><span class="content">&#362; mu shitabo sha ng'wa Matayo, py&#299; &#299; mihayo &#299;helilwe mu b&#363;galiili chiza. T&#363;loolekejiwa kwand&#299;ja ya b&#363;hangi bo k&#363;byalwa kwa ng'wa Yesu, mihayo ya ha b&#363;n&#299;g&#299;n&#299; bokwe, ya k&#363;bat&#299;&#299;jiwa kwakwe mu b&#363;bat&#299;&#299;ja bo ng'wa Yohana, na ya k&#363;geng'wa kwakwe, aho ataal&#299; kwandya mil&#299;mo. T&#363;l&#299;soma g&#299;k&#299; &#363; Yesu akand&#299;ja &#363; b&#363;t&#363;mami bokwe mu s&#299; ya Galilaya. Wajaga ak&#363;lomeelaga na k&#363;langa, ham&#242; na k&#363;p&#299;ja b&#363;saatu bo mbika jose.</span></div><div class="ip"><span class="content">T&#363;loolekejiwa n&#299; ya l&#363;gendo lokwe &#363; Yesu, aho wafumaga Galilaya k&#363;ja Yelusalemu, n&#299; y&#299;yo &#299;kang'wilongela mu nyuma ya k&#363;mal&#299;ja b&#363;t&#363;mami bokwe aho al&#299; mu m&#299;l&#299; gwa mu s&#299;. &#362; mu b&#363;sombooji bo ng'wa Matayo t&#363;l&#299;y&#299;soma &#299; mihayo ya ng'wa Yesu k&#363;shisha ikanza lya k&#363;b&#363;lagwa kwakwe ha nsalaba, na k&#363;j&#363;&#363;ka kwakwe k&#363;fuma mu bafu.</span></div><div class="ip"><span class="content">&#362; n&#299;mo go ng'wa Yesu &#363;yo t&#363;l&#299;g&#363;bona &#363; mu shitabo shen&#299;shi, g&#363;l&#299; gwa b&#363;langi. T&#363;l&#299;mona g&#299;k&#299; al&#299; Nangi Ntaale, &#363;yo ad&#363;gije k&#363;batonga mu b&#363;lembeezu a banh&#363;, na k&#363;balanga chiza &#299; shilag&#299;lo sha ng'wa Musa, n&#299; mihayo ya b&#363;temi bo ng'wa Mulungu, nguno ay&#299;manile chiza. &#298;yo w&#299;langaga &#363; Yesu, t&#363;l&#299;bona &#299;s&#363;mbiwe mu magele mataale atan&#242; &#363; mu shitabo shen&#299;shi.</span></div><div class="is1"><span class="content">1. B&#363;lomeeji m&#363; l&#363;g&#363;l&#363;</span></div><div class="ip"><span class="content">&#362; b&#363;lomeeji wen&#363;bo b&#363;t&#363;&#363;lilwe ng'wigele l&#299;m&#242;; b&#363;helwa kwand&#299;ja sula ya katan&#242; k&#363;shisha ya mpungat&#299;. &#362; ng'wigele lyen&#299;l&#299; t&#363;l&#299;langwa &#363;mo b&#363;l&#299; &#363; b&#363;temi bo ng'wa Mulungu, n&#299; y&#299;yo &#299;bigelile abo bigeleelilwe k&#363;biza mo &#363; mu b&#363;temi wen&#363;bo.</span></div><div class="is1"><span class="content">2. Amemba bakwe</span></div><div class="ip"><span class="content">&#362; mu sula y'ik&#363;mi t&#363;l&#299;bona al&#299;balanga a bahemba bakwe g&#299;k&#299; &#363; wei h'al&#299; nt&#363;mi wabo; na l&#363;&#363;l&#363; al&#299;boolekeja &#299;yo &#299;bigelile kw&#299;mana &#363; mu b&#363;t&#363;ng'wa wabo.</span></div><div class="is1"><span class="content">3. B&#363;langi mu soma</span></div><div class="ip"><span class="content">&#298; sumo &#299; ning&#299; &#299;jo akajit&#363;mam&#299;la &#363; Seeba Yesu k&#363;langa mihayo ya b&#363;temi bo ng'wig&#363;l&#363;, jis&#363;mbiwe mu sula y'ik&#363;mi n'idat&#363;.</span></div><div class="is1"><span class="content">4. K&#363;hembekwa na Yesu</span></div><div class="ip"><span class="content">&#362; k&#363;biza nghemba o ng'wa Yesu g&#363;t&#299; mhayo gwa nyaleele-leele. Shiigelile &#363; munh&#363; ilanghane mu yose &#299;yo akw&#299;taga; atiz&#363;bipamya a banh&#363; mu mhayo gose-gose. &#362; b&#363;langi wen&#363;b&#363; b&#363;s&#363;mbiwe na k&#363;helwa chiza mu sula y'ik&#363;mi n'inaane.</span></div><div class="is1"><span class="content">5. B&#363;kal&#299;k&#299;jo w'ikanza</span></div><div class="ip"><span class="content">&#298; mihayo ya b&#363;kal&#299;k&#299;jo w'ikanza &#299;l&#299; t&#363;l&#299; nalyo &#299; haha, n&#299; ya kwiza kwa b&#363;temi bo ng'wa Mulungu, &#299;helilwe chiza mu sula ya mak&#363;mi ab&#299;l&#299; n'in&#232; k&#363;shisha mak&#363;mi ab&#299;l&#299; n'itan&#242;.</span></div><div class="iot"><span class="content">&#298;YO &#298;L&#298;MO</span></div><div class="io"><span class="content">Shibyal&#299;lwe sha bak&#363;l&#363;genji ba ng'wa Yesu, na k&#363;byalwa kwakwe (1:1 &#8212; 2:23)</span></div><div class="io"><span class="content">B&#363;t&#363;mami bo ng'wa Yohana Mat&#299;&#299;ja (3:1-12)</span></div><div class="io"><span class="content">K&#363;bat&#299;&#299;jiwa kwa ng'wa Yesu na k&#363;geng'wa kwakwe (3:13 &#8212; 4:11)</span></div><div class="io"><span class="content">B&#363;t&#363;mami bo ng'wa Yesu mu Galilaya (4:12 &#8212; 18:35)</span></div><div class="io"><span class="content">Yesu kw&#299;nga Galilaya k&#363;ja Yelusalemu (19:1 &#8212; 20:34)</span></div><div class="io"><span class="content">Nyuma ya b&#363;kal&#299;k&#299;jo bo b&#363;t&#363;mami bokwe mu Yelusalemu (21:1 &#8212; 26:46)</span></div><div class="io"><span class="content">K&#363;ding'wa na k&#363;b&#363;lagwa ha nsalaba (26:47 &#8212; 27:66)</span></div><div class="io"><span class="content">K&#363;j&#363;&#363;ka na kwiyoolecha kwakwe (28:1-20)</span></div>
        </div>
    </div>
</div>

Sukuma New Testament © Bible Society of Tanzania, 2000.

BŪSOMBOOJI BO KŪGUNAANA
Ī shitabo sha ng'wa Matayo shilītwinha Nghūlū Jawiza mu kūtoolekeja gīkī, ū Yesu hū ng'wene ū Mpīja ūyo banhū baalī bisagījiwa na Mulungu. Īyo walī wabisagīja a banhū bakwe ū Mulungu mu shikū j'Ilagano lya Kale, akīshikīlīja mu nzīla yakwe ū Yesu. Ū Yesu akabyalīlwa ng'wihanga lya Bayudaya, nū kūkūla ūkūlīla mu sī yabo, nī milīmo yakwe wītīla kwenūko, kūshisha ūmala ū nīmo ūyo walī wiza kūgwīta. Aho lyang'wa ī likanza ūcha hama ūjūūka; hūna ūshoka ng'wigūlū hangī.
Ū mu shitabo sha ng'wa Matayo, pyī ī mihayo īhelilwe mu būgaliili chiza. Tūloolekejiwa kwandīja ya būhangi bo kūbyalwa kwa ng'wa Yesu, mihayo ya ha būnīgīnī bokwe, ya kūbatīījiwa kwakwe mu būbatīīja bo ng'wa Yohana, na ya kūgeng'wa kwakwe, aho ataalī kwandya milīmo. Tūlīsoma gīkī ū Yesu akandīja ū būtūmami bokwe mu sī ya Galilaya. Wajaga akūlomeelaga na kūlanga, hamò na kūpīja būsaatu bo mbika jose.
Tūloolekejiwa nī ya lūgendo lokwe ū Yesu, aho wafumaga Galilaya kūja Yelusalemu, nī yīyo īkang'wilongela mu nyuma ya kūmalīja būtūmami bokwe aho alī mu mīlī gwa mu sī. Ū mu būsombooji bo ng'wa Matayo tūlīyīsoma ī mihayo ya ng'wa Yesu kūshisha ikanza lya kūbūlagwa kwakwe ha nsalaba, na kūjūūka kwakwe kūfuma mu bafu.
Ū nīmo go ng'wa Yesu ūyo tūlīgūbona ū mu shitabo shenīshi, gūlī gwa būlangi. Tūlīmona gīkī alī Nangi Ntaale, ūyo adūgije kūbatonga mu būlembeezu a banhū, na kūbalanga chiza ī shilagīlo sha ng'wa Musa, nī mihayo ya būtemi bo ng'wa Mulungu, nguno ayīmanile chiza. Īyo wīlangaga ū Yesu, tūlībona īsūmbiwe mu magele mataale atanò ū mu shitabo shenīshi.
1. Būlomeeji mū lūgūlū
Ū būlomeeji wenūbo būtūūlilwe ng'wigele līmò; būhelwa kwandīja sula ya katanò kūshisha ya mpungatī. Ū ng'wigele lyenīlī tūlīlangwa ūmo būlī ū būtemi bo ng'wa Mulungu, nī yīyo ībigelile abo bigeleelilwe kūbiza mo ū mu būtemi wenūbo.
2. Amemba bakwe
Ū mu sula y'ikūmi tūlībona alībalanga a bahemba bakwe gīkī ū wei h'alī ntūmi wabo; na lūūlū alīboolekeja īyo ībigelile kwīmana ū mu būtūng'wa wabo.
3. Būlangi mu soma
Ī sumo ī ningī ījo akajitūmamīla ū Seeba Yesu kūlanga mihayo ya būtemi bo ng'wigūlū, jisūmbiwe mu sula y'ikūmi n'idatū.
4. Kūhembekwa na Yesu
Ū kūbiza nghemba o ng'wa Yesu gūtī mhayo gwa nyaleele-leele. Shiigelile ū munhū ilanghane mu yose īyo akwītaga; atizūbipamya a banhū mu mhayo gose-gose. Ū būlangi wenūbū būsūmbiwe na kūhelwa chiza mu sula y'ikūmi n'inaane.
5. Būkalīkījo w'ikanza
Ī mihayo ya būkalīkījo w'ikanza īlī tūlī nalyo ī haha, nī ya kwiza kwa būtemi bo ng'wa Mulungu, īhelilwe chiza mu sula ya makūmi abīlī n'inè kūshisha makūmi abīlī n'itanò.
ĪYO ĪLĪMO
Shibyalīlwe sha bakūlūgenji ba ng'wa Yesu, na kūbyalwa kwakwe (1:1 — 2:23)
Būtūmami bo ng'wa Yohana Matīīja (3:1-12)
Kūbatīījiwa kwa ng'wa Yesu na kūgeng'wa kwakwe (3:13 — 4:11)
Būtūmami bo ng'wa Yesu mu Galilaya (4:12 — 18:35)
Yesu kwīnga Galilaya kūja Yelusalemu (19:1 — 20:34)
Nyuma ya būkalīkījo bo būtūmami bokwe mu Yelusalemu (21:1 — 26:46)
Kūding'wa na kūbūlagwa ha nsalaba (26:47 — 27:66)
Kūjūūka na kwiyoolecha kwakwe (28:1-20)

Listen to Matayo BŪSOMBOOJI BO KŪGUNAANA